Jeremia 11:7 - ŊWÀʼ NYÙY

⁷ Ku fìʼtì ji m yoŋ a jii, ‹E kèʼ mo mò‑oò fəərin atàr vén fó nsay Ejiv, a kàntì áwune akàŋ akàŋ, m kù dzəə́ kantì ven, e wìy shem lán ji vèn wáa yunín a mo.

Jeremia 11:7 Referans Kwoze

2 Wòŋ 36:15

Nyùy Tàr woo Nyùy atàr vév kù‑uù rə́si tsə́nsi aŋgàa ntum və́ fo áwuné wùn ji á wáa kàntì a áwune fó vinyò ve bi ví, bìʼ fo wù‑uù rə́r mendzən me wìr və́, kfə̀n rə́r me lav cù ye dzəə̀n kirə́ʼ kfə́ ké dzə.

Efesor 4:17

Ke m tír ven shó e Tàr wòsən Kristu yir kí nén a dzə jii, lá vèn yòʼ dzə́ə a dzə, a yiì a moo wír ve bó á yòʼ kiìn Nyùy. Áwune yòʼ kì fo á dzəə̀n.

1 Samuel 8:9

Ku yuùrí kinyo ke áwune suuy ki. Yii bèy, naàrì aáwune kijuujùŋ, e yiì, aáwune kiíy kfə́ə liì wo fòn wo wù yíi a saʼ áwune yíi a ker.»

Ŋwàʼ Fəə 15:26

Wù‑uù sùúy jii, «Dzə̀ mo Nyùy Tàr, wo wù fer ayàsí vén. A vèn yiì a yu mo, a yiì vinyo vee tìítiy, a lèm nsər sém, a yiì vinyo ve m tiirin e věn wùn vidzə̀m, bo m yòʼ yíi màʼ ŋgeʼ yàsí e věn kitu ye mò‑oò màʼàn e wír veé Ejiví kitu.»

2 Tesalonika 3:12

Vèr nén a kàntì wír vee bey, a tir e Jesus Kristu yir jii, áwune dzəʼəm á e nsay ji nyaáŋ, a lìm yév yee lim, e fíʼ a koóy a vév vee vifá ve yi.

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 25:4

«Nyùy Tàr kú a tum vé lìm və́ vee aŋgàa ntum adzə̀m fo věn wùn akàŋ akàŋ, yii bèy, la vèn yòʼ a yuurí, a vèn yòʼ fə̀m gwarìr kinyo kfə́.

Jeremia 11:4

ntò se mò‑oò foon áàtàr véví, e ghan se mò‑oò fəər áwune fó wòŋ Ejiv, fo vé‑eè yén ŋgeʼ mo á ton a dzə̀ kilam. Mò‑oò yòŋ ji áwune wáa yu jí yem, a yiì kinyo kidzə̀m ke m suuyin, aá nèn a dzə a wír vém, é m wáa dzə Nyùy wov.

Jeremia 7:13

Mo woo Nyùy Tàr, m nén a kàʼ ven jii, mo vèn yiìn ne vin vee vinyo, m súŋnín e vèn akàŋ akàŋ, la vèn yòʼ yuùrí, m jáŋ ven, la vèn yòʼ biìmé,

Remrí 30:20

Kù dzə̀ ji vèn kú a kòŋ Nyùy Tàr woo Nyùy won, a yunín wun, e kù lùm a dzə̀ wun, e kpù shó. Kee shooy ki sì luŋ fo vèn, à dzəʼə̀m ye dáa, a kí wíy yiì, é vèn bónén, e shìíy bèn, e kòŋrí e nsay ye Nyùy Tàr‑iì lìʼìn ji wun wíy fo aàtàr vén vee Abraham wùn à Aysi, à Jakovi.»

Remrí 12:32

«Kinyo kidzə̀m ke m yòŋèn e vèn, vèn ku wìy wày ŋàŋ, a lèm. Lá vèn yòʼ wìy dzə̀sì kifá sho, lá á yòʼ shòʼór.

Remrí 8:6

«Kí nén a dzə jii, vèn ku wìy a lèm nsər se Nyùy Tàr woo Nyùy won sí, a ghan a dzə̀ e wun mbòv, a ghvəm wun.

Remrí 6:2

Á bèy, é vèn à wón véné, à wón won véné nèn a ghvəm Nyùy Tàr woo Nyùy won, a lèm nsər sə́, a yu sáʼ rə́ ye m fó e vèn. Vèn kú a lèm, e dù, e meé mo vèn dzəə̀n shó, e fíʼ wìy bonén, e shiíy.

Remrí 5:29

Kì yée fó a dzə feyì ji á mo shilív shév shí dzəə̀n ben ghán sidzə̀m. Áwune kì yèe fó a fàn mo, a lèm nsər sém sidzə̀m, é kí fiʼ yiì, aáwune wáa ker vishí ve juŋ vi, à rám yéví shó, e wìy dù, e mày.

Remrí 4:6

Vèn wáa lèm, a yiì. Kee shooy ki yíi a dìn vifií wùn à kiíyi e vitúm vímóʼ ví. Á lóo yu nsər sìn sidzə̀m, aá wáa yòŋ jii, ‹Rúrú, kitúm ke kí dzəə̀n wír nyanyày, e kfə̀n tàv kin ki dzə̀ ben, a dzə̀ afií, aá kfə̀n kì vinyo.›

Jeremia 25:3

«Sì lèn viyá nshòv sitaár e mbaà mo Nyùy Tàr kù tiísi kinyo kfə́ e mò. A wù‑uù kèʼ, a Fòn Josia woo wan Amon sáʼ ne e Juda kiyá nshòv sitaár e ghvə̀m. M ku nèn a fìʼtì ntum Nyùy e vèn là yar, e wìy meé lán, vèn ku tèn fó yu.

Jeremia 31:32

A bó mee shoon mè yòʼ dzəə́ wìy a dzə moo me mò‑oò gwàrìn vèr aàtǎr ram véví é ghan se mò‑oò gharin áwune e kiwó kém kí, e fə̀ə́r fo wòŋ woo Ejiv. Áwune‑eè bìvír mee shooy, fə̀m mo mò‑oò dzəə̀n tàr wov. Suuy mo woo Nyùy Tàr.

Jeremia 35:14

Jehonadav woo wan Rekav‑iì fò nsər e wón vəə́ ji lá á yòʼ a no a meluʼ. Áwune ku nèn yùnín, e làa yòʼ a no, e wìy, e shem lán, a dzə̀ bìʼ fo á lem nsər tàr wov. Kém kí nén a dzə, a m rə́si súŋnin e vèn, a bó vèn yòʼ yú kinyo kém.

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.

2 Afòn 17:13

Nyùy Tàr‑iì ló a kàntì wír veé Isray wùn à veé Judàa, a shaà fo aŋgàa ntum vəə́, kfə̀n shaa fo ve á yén vinyóo. Wù‑uù kantì, suuy jii, «Vèn maʼti liì kisaŋ, a lèm nsər sém wùn à ntir sém sí, se sí dzəə̀n é Ŋwàʼ Nsər wo mò‑oò foon áàtàr véné. Mò‑oò fò ŋwàʼ və̀n, e shaà a dzə̀ fo aŋgàa lìm vémé, áwune vee aŋgàa ntum vém.»

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Jeremia 34:14

a wìr lò, a ker kwàn a dzə̀ wir Hibru mo wù yunen, wù lim fo wun kiyá ntuùfú, kí meé ji saàmbà, wù waà màʼtì. Wù kù kér fó wìy màʼtì, é la wù yòʼ dzə́ə a lìm a e wun sar. Yii bèy, la atàr véné yòʼ yuùrí, a bó á yòʼ fə̀m‑eè ló a gwàrìr nsər yem.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.