Jeremia 10:9 - ŊWÀʼ NYÙY

⁹ Á lo, á wìy e kisha ke mbàm ke fəvír kí fó Tarshish, e wìy e ke baar kí fó Ufas, e lòm shó. Vifá vìn vi kù dzə̀ lím vé fèri wùn à vé kilàme. Áwune fer bèy, á nèn kùr ndzə̀y é wùn wó. Ndzə̀y se vé fèri naŋsin, e bà, e nàá, sí wáa rə̀sìn ji lìŋ.

Jeremia 10:9 Referans Kwoze

Nsùyrì Nyùy 115:4

Anyùy véví dzə̀ kév kifá, a fèr wír. Wìr lo, wù fèr e *kisha ke mbàm ke baar kí, lo yímóʼó, wù fèr e ke fəvír kí.

Daniel 10:5

m nàn sí, e lòo leéy, rúrú, e yèn wír wùmòʼ, a wù máʼ ndzə̀y ye á baan e làv wo fəvír, e sìŋ kikuúví é mentìntìn, a dzə̀ ke á fèrìn e *kisha ke mbàm ke baar kee wúntí kíwun ki.

Aysaya 40:19

Shibvə̀m shi dzə̀ kfə́, a kù‑uù fèr wír e wóo. Ferì, taà kilàm nèn laàrì e *kisha ke mbàm ke baar kí, e fèr ashàŋ e kisha ke mbàm ke fəvír kí, e keèrì sho.

1 Afòn 10:22

A kí dzə̀ bey, bìʼ fo Fòn Solomon‑eè kér ŋgoo amàvìkoŋ ve vé‑eè ghán e rìbà ndzə̀v wùn à vé Fòn Hiram vi. Yì‑iì lóo dzə e bǎm viya vitaár, amàvìkoŋ vìne kfə̀n, aá béʼéy kisha ke mbàm ke baar kí wùn à ke fəvír ki, à sóŋ sé kitàm si, aàŋkaàvàŋe, e bóo lì ambùy.

Esiker 27:12

«Wír veé Tarshishi‑iì kávnin wáy vèn áwune bìʼ vifá ve way ve wò‑oò kér e ŋàŋ. Áwune‑eè kúvsin vifá vé e *kisha ke mbàm ke fəvír kí, à kisha kee kiy ki, à kisha kee *tin ki, e bóo lì kee *led.

Nsùyrì Nyùy 72:10

Afone kú a wìy, a fo nshwì e wun. Veé Tarshishi kú a wìy e nshwìí, à veé wòŋ seé mvə̀m rìbà ndzə̀v sí, é veé Sheba wùn à veé Sebàa wáa wìy aàfómo véví.

Aysaya 23:6

Ven vee wír ve á dzə́ e ŋguùŋè rìbà ndzə̀v, vèn nyéŋ, e lìysín e Tarshish, e dù, a toŋ fo, a jeetí.

Esiker 27:7

Ndzə̀y se shwéri dom kikoŋ sho si‑iì lò fó Ejiv, aá bónén e tsə̀m e nshòm si, ji á fíʼ a yen wò kwaʼda, a kiíy. Kibaʼ ké ki‑iì səə́ne moo yúv, kfə̀n baaŋè, aá wíy shó fo shùu ndzəv yeé Elisha.

Jona 1:3

Jona nèn tèn ntum Nyùy Tàr, a leʼ, a dù e Tarshish ji wun wàá lay á fo Nyùy Tǎr si. Wù sə́y é Joppa, e shùu rìbà ndzə̀v, e yèn màkìkoŋ wo wù‑uù du e Tarshish. Wù nèn làʼ kikóŋ kee shooy, e nə̀ə́ sho ji wùn à vé kikoŋe wáa dù e Tarshish fo wù‑uù kwaʼ ji wun du, e lày a fo Nyùy Tǎr si.

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

2 Wòŋ 9:21

A kí‑iì dzə̀ bey, bìʼ fo Fòn Solomon‑eè kér amàvìkoŋ ve vé‑eè du e Tarshish, a yì‑iì səŋ vé lìm Fòn Hiram. Yì‑iì lóo dzə e bǎm viya vitaár, amàvìkoŋ vìne kfə̀n, aá béʼéy kisha ke mbàm ke baar kí wùn à ke fəvír kí, à sóŋ sé kitàm si, aàŋkaàvàŋe, e bóo lì ambùy.

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.