Jeremia 11:10 - ŊWÀʼ NYÙY

¹⁰ Áwune kfə̀n ne, a yiì vinyo ve kisaŋ vi ve atàr véví‑iì yii. Atàr véví‑iì tèn fó a yu kinyo kém. Áwune‑eè lò, a leʼnín a dzə̀ áànyùy kisaŋé bàm, a cù. Wír veé mbìv Isray wùn à veé mbìv Judàa tàtí ne adzə̀m, e bìvír mensaŋ me mò‑oò gwàrìn vèr aàtàr véví.

Jeremia 11:10 Referans Kwoze

Remrí 31:16

Wù tiím, e yòŋ e Mooser jii, «Yén ri mbà, à sí lo, e dù, e yen atàr vé aàŋkfəə́ wòŋ. À kpú, bo wír vìne sí lo, a jùmrì anyùy vitum veé nsay yee fo á du, e nəə́. Áwune wíy bìn ndzə̀m e mò, e shoʼór *mensaŋ me mò‑oò gwàrìn vèr áwune.

Esiker 16:59

Á bèy, ke suuy Nyùy Tàr woo Taà Ndzə ki dzə̀ jii, «M yíi lovtí e wò réŋréŋ é ntuʼ ye à bùʼtìn vinyo sho. À ŋwày kilìʼ, e shòʼór *mensaŋ mesò.

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.

Atǎr Nsaʼ 2:19

Yii bèy, tàr nsaʼ‑aà kpú, áwune nèn siì kfə̀n é liì kisaŋ wo áwune‑eè kér fo mbìy və̀y, a bùʼtì vinyo, a shaà mo atàr véví‑iì yii. Áwune‑eè gvə́ʼti, ghvə́m anyùy ámóʼó, a bó á yòʼ‑oò lo yàr fó a ker liì kisaŋ, a bùʼtì vinyo.

Atǎr Nsaʼ 2:17

Yii bèy, bó wír veé Israyi yòʼ‑oò lo fò vituʼùr é kinyò ke atǎr nsaʼ véví‑iì suuyì. Áwune kù‑uù maʼày Nyùy Tàr máʼayin, du, ghvə́m anyùy ámóʼó, cu áwune. Atàr véví‑iì ló a yunín Nyùy Tàr, yii bèy, ŋgwàʼ ye fíy rə̀n ku lò kév, e nèn tèn ténén fó a yunín.

Hibru 8:9

A bó mee shooy mè yòʼ dzəə́ wìy a dzə moo me mò‑oò gwàrìn vèr aàtǎr ram yéví é ghan se mò‑oò gharin áwune e kiwó kém kí, e fə̀ə́r fo wòŋ Ejiv. Meé ghan see shooy mè‑eè ghàʼ áwune, la á yòʼ à lèm. M nèn màʼày sa áwune. Suuy mo woo Nyùy Tàr.

Tsəfaniya 1:6

M wíy laàr wír ve á bìnèn ne ndzə̀m e mò, a bó á yòʼ dzəə́ taʼ mo, a bó á yòʼ dzəə́ bee mo woo Nyùy Tàr é kinyò.»

Hosea 6:7

Yii bèy, wír vémé kù‑uù ŋwày *mensaŋ mem moo Adam, kù laarì a dzə̀ sí, e làa yòʼ a tiy e mǒ wùn.

Esiker 44:7

Vèn màʼtì ne ambuʼŋgàŋ, á nəə́kír e mǒ lav cù. Wír vìn, a bó á yoʼ sàŋ mbèʼ sév, a bó melív mev mè yòʼ tíy e mǒ wùn. Vèn máʼtí, á wáa wìy e kirə̀ʼ fo vèn yii cu sém e fóm se nyàm si, à mensə́ mè, e nèn bìvír kirə́ʼ kém ké cù. Vèn shòʼór ne *mensaŋ me mò‑oò gwàrìn vèsən, e nèn dzə̀sì jay və̀n e kitu ke joònè wo vèn yii e dzə̀m.

Nsùyrì Nyùy 78:57

Áwune‑eè bìn ndzə̀m e Nyùy, e màʼày wun réŋréŋ mo atàr véví‑iì yiìn, a dzə moo kinte kee bòŋ fó si.

Remrí 9:7

«Vèn kuúmé, e làa yòʼ wìy làysìn mo vèn‑eè yiìn, Nyùy Tàr woo Nyùy won shwiíy kilòŋ é kirə̀ʼ ké woʼ kí. Kèʼ mo vèn‑eè loòn fó wòŋ Ejiv, e wìy, e mèé fèn, vèn kù táv a dzə̀ kitú fo Nyùy Tàr.

Cù 26:15

a ŋway sáʼ yém ŋwayín, a ten fó a yu kinyo ke m tínenè, a shoʼór *mensaŋ me mò‑oò gwàrìn vèsən,

Sekariya 1:4

Lá áwune yòʼ a tav a kitú mo atǎr ram véví‑iì táví. Aŋgàa ntum vém vee fó mbìyi‑iì kantì áwune ji mo woo Nyùy Tàr woo Taà Mànjòŋ‑eè suuy a jii, á biner á melív mev, e yàr fó a yiì liì kisaŋ. Yii bèy, áwune tén fóo yunín mo. Kù suuy mo woo Nyùy Tàr.

Hosea 7:16

e bìnkìr, a kìʼ kifá, a bó yòʼ dzə̀ Nyùy. Áwune dzə̀ kév moo kinte ke bó yòʼ dzə̀ kí tè kifá. Atǎr saʼ véví sévti mo, aá kù yíi kpu yé rər. Kpú bèy, é wír veé Ejivi wáa sheʼ áwune.»

Hosea 6:4

Yii bèy, Nyùy Tàr nén a ghay jii, «Éè wìr veé Isray wùn à veé Judàa, kinyo ke dzə̀ m yiì e vèn féyì feyì ki dzə̀ ka? Koŋ ye vèn koŋ moó kù dzə̀ moo mbàʼŋkfəə́mé ye à yén lèn, shishàr, yì nèn ŋeèmé, e lày, kìn moo ŋweʼ ye yí gbu kijàvndzə, yí kù nèn yùm é ghan.

Jeremia 31:32

A bó mee shoon mè yòʼ dzəə́ wìy a dzə moo me mò‑oò gwàrìn vèr aàtǎr ram véví é ghan se mò‑oò gharin áwune e kiwó kém kí, e fə̀ə́r fo wòŋ woo Ejiv. Áwune‑eè bìvír mee shooy, fə̀m mo mò‑oò dzəə̀n tàr wov. Suuy mo woo Nyùy Tàr.

Atǎr Nsaʼ 2:11

Á bèy, wír veé Israyi nèn lò, a yiì vinyo ve bi ví, a tinsín Nyùy Tàr shó. Áwune‑eè lò kév, a ghvəm mebvə̀m mee *Baal,

Jeremia 7:28

Á bèy, áà nèn yòŋ aáwune jii, ‹Vèn dzə̀ kitúm ke kí yòʼ yúnin Nyùy Tàr woo Nyùy won, a kí yòʼ sə́ ntir. Suuyrú lày ne fo věn mvəm, a kinyo ke ru kí yòʼ dzəə́ fəə́ fo věn shuù.

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Jeremia 13:10

Wír liì kisaŋ vìn, á tèn ne fó a yu kinyo kém, a tav a dzə̀ kitú, a yiì kinyo a dzə̀ ke melív mev mè tíy sho, jumrì anyùy vitum, ghvə́mé, kfə̀n cu. Áwune kù wíy lày sa kisáŋ moo bàtàrí və̀n.

Jeremia 17:23

Yii bèy, áwune yòʼ‑oò lo yuùrí, e làa yòʼ fə̀m a gwàrìr, e lò fo fo, a tav a dzə̀ kitú, e làa yòʼ yuurí ntir rə̀n, e làa yòʼ səəsí.

Jeremia 44:5

Yii bèy, la wír vémé yòʼ yuùrí, aá yòʼ fə̀m gwarìr ji bo áwune kì kùvsín á yii yév kisaŋe, e yàr fó a tòn kiláy, a cù anyùy sho.

Jeremia 44:16

«Mo à fə̀m fiʼtì kinyo kìn e vèr ji tùm Nyùy Tàr wò bèn, bó yòʼ dzə̀ vèr yuùrí.

Esiker 5:6

Jerusalem lò ne fo fo, e bìn ndzə̀m e mǒ nsər si, e ŋwày sáʼ yém. Áwune yiì ne liì kisaŋ, wù shaá wo vitum ve ví kaarin áwune, e tàr.»

Sekariya 7:11

M wáa tiisí bèy, a wíri kù‑uù sí yú, táv a dzə̀ kitú, səm vituʼùr, tén yú.

Sekariya 7:13

Wù‑uù sùúy jii, «Mò‑oò sùŋnín, áwune tén yú, áwune lòo toŋ, m tén gháy.

Aysaya 24:5

Wír ve á dzə́ e kitu ke nsayi yiì ne kitú ke nsay ki bír birín kidzə̀m. Áwune ŋwày ne yéʼéy Nyùy, e bìvír kitú ke nsay. Á jwìvrì ne sáʼ Nyùy, e yàʼáy *mensaŋ me wù‑uù gwàrìn wùn áwune ji mè kù wíy a tiy fo.

Jeremia 22:9

Binèri kù yíi a dzə jii, dzə̀ á bìʼ fo áwune‑eè ŋwayin *mensaŋ me Nyùy Tàr woo Nyùy wov‑iì gwàrìn wùn áwune, a ghvəm a dzə̀ anyùy ve səné, a cù.»