Jeremia 10:4 - ŊWÀʼ NYÙY

⁴ Áwune bárir *kisha ke mbàm e wùn wó, ke fəvír kí, e lì sa ke baar kí, á nèn tìír, e kùm viŋkùm, e fàr shó, fo shí wáa sə̀ʼ.

Jeremia 10:4 Referans Kwoze

Aysaya 46:7

Vé beʼe shúr shibvə̀m shìn, neer e mbèʼ, á nèn dù, e tùúy. Á du, tiir fo á kì naŋsin ne, la shí yòʼ kfə̀n wàʼ fo fo, wìr wàa wìy, a mbaà aàgháʼka vəə́, a bó yòʼ dzə̀ shí bìnèr, a bó yòʼ dzə̀ shí yù, e sə̀ wun.»

Aysaya 44:12

Taà kilàm lo, wù wày kisha e kiy kilàm, e sə̀tì. Wù sətì, wù nèn fèr shibvə̀m sho e mbom ye wù koŋè, a lì kisha, a dzə̀vtì sho vitaáví vitaáví. Jìŋ lóo yar, vitaáví vé lìm vi nèn a buú, mendzə́v mée no mè lóo buú, síi nèn a səəné.

Nsùyrì Nyùy 135:15

Anyùy ve vitum vi cúu dzə̀, a fèr wíri e wóo, aá fèr a dzə̀ e *kisha ke mbàm ke fəvír kí, kìn e ke baar kí.

Nsùyrì Nyùy 115:4

Anyùy véví dzə̀ kév kifá, a fèr wír. Wìr lo, wù fèr e *kisha ke mbàm ke baar kí, lo yímóʼó, wù fèr e ke fəvír kí.

Aysaya 46:6

Wír ámóʼó lo, á kùúy kisha ke mbàm ke baar kí wùn à ke fəvír kí, kuuyì, á nèn tàʼ taà kilàm, e làʼ, wù fèr shibvə̀m sho. Wù fer maysì, ŋgaà shibvə̀m nèn a tsəm e si wo, a ghvəm.

Hosea 13:2

Ké lèn ki, áwune kù sí jáy jay e wùmǒʼ kitu. Áwune sí fer mebvə̀m e *kisha ke mbàm ke fəvír kí. Á lo, á wày vifií, e nàŋsín, e fèr bèn kijuujùŋ, e lìm feyì a dzə̀ e yé ŋgaà fèr woo fií. Á bèy, á ku nèn a yòŋ áwune jii, «Wír ve á ghvə́m anyùy, baáme mebvə̀m mee wan nàʼ.»

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.