Jeremia 11:4 - ŊWÀʼ NYÙY

⁴ ntò se mò‑oò foon áàtàr véví, e ghan se mò‑oò fəər áwune fó wòŋ Ejiv, fo vé‑eè yén ŋgeʼ mo á ton a dzə̀ kilam. Mò‑oò yòŋ ji áwune wáa yu jí yem, a yiì kinyo kidzə̀m ke m suuyin, aá nèn a dzə a wír vém, é m wáa dzə Nyùy wov.

Jeremia 11:4 Referans Kwoze

Remrí 4:20

Yii bèy, vèn dzə̀ kén, a Nyùy Tàr‑iì lì ne ven, e fəə̀ shó fo Ejiv fo ŋgeʼ‑eè báv ven moo və́y woó kilàm. Wù‑uù yiì bey ji wun lem ven ji və́ vee wír. Vèn ku nèn a dzə bèy, e wìy shem lán.

Cù 26:12

M kù wíy a dzə e věn mvəm, a m wíy a dzə Nyùy won, é vèn wáa dzə wír vém.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

Sekariya 8:8

M fəərì, é m siir é Jerusalem, aá wáa dzə fo, a dzə wír vém, é m wáa dzə Nyùy wov, a leéy áwune e suuyrú, a leéy e dzəə yee tìítiy.»

Jeremia 24:7

M wíy fo áwune shilív she á kiíy ji m dzə̀ á Nyùy Tàr, aáwune nèn a dzə wír vém, é m wáa dzə Nyùy wov. Áwune wíy kfən e mǒ wùn shilív shév shidzə̀m.

1 Afòn 8:51

bìʼ fo kù dzəə̀n wír vé, a kfə̀n dzə̀ vitsə́ʼ vé ve wò‑oò fəərin fó kimbiirìn ke və̀y é wòŋ Ejiv.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Esiker 37:23

Áwune yòʼ dzəə́ wìy a lor vitú vév e mebvə̀m me vé‑eè ghvə́m mè, kìn e vifá ve joònè vímóʼ ví, a bó á yòʼ dzəə́ wìy a tsəy kóy vèr áwune. M wíy yiì, é la áwune yòʼ dzəə wìy a kfənrí wuú, a bùʼtì vinyo ve vé‑eè rə́si buʼtì. M yii bèy, é m *kfə́mrí áwune, aá rán fó *kifàn ke vé‑eè liìn, e nèn gheén e wìr vém, é m wáa dzə Nyùy wov.›

Esiker 36:28

Vèn kù wíy a dzə e nsay ye mò‑oò foon áàtàr véné, a dzə wír vém, é m wáa dzə Nyùy won.

Esiker 14:11

M yii bèy, é la wír veé Israyi yòʼ kfə̀n wìy a nyàʼ mo, e bày wún, e lòr kitú e mvə̀m joònè wo áwune lo, yii e dzə̀m, e lì *kifàn. Aáwune kú a dzə ji wír vém, é m wáa dzə Nyùy wov. Suuy mo woo Nyùy Tàr woo Taà Ndzə.»

Esiker 11:20

Á bèy, aáwune nèn wìy a yu sáʼ yém, a rə̀tì, e bó a yiì kinyo ke m tinen. Á wíy a dzə wír vém, é m wáa dzə Nyùy wov.›

Jeremia 30:22

Vèn wíy a dzə wír vém, é m wáa dzə Nyùy won.»

Jeremia 26:13

Á bèy, vèn kúvsín liì won, e kùvsín yii yéné, a yunín Nyùy Tàr woo Nyùy won. A vèn kùvsín, bo Nyùy Tàr lo, e kuvsín sa kwaʼtì rə́, e làa yòʼ dzə́ə màʼ ŋgeʼ ye wù baʼtin, a kìʼ ven shó.

Remrí 11:27

Kisəəvì kí dzə̀, a vèn fen wìy a lèm nsər se Nyùy Tàr se m fó e vèn lán.

Cù 26:3

«A vèn wìy a yu sáʼ yém, a yunín nsər sém, a yiì mo sí dzəə̀n,

Kèʼlo 17:8

M wíy fo woŋ wo à dzəə̀n kiŋgwìy sho və̀n e wò. Wóŋ Kanan e dzə̀me sì wó vèn à rám yée ŋkuuŋkùŋ, à rám yé yee mo yí wíy a dzə fo bàmé. A m wíy a dzə Nyùy wov.»

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Sekariya 6:15

Ké kibàʼrì kee Nyùy Tǎr lav ki dzə̀ kfə́ jii, wír veé Juda ve á dzə̀kìn kwaʼdáa wíy a wìy, a tom. Yì kóʼó, é vèn nèn kìíy ji tùm rú á Nyùy Tàr woo Taà Mànjòŋ mo fo věn wùn. Yì kù wíy koʼ, a vèn fey bònén, a yu sáʼ Nyùy Tàr woo Nyùy won, a yiì mo yí dzəə̀n.

Esiker 37:27

Kirə́ʼ kém ké dzə ki wíy a dzə aáwuné ntìntìn, é m wáa dzə Nyùy wov, aáwune wáa dzə wír vém.

Jeremia 32:28

Bo kí dzə̀ jii, m lo, e way ŋkàlaʼ rə̀n e Fòn Nebukadnessar woó Babilon kiwo, é wùn à wír vəə́ ton fó. Suuy mo woo Nyùy Tàr.

Aysaya 48:10

Vèn leéy, e yèn, mò‑oò sí sheŋrì ven, yii bèy, a bó m yòʼ‑oò sheŋrì a dzə̀ e və́yí, mo wìr shèŋrì kisha ke mbàm ke fəvír kí. Mò‑oò lì a dzə̀ ŋgeʼ, a shèŋrì ven shó mo á shèŋrì kisha e kǐŋ kilàm.

1 Samuel 15:22

Samuel dzə́r e wun jii, «Ke Nyùy Tàr koŋ e ŋàŋ kí dzə̀ ka? Wù koŋ a dzə̀ cu ye tonèné kìn ye seeríné mo wù koŋ ji wìr wáa yunín jí rə á? Ghvə́m ye á ghvə́m Nyùyi bòŋ e shaà cu ye á cu wun, réŋréŋ mo yúníne bòŋèn, e shaà fóm se njiì se á tonè.

Ŋwàʼ Fəə 20:6

Yii bèy, a m din koŋ yém e wóné, e ŋgwàʼ sí ŋgwàʼ si, e dù, e meé nsə̀kì, bìʼ koŋ ye atàr véví koŋ mo, lem nsər sém.

Aysaya 30:6

Ntum Nyùy yee kùm nyám seé Negev rə̀ne. Wìr shaa e Negev, wù kù yèn a dzə̀ ŋgeʼ, a ghan, a fàn. Dzə̀ kirə́ʼ, a kù dzə̀ fo abvərə̀ʼə́ dzəə̀n, kìn dzə̀ woo lumèn, kìn woo wiíy, a kù dzə̀ sá fo vifíy wùn à yó se ndzəʼ símóʼ sí dzə̀kìn. Vé ntum veé Judàa béʼ bùʼ e vitu ve vimbèʼbìy, kù shaa dzə́ə a dzə̀ fó fo, wiy e vifá vév veé kilùm vi aàkamerí ndzə̀m, du ji á shwí wíri shó, a bó yòʼ fə̀m dzə̀ ve dzə̀ á sə̀ áwune.

Jeremia 11:7

Ku fìʼtì ji m yoŋ a jii, ‹E kèʼ mo mò‑oò fəərin atàr vén fó nsay Ejiv, a kàntì áwune akàŋ akàŋ, m kù dzəə́ kantì ven, e wìy shem lán ji vèn wáa yunín a mo.

Jeremia 38:20

Jeremia bìnèr jii, «Á yòʼ wíy way a fon e wír vee shooyí wo. Kí dzə̀ á ji fòn ku yùnín a dzə̀ á kinyo ke Nyùy Tàr ke m tiisin á e wun, é vinyo ve fòn vi nèn wìy a ghan a kijuŋ, é dzəʼə̀m fòne wáa dzə a e kiŋsìn.

Daniel 3:26

Fòn Nebukadnessar nèn bìʼtí e shuù wo wú nəə e kimbiirìn ke və̀y fey, e fuùŋé kitávín jii, «Shadrak, Meshak, Abednego, ven vee aŋgàa lim Nyùy woo Taà Vitu, vèn fəə́kír, e wìy fèn. Áwune vee ataári ku nèn fəə̀kír fo mvə̀m və̀y fey.»

Remrí 5:6

‹Dzə̀ mo Nyùy Tàr woo Nyùy won, mo wo mò‑oò fəərin ven fó wòŋ Ejiv fo vèn‑eè reŋ vikwàn.

2 Afòn 18:6

Wù‑uù jumrì Nyùy Tàr féyì, a bó wù yòʼ‑oò lo ghàn sìíy yàr fó a jùmrì wun. Wù‑uù yú nsər se Nyùy Tàr‑iì foon e Mooser.