Jeremia 10:8 - ŊWÀʼ NYÙY

⁸ Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Jeremia 10:8 Referans Kwoze

Sekariya 10:2

Mebvə̀m mè dzə̀ kimboʼtì, a vé fùú táŋ sa a dzə̀ kimboʼtì. Vé səme tiísi njèm se kisaŋ si, yii, a wíri tiir vifií é vinyò vee là mvə́m. Wíri nén a jan janén moo njiì, aá yén ŋgeʼ bìʼ kibúŋ ke nshìy.

Jeremia 10:14

Ké wìr msòŋ kí dzə̀ a dzə̀ viyúŋ adzə̀m, a bó á yòʼ kér vifií. Vé kilàme sí woóme, bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

Habakuk 2:18

Seʼ shibvə̀m dzə̀ ka? Kifá, a bóm wír e wóo, kìn wù sèm sémén. Kí yéʼey a dzə̀ kimboʼtì, ke ŋgaà fèr tiir vifií shó. Kifá, a fér wun, a kí tíy e ŋkfə́né.

Aysaya 44:19

Wìr fo áwune wo wù tar vinyo réŋ yòʼ kfə̀n dzə̀. Wìr fo áwune yòʼ kfə̀n kér vifií vé a ghay jii, «Mò‑oò li mbìv kicì yìmòʼ ji shiŋkaʼ, ton kibán ke tonèn kí é kay, ton nyám, kfə́rí, fer vifá ve yi, yí. A dzə̀ m kfə̀n lì kibér ke kici, e fèr kifá ke Nyùy ban sho e le? A dzə̀ m kfə̀n tsə̀m, a ghvəm kicí fó kici á?»

Aysaya 41:29

Rúrú, anyùy adzə̀me kù dzə̀ kifá kisáŋ, Kinyo feyì ke dzə̀ á yiì shishàr, e bó a dor ki yòʼ dzə̀. Vibámmbó vee anyùy vi dzə̀ shwér, kinyè kí yòʼ dzə̀ shó.»

Nsùyrì Nyùy 135:18

Wír ve á fer anyùyi kù yíi kfən, a dzə moo áwune. Wìr dzə̀m wo wù tiir vifií shó kù yíi kfən sa, a dzə bèy.

Nsùyrì Nyùy 115:8

Wír ve á fer mebvə̀me kù yíi kfən, a dzə moo mebvə̀m mee shooy, a wìr dzə̀m wo wù tiir vifií shó kù yíi kfən, a dzə bèy.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Jeremia 2:27

Ven vin, vèn yoŋ e kicí kí jii, ‹À dzə̀ tàr wor,› yoŋ e kilán ki jii, ‹À dzə̀ yè wor wo wù‑uù dzəən ver.› Vèn yòʼ wiy fo mǒ wùn, vèn kù sí bin a dzə̀ ndzə̀m e mò. Yii bèy, ŋgeʼ si nəə, vèn nèn a toŋ ji m wiy, e sə̀ ven.

Hosea 4:12

Áwune kù sí mbaa a dzə̀ mebvə̀m, a dzə̀ kicí mo á semen, kwaʼ ji kí yíi suúy kinyo ke kí bvəə́shi, e koóy. Shií wo áwune kér fo mebvə̀m mè yiì ne, á jáy dzə́ə. Á kfə̀n ne ji sàkì, e màʼày mo, e dù, e yèn a dzə̀ anyùy ve səné.

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

Jeremia 3:9

Wù yòʼ‑oò lo yen jay Isray wù wáa meé e kinyò, wù nèn bìvír nsay, mo wù ŋwáy mo, ghán, cu vilán wùn à vicí ví.

Jeremia 5:4

M leéy bey, e yèn ji vine dzə̀ á ambúʼ, aá yòʼ kér vifií. Áwune yòʼ kì vinyo ve Nyùy Tàr taʼ ji á wáa yiì, aá yòʼ kì nsər se Nyùy wov.

Jona 2:8

Wír ve á ghvə́m anyùy, a dzə̀ kifá kisáŋ, á màʼày ne mbùʼmé wov, mbùʼmé wo dzəə̀n koŋ ye à kì yíi a kòŋ áwune shó.