Jeremia 11:16 - ŊWÀʼ NYÙY

¹⁶ Wír veé Isray, Nyùy Tàr‑iì yoŋ ven ji kicí ké *oliv ke kí toon sí, kicí ke kí teʼ, kfə̀n koom báŋ ye juŋ. Yii bèy, a wù sí wìy tòn kicí kin, é kí wáa shwi, a ghvəə moo kinsəm, é tám si wáa faàkìr.

Jeremia 11:16 Referans Kwoze

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Nsùyrì Nyùy 52:8

A m dzə̀ kém ji kicí ké *oliv ke kí rəsìn ji lìŋ, a kí tíy a dzə̀ e Nyùy lav. M tiir vifií a dzə̀ e Nyùy wùn, Nyùy wo wù yii koŋ wír və́, a m kù wíy a tiír bèy, e dù, e jòʼsì.

Nsùyrì Nyùy 80:16

Á tòn ne kitiír ké e və́yí, e gwàr, e wày é nsay. Ku kàv vishí vé vi, e laàr áwune, aá sə́ʼsí.

Joon 15:6

Wìr wo bó wù yòʼ tíy e mǒ wùn nén a dzə moo tám wo á faàn, e màʼày, wú yúm. Á lo, á bàʼtí, e tòn a dzə̀ é və̀y.

Matio 3:10

Vèn wáa kiíy jii, á nàn ne njàm ji á sí gwar vicí ve bó ví yòʼ koom vifá ve juŋ vi vidzə̀m. Aá yíi mèn, à gháŋé shó, e tòn e və̀y.»

Jeremia 21:14

Rúrú, m yíi màʼ ŋgeʼ e věn kitu mo yii yéné dzəə̀n. M yíi tòn ntoʼ yen e və́yí, e tòn kifá kidzə̀m ke kí kaarin fó, e tàr. Suuy mo woo Nyùy Tàr.› »

Nsùyrì Nyùy 83:2

Aŋgaà vé vibàné sí wiy e melaà mè. Aŋgaà vé menàŋé sí lór wò e vinyo vi.

Ŋgaà Yen 11:4

Wù wáa suúy bèy, aàŋgàa ntum vee abaà víne dzə̀ vicí vé *oliv vee vibaà ve á yoŋ e ŋwàʼ ŋgaà ntum Nyùy wùmòʼ, kfə́n a dzə vitiir ve làm vibaà, a vifá vìn vi tíy a dzə̀ e Nyùy woo Taà Ndzə si.

Remrí 28:40

Vèn wíy a ker vicí vé *oliv, woŋ wón e dzə̀m, yii bèy, e làa yòʼ a ker meŋgvə́r me dzə̀ á fə̀m sòr wún shó, bìʼ fo vicí ví wíy a fə̀ʼ, a kuùy.

Ŋwàʼ Jov 8:16

«Wù lo, wù wàa kuy, a rə̀sìn moo kicí ke kí tókir e shùy, a tám sə́ sí saŋrì e kiboo.

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Hosea 14:6

Áwune kfə̀n dzəə́ wìy tokír, a kuy, a bòŋkìr moo vicí vé *oliv, a rə̀m, a rə̀ʼtìn moo vicí vé *sidar veé Lebanon.

Nsùyrì Nyùy 80:17

Kìŋsìn fon wo à shoʼon, ŋgaà wo à tavirin ji wir wò.

Jeremia 2:21

Mò‑oò bìy wò moo kitiír ke tayín kí, kitiír ké *vayin ke á tayin mbìy táyín. À yèe, e bóo dù ji kitiír ke bi kí, a koóm a dzə̀ báŋ se bi sí?