Jeremia 10:5 - ŊWÀʼ NYÙY

⁵ Mebvə̀m mev mè dzə̀, a mè tíy moo vibámmbó veé súm bòʼ, á bó yòʼ dzə̀ mè sùŋnín. Á lo, á kù bèʼèy bèʼèyìn, a bó yòʼ dzə̀ mè ghàn. Lá vèn yòʼ a fàn, yòʼ dzə̀ mè yiì kinyo e vèn, kìn dzə̀ ke juŋ ki, kìn ke bi kí.»

Jeremia 10:5 Referans Kwoze

Aysaya 46:7

Vé beʼe shúr shibvə̀m shìn, neer e mbèʼ, á nèn dù, e tùúy. Á du, tiir fo á kì naŋsin ne, la shí yòʼ kfə̀n wàʼ fo fo, wìr wàa wìy, a mbaà aàgháʼka vəə́, a bó yòʼ dzə̀ shí bìnèr, a bó yòʼ dzə̀ shí yù, e sə̀ wun.»

1 Korin 12:2

Vèn wáa kuumé mo vèn‑eè dzə́, a bó vèn yóʼ ne kìíy Nyùy. Vinyo vi‑iì rə́si bóʼti ven vinín, səŋrì, a vèn fer vifá, cu ji anyùy, a bó vee shooyi yòʼ ŋeʼè.

1 Korin 8:4

Kee kùm yí ye wìr wáa yi nyám ye á cuùn anyùy sho ki dzə̀, a vèsən kì kijuŋ ji kifá ke á cu kìn ki yòʼ dzə̀ nyùy wùmòʼ gheéy. Nyùy kù mày e mòʼón, a bó wùmòʼ yòʼ dzə̀ shó.

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

Aysaya 46:1

Nyùy Tàr suuy jii: «Ké nyùy woo Bel wùn Nebo ki kù mày ne bèn. Á lì ne aŋkùvtu vév, e kùr e vimbèʼbìy ví ndzə̀m, a dù sho. Á lì ne mebvə̀m mèn, a rəʼə́y nyám sho, a sí dór ne, a làv làvìn,

Aysaya 45:20

«Ven vee vitúm veé kitu ke nsay, vèn bánén. Wìr dzə̀m wo wù bòyìn fó rər se sí tònèn woŋ, vèn báʼtí. Á ku kòʼtí e mǒ mentsə̀m, e neèr vinyo, aá tar. Wír ve á béʼ mebvə̀me yòʼ kì kifá ke á yii, áwune ve á ghvə́m mebvə̀m, a bó yòʼ dzə̀ mè sə̀ áwune.

1 Afòn 18:26

Áwune lì nàʼ wo vé‑eè foon aáwune, e nèn bàʼtí, a bùnrì nyùy woo Baal, e kèʼ fo kijàvndzə, e dù mèé e ntìntìn shùy. Aá bunrì bèy, tóŋ jii, «Éè Baal, ku yù bunrì yérí.» Yii bèy, bó á yòʼ yú kighiísí, bó á yòʼ yú binèr. Áwune nèn a liy, a kaarí kíy cù wo áwune‑eè bomen.

Jeremia 10:14

Ké wìr msòŋ kí dzə̀ a dzə̀ viyúŋ adzə̀m, a bó á yòʼ kér vifií. Vé kilàme sí woóme, bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

Remrí 4:28

Vèn wíy lòo dzə fo, aá wáa ghvəm anyùy a dzə̀ mebvə̀m, kifá, aá fér e kiwó ki, kìn á fèr e kicí kí, kìn e tíyí. Kifá ke wìr lo, wù fèr, a bó kí yòʼ yén virə́ʼ, a bó kí yòʼ yú vinyo, a bó kí yòʼ yíkirì, a bó kí yòʼ yú kirəm.

2 Wòŋ 25:15

Kinyo ke Fòn Amatsiya‑aà yiìn kin ki‑iì nyàr Nyùy Tàr, wù nèn tsə̀nsí ŋgaà ntum və ji wù du, e dzə̀r á e Fòn Amatsiya jii, «Bòŋ ka wò, bo à wáa cù anyùy vitum, aá yòʼ fə̀m‑eè lo bòyìr wír vév fo wò kiwo?»

Aysaya 16:12

Kí dzə̀ jii, wír veé Moavi kóʼ ji á du, e cù anyùy vév, du, rə́si ton ghán é virə̀ʼ vé anyùy. Á du, rə́si bunrì aáwuné virə̀ʼ vé cù ntéŋ ntéŋ, á kù dzə̀v a dzə̀ wó e nsay.