Jeremia 10:7 - ŊWÀʼ NYÙY

⁷ Caamfoò, Fòn vitum, dzə̀ la wo yòʼ dzə̀ wù wàa ghvəm wò? Dzə̀ kilíŋ ké ji á wáa ghvəm wò. Mo akiíy veé vitume dzəə̀n wùn aàfon véví, wo dzə̀ á lì, a fìʼsìn wò sho yòʼ dzə̀.

Jeremia 10:7 Referans Kwoze

Ŋgaà Yen 15:4

Wìr woo là fó a fàn wò, a burí vikuʼùy vé dzə̀ la? Kù jòʼsì wò, wo à dzəə̀n e ránén vèn mòʼón. Vitúm vidzə̀m vi kù wíy a wìy, a gbù a dzə̀ e wò si, bìʼ fo á yén vinyo ve à yii vidzə̀m, a ví du tìítiy.»

Nsùyrì Nyùy 22:28

Kù kér Nyùy Tàr sáʼ, a vitúm vi kù yú a dzə̀ fo wun.

Jeremia 10:6

Éè Nyùy Tàr, wìr woo moo wò yòʼ dzə̀, à dzə̀ e gháʼtín. Yír yée dzə̀ e wíy, bìʼ vitaáví vé ve ghaʼán ví.

Jeremia 5:22

Vèn yòʼ fan mo a? Suuy mo woo Nyùy Tàr. Vèn yòʼ leey mo, a wún wóné beéme à? Kí m neèr síy ji kikiŋ ke rìbà ndzə̀v, kikiŋ feyì, a bó yòʼ dzə̀ ndzə́ví tòʼ. A ndzə́ví fə̀m líynin moó le, bo bó yòʼ dzə̀ yí lìysín. A yí fə̀m wiy, yor moó le, la yí yòʼ lìy, e yàʼáy.

Nsùyrì Nyùy 89:6

Nyùy Tàr, dzə̀ la é mbàʼ wo dzə̀ á fìʼsìn vèn wun? Dzə̀ nshìylav rəné ye dzə̀ á fìʼsìn wùn Nyùy Tàr?

Ŋwàʼ Luk 12:5

Vèn yuúrí wír wo dzə̀ á wàa fàn. Vèn wáa fàn a dzə̀ Nyùy. Wù yúyri wír fo wùn, wù kfə̀n a ker vitaáví ve dzə̀ wù màʼ ŋgaàŋ e və̀y. M nén a suúy jii, vèn wáa fàn a dzə̀ á wun woo Nyùy.

Sekariya 2:11

Wíy lòo dzə e ghan fóo fèy, é vitúm vinín vi wáa gbù e Nyùy Tǎr wùn, e kfən ji wír və́. Á bèy, é Nyùy nèn a dzə e věn mvəm adzə̀m, é vèn nèn kìíy ji tùm á Nyùy Tàr woo Taà Mànjòŋ mo.

Aysaya 2:4

Nyùy Tàr wíy saʼ nsaʼ se vitúm vi tsə́ynin vitú sho, e tinén vinyo ve wìr anín. Wù tínenè, aáwune li nyùy sév sé rər, e fèr a dzə̀ visoó ve kwaʼ sho, e lì kòŋ sév, e fèr a dzə̀ akòómèntá shó. Bó kitúm ki yòʼ dzəə́ wìy a màʼ rə́r wùn à kímóʼ kí, a bó á yòʼ kfə̀n dzəə́ wìy a yeʼéy mo á yii maʼ rə́r.

Nsùyrì Nyùy 86:9

Kù‑uù bòm wò vitúm vidzə̀m, a ví kù yíi a wìy, a sùyrì wò woo Nyùy Tàr, a wùʼsì yír yé.

Nsùyrì Nyùy 76:7

À dzə̀ rú féyì, a wìr dzə̀m fan wò fánen. A dòʼshwiiy wò ŋàʼáy, a dzə̀ kòʼtí la e wò si?

Nsùyrì Nyùy 72:11

Afon adzə̀me kú a dzə e wun sar saʼ, é wìr dzə̀m woó kitu ke nsay wáa lìm fo wun.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

1 Korin 8:6

késən kí dzə̀ jii, Nyùy kù mày e mòʼón, a dzə̀ á wun wo dzəə̀n Tàr wòsən, a bòm wun vifá vidzə̀m, ví wáa yu a dzə̀ fo wun. Taà Ndzə kù mày sa e mòʼón, a dzə̀ Jesus Kristu. Vifá ve Nyùy‑iì bomen vidzə̀m vi‑iì shaà a dzə̀ e wun woo Kristu kiwo, a kù yii wun, bo vèsən wáa dzə sho.

Ŋwàʼ Fəə 8:10

Farao nèn yòŋ jii, «Bùnrì kibvəə́shí.» Mooser nèn biìmé ji m yíi yiì mo Fòn suuyin. Vishàm vi yíi màʼtì fon wùn à ntoʼ, e màʼtì vé saʼ və́, à wír vəə́, é joʼsi cáʼcáʼ veé ndzəv yee Naay. Kí kooy bèy, é Fòn nèn kìíy ji nyùy wùmòʼ yòʼ kfə̀n dzə̀ shó moo Nyùy Tàr woo Nyùy wor.

Ŋwàʼ Fəə 9:14

Ku kìíy ji lèn və̀n, m lo, e màʼ ŋgeʼ sém sidzə̀m sa e ké kee kitú ki mo m maʼ e vé saʼ vée kitu, e kfə̀n màʼ e wìr dzə̀m kitu, áà nèn kìíy ji nyùy wùmòʼ yòʼ kfə̀n dzə̀ á sho moo mo é kitu ke nsay.

Joshua 4:24

Wù‑uù yiì bey ji wír veé kitu ke nsay adzə̀me wìy a kiíy ji kóy Nyùy Tàrí waà tàv, é vèn wìy a ghvəm Nyùy Tàr woo Nyùy won, e wìy dù, e mày.»

Esta 1:13

Á bèy, fòn nèn a mbaà vé sii é kinyò fèn, áwune ve á yii səəm vinyo ve ví shaàn ne, bìʼ fo kù dzə̀ mo kinyo ki‑iì gháʼ fon, wù beè wír ve á kiìn nsər, e kfə̀n a kiíy móo tinén kinyo kijuŋ.

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Daniel 2:28

Yii bèy, a Nyùy dzə̀ á e yuv, wo wù yii sar vinyo veé kilìtì. Wù dìn a ne e fòn kinyo ke kí dzəə́ bvəə́shi a koóy. Mo‑óò fiʼti á e fòn njèm ye fòn‑ee neèmèn é mbvə̀ʼ, yì shí wun, vinyo ve fòn‑ee yenen é njà vinjeenjèm.

Habakuk 3:2

Éè Nyùy Tàr, m dzə̀ a m yú vinyo ve à yiìn. Éè Nyùy Tàr, m yèn vinyo ve à lìmèn, a ker gháʼ. Kú a fiyír vinyo vìn vi e věr ghan, ku yiì, aá wáa kiíy e ghan fen. A kilòŋ kí fə̀m shwiiy wò e le, à kù a sham ver.

Malakay 1:11

Yír yémé dzə̀ e gháʼtín e vitúm ví mvəm. Wíri kù ghvə́m mo, e kèʼ fo shùy yii tó, e dù, e meé fo yì yii nəə. Á ton kiláy, suyrì mo virə́ʼ vidzə̀m, cu mo e cu yee réŋé. Rúrú, yír yémé dzə̀ e gháʼtín e vitúm ví mvəm. Suuy mo woo Nyùy Tàr woo Taà Mànjòŋ.

2 Afòn 17:39

Vèn kù yíi a ghvəm a dzə̀ Nyùy Tàr woo Nyùy won, é wù yiì fə̀ə́r ven fo aŋgàa vibàn véné wo.»

1 Wòŋ 16:25

«Nyùy Tàr dzə̀ e gháʼtín, a dzə̀ á wàa burí wun feyì. Á wáa fàn a dzə̀ wun, e shaà anyùy.

Nsùyrì Nyùy 47:3

Wù‑uù yiì, vèr tón aŋgaà vér vibàn. Wù wáy vitúm e věr wo, vèr wáa saʼ.

Nsùyrì Nyùy 86:8

Rúrú, Nyùy Tàr, a fə̀m dzə̀ anyùy feyì ve wíri cu, bo bó wùmòʼ yòʼ dzə̀ moo wò, a bó lim símóʼ sí yòʼ kfə̀n dzə̀ shó moo sé.

Nsùyrì Nyùy 147:5

Nyùy Tàr dzə̀ e gháʼtín, kér vitaáví e shaàsìn, a vifií və́ ví dzə̀ là mfìʼ.