Jeremia 12:1 - ŊWÀʼ NYÙY

¹ Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?

Jeremia 12:1 Referans Kwoze

Malakay 3:15

Vèr kù sí yén kér ji bòŋ ké vé kiŋàʼa, a kéŋ wìr ve á méŋ Nyùyi kù kúy kuyín. Jòkìnyàʼ, á tínsin Nyùy, la kinyo ki yòʼ sə̀ʼ áwune.› »

Nsùyrì Nyùy 92:7

mo wír ve á méŋ Nyùyi fə̀m kúy moo vikwiíy, a wír ve á kér yii ye bií kuʼkìr kùʼkìn ben, áwune kù wíy lày a ŋkuuŋkùŋ.

Nsùyrì Nyùy 37:1

Lá à yòʼ a yu ntéŋ bìʼ wír ve á méŋ Nyùy. Lá à yòʼ a siimé vijuŋ ve wìr ve á buʼtì vinyo.

Daniel 9:7

Éè Nyùy Tàr, à dzə̀ là shilóm. Yii bèy, fo kér kí, woómé si sùm ne ver bìʼ kinyo ke vèr mum e wò, e shem lán. Ver ve á dzə́ e wòŋ woo Juda, à veé Jerusaleme, e lì veé Isray ve à taʼarin vitúm vidzə̀m, à vee fó mentsə̀mé, à vee kwaʼdáa. Vèr kù sí woóme woòmén, ver adzə̀m adzə̀m.

Ŋwàʼ Jov 12:6

Vé kimfaàsìi kù néŋ aáwuné melaʼ ji dèʼ, a wír ve á tínsin Nyùyi dzə́ là fan, a dzə̀ áwune vin ve á ghán aànyùyi.

Habakuk 1:4

Nsər yòʼ dzəə́ kér vitaáví, a vé saʼa yòʼ kfə̀n tínen nsaʼ e nsànloŋ. Wír ve á méŋ wòo gìŋ ne ve á yúnin wò, e tàr. Á kù sí shwiv nsaʼ, du duùn fó mbìy.

Nsùyrì Nyùy 51:4

M kù jày ne a dzə̀ e wò, e wò cáʼcáʼ, e yiì kinyo ke dzəə̀n ke bi kí e wò si. Á bèy, à kù sàʼ ne mo réŋ, a bó jay yòʼ dzə̀ é kinyò ke à tinen.

Nsùyrì Nyùy 37:35

Mò‑oò yèn mo wìr wo wù méŋ Nyùy kóʼninè, tíy tiyín e wìr dzə̀m kitu moo kicí kee *sidar keé Lebanon.

Tsəfaniya 3:5

Nyùy Tàr kù dzə́ kfə́ aáwuné mvəm, yii vinyo a dzə̀ vee tìítiy, a wù yòʼ yii ve bi ví. Wù yii vinyo e wír vəə́ kishiíy kidzə̀m, là kiloʼ. Wù yòʼ shóʼor kímóʼ kee kishiíy, aàŋgàa yiì ye bií kù buʼtì vinyo, là woómé.

Jeremia 11:20

Yii bèy, éè Nyùy Tàr, Taà Mànjòŋ, wò wo à yii tínen vinyo vé réŋ, aà kfə̀n lo, à mùmrì melív me wíri wùn à vifií vév ví, ku yiì, é m yén mo à siir ŋkfə́tír aáwuné kitu. M wày ne kinyo kidzə̀m a dzə̀ e wò kiwo.

Jeremia 12:6

Fə̀m afə́r vé, à kfə́ə yée, áwune màʼ ne wò. Wùn à vé menàŋé suùsín ne, a dzə̀ wuú yé. Á lóo bètì wò e shuu wo juŋe bey, à wàa yen.»

Jeremia 5:11

Rám Isray wùn à yé Judàa dzə́ bèn, aáwune mèŋ ne mo ŋkuuŋkùŋ. Suuy mo woo Nyùy Tàr.

Ŋwàʼ Jov 13:3

M taʼ ji m súŋnín á vèr Nyùy woo Ŋgaà Vitaàví Vidzə̀m. M yár jíŋ ji m ku tuùné kitú kém a dzə̀ e wun.

Esra 9:15

Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»

Hosea 6:7

Yii bèy, wír vémé kù‑uù ŋwày *mensaŋ mem moo Adam, kù laarì a dzə̀ sí, e làa yòʼ a tiy e mǒ wùn.

Aysaya 48:8

Aày, bó vèn yòʼ‑oò ghàn ne kìíy vinyo vìn, kìn ji vèn yú yuún. Á yòʼ‑oò ghàn ne feèsí vituʼùr vén, ye vèn yú vinyo vìn. Mò‑oò kìíy ne jii, aá dìn kinyo e vèn, bo vèn kù yíi kfən ji alá fó fèn, e là fó fèsə. Vèn kù‑uù sí tsə́y kóy vèsən, e kèʼ mo mò‑oò yìyìn ven ji kitúm.

Aysaya 41:21

Nyùy Tàr yoŋ aànyùy vitume jii: «Vèn wáy nsaʼ yen, e naàrì kinyo kén kí kijuŋ.» Rúrú, wun woo Fon rám Jakov suuy jii, «Vèn din rú kisəəm kee ji vèn dzə̀ anyùy ki.

Ŋgàn 1:32

Anjìʼi tén fóo yu ntir, á lì a dzə̀ yév yee kpú. A viyúŋ ví səŋ wún, bo ví yúyri a dzə̀ vitú vév.

Nsùyrì Nyùy 145:17

Nyùy Tàr yii kinyo kidzə̀m là kiloʼ, a vinyo ve wù yii vidzə̀m vi kù din mo wù dzəə̀n e juŋ.

Nsùyrì Nyùy 119:137

Rúrú, Nyùy Tàr, à dzə̀ là jay, à tínen vinyo vé, a ví kù du tìítiy.

Nsùyrì Nyùy 119:75

Nyùy Tàr, m kì ji à yii tínen nsaʼ là kiloʼ, a wò‑oò lo màʼ ŋgeʼ e mǒ kitu, aà koŋ mo kóŋen.

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

Kèʼlo 18:25

Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»

Nehemia 9:33

Kinyo kidzə̀m ke kí‑iì kooyin ver kí dzə̀, a wò‑oò yiì réŋ. À kù‑uù yii kijuŋ e vèr, fə̀m mo vèr‑iì yii kibí e wò.

Nsùyrì Nyùy 116:5

Nyùy Tàr dzə̀ ŋgaà shammèndzə̀n, kér wíri kijuŋ, rə́r mendzən mev.

Ŋgaà Tàrvìnyò 8:14

Ku yèn búʼú kinyo ke kisaŋ kímóʼ kí ke kí lo, kí wàa koóy e sar shùy ki. Á li kinyo ke juŋ ke á kì yíi yiì a dzə̀ e wìr wo wù yú Nyùy, á yiì a dzə̀ e wo wù méŋ Nyùy, li ke á kì yíi yiì e wo wù méŋ Nyùy, á yiì a dzə̀ e wo wù yú Nyùy. A dzə̀ á wàa suúy jii, «Kidzə̀m ki kù dzə̀ kinyo kisáŋ.»

Jeremia 3:7

M wáa ki ji wù yíi ghan, yii vinyo vìn bèn, é wù kfə́n, e yèn á mo, la wù yòʼ kfə̀n, a jemèr rə yee Juda woo wir kisaŋ kù yén vinyo və́.

Jeremia 3:20

Abaày wìr veé Isray, moo wiíy wo wù ŋwayin lúm və, a ghan, kù dzə̀ mo vèn yiìn ne vèsən. Suuy mo woo Nyùy Tàr.»

Jeremia 9:2

Kì yée fó a dzə ji kirə́ʼ kí dzə̀ é woʼ, kirə́ʼ kee fo a dzə̀ vé ghane wàa shiíy, bo m kì màʼtì wír vér, e lò fo áwuné ghaŋ. Áwune dzə̀ vé kinjàŋe adzə̀m, ŋgoo wìr ve á buʼtì vinyo.

Jeremia 32:16

Mo m foon aŋwàʼ njùn vin e Baruk woo wan Neria, e nèn a bùnrì Nyùy Tàr, a suúy jii:

Yòvdìy 1:18

«Kinyo ke Nyùy Tàr yiìn e mò kí dzə̀ réŋ. M yòʼ‑oò lo yùnín nsər sə́. Wìr dzə̀m ku yuùrí, e yù, e lèéy ŋgeʼ sém sí. Aŋgàa vibàné koòrí ne wónlě nsùm vém, e koòrí wónlě ŋgòn vém, e dù sho e kwaʼ nsàm.

Esiker 18:25

«Yii bèy, a vèn yoŋ kén jii, ‹Bó Nyùy Tàr yòʼ yii réŋ.› Abaày wìr veé Isray, vèn yuúrí, dzə̀ ji bó m yòʼ yii réŋ a? Bó yòʼ yii ven vinyo kintéŋ à?

Ŋwàʼ Jov 8:17

Gháŋ sə́ sí ron e nsàn se tiy, leey kirə́ʼ ke a dzə̀ sí fàáy shó.

Ŋwàʼ Jov 24:12

Wír ve vé mbàme yiìn, á wáa kìʼ kpúu sí kónsi fo mvə̀mlaʼ, a ve áwune lemeriné tóŋ ji Nyùy ku sə̀ á áwune. Yii bèy, a bó Nyùy yòʼ sáʼ vé mbàme bìʼ njiìn wov.

Ŋwàʼ Jov 24:23

Wù lo, wù kìŋsìn áwune fó shintàm, aá kù yéʼti a dzə̀ shó, yii bèy, a wù kù wáy sí aáwuné wùn.

Nsùyrì Nyùy 51:6

Rúrú, à kér ké shií é suuyrú wo wù lo a dzə̀ fó shiliv. Ku yèʼéy mo vifií vé, é ví nəə́ e mǒ kwàʼtì.

Daniel 9:14

Bìʼ bey Nyùy Tàr, à shwèʼtí ne, e kìíy ghán sée màʼ ŋgeʼ e věr kitu. Aà kù yiì bèy, bìʼ fo à dzəə̀n Nyùy, aà yii yii vinyo réŋ, fə̀m mo bó vèr yoʼ yuùrí jí yè.

Malakay 2:17

Vèn kòr ne shilív shé Nyùy Tàr e kisúŋnìn kén kí. Yii bèy, vèn nen kfə̀n lò, a dzər jii, «Kee shooy ki kòóy e ghàn ka?» Vèn dzə́r bèy, a jay won dzə̀ kisúŋnìn kén kee jii, ŋgaà yiì vinyò ve bi ví dzə̀ wo wù dzəə̀n kiránén e Nyùy Tǎr si, a wun woo Nyùy Tàr shéʼri wír vee bey. Vèn kfən lò fo fo, a màʼ lám jii, wun woo Nyùy wo wù tínen vinyo e nsànloŋ bèé lèn?