Jeremia 10:3 - ŊWÀʼ NYÙY

³ Liì wov woo kùm cu dzə̀ kifá kisáŋ. Á gwar kicí fó kòv, ŋgaà fèr nèn lì njàm rə, e sèm shó.

Jeremia 10:3 Referans Kwoze

Cù 18:30

«Á bèy, vèn yúnín nsər sém, e baàmè liì joònè wo wír veé wòŋ fène yii, a yen fó lor vitú vén shó. Dzə̀ mo Nyùy Tàr woo Nyùy won.»

1 Pita 1:18

Vèn kú a kuumé ji Nyùy‑iì yiì á kinyo ke ghaʼán kí, e bóo fəə́r ven fó mvə̀m liì kisaŋ wo atàr véné‑eè dànèn ven shó. Wù‑uù tìn ven fó lǒn liì woo shooy, a bó wù yòʼ‑oò tìn a dzə̀ e kifá kee moo mbàm se dzə̀ sí mày, a fə̀m dzə̀ *kisha ke mbàm ke baar kí, kìn ke fəvír kí.

Ŋwàʼ woó Rom 1:21

Mo áwune fə̀m kiìn Nyùy kijuŋ, bó á yòʼ koŋ a ghvəm mo dzə̀ wíri wàa ghvəm Nyùy, a bó á yòʼ koŋ sa, a beèrì wun fo vinyò ve wù rə́si yii aáwune vidzə̀m. Á ló fó fo, e bùŋ vifií vé a səə̀m vinyo ve dzəə̀n ve ru ví, e nèn a jìŋ jìŋèn, a kwàʼtì a dzə̀ vinyo ve kisaŋ vi.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Matio 6:7

«Kímóʼ kí nén a dzə sa jii, vèn lóo bùnrì, lá vèn yòʼ rə̀sí, a rèr kinyo kee shó kimòʼón mo wír ve bó á yòʼ kiìn Nyùyi yii yii. Aá yii bèy, kwaʼtì ji dzə̀ Nyùy kù yù bunrì yév, bìʼ fo áwune rəsin, a rèr kinyo ntàmda.

Aysaya 45:20

«Ven vee vitúm veé kitu ke nsay, vèn bánén. Wìr dzə̀m wo wù bòyìn fó rər se sí tònèn woŋ, vèn báʼtí. Á ku kòʼtí e mǒ mentsə̀m, e neèr vinyo, aá tar. Wír ve á béʼ mebvə̀me yòʼ kì kifá ke á yii, áwune ve á ghvə́m mebvə̀m, a bó yòʼ dzə̀ mè sə̀ áwune.

Jeremia 2:5

Nyùy Tàr dzə́ti jii, «Atàr véné‑eè ghàn yèn, a m jáy ka? Áwune‑eè ter fo mǒ wùn ji ka? Áwune‑eè jùmrì a dzə̀ vinyo ve kisaŋ vi, e kfə̀n ji alàykìsáŋ ji ka?

Lim Aŋgàa Ntum 19:26

A vèn yén, kfə̀n yú sa kinyo ke jwè woo Por və̀y yii e Efesor fèn, kfə̀n yii woŋ Asia e dzə̀m. Wù ghán, suuy ji anyùy ve á fer e wóo víne yòʼ dzə̀ á anyùy gheéy, binèr wír anín.

Nsùyrì Nyùy 115:4

Anyùy véví dzə̀ kév kifá, a fèr wír. Wìr lo, wù fèr e *kisha ke mbàm ke baar kí, lo yímóʼó, wù fèr e ke fəvír kí.

Jeremia 1:16

M yíi way wír vém é ŋgeʼ, bìʼ kitú ke áwune tavin, e bìn ndzə̀m e mò, a tòn kiláy, a cù a dzə̀ anyùy sho, a ghvəm vifá ve áwune fèrìn e wó yéví.

Jeremia 14:22

A dzə̀ anyùy kisaŋ veé vitum vìn, á sə̀ʼə́r wuú á? A dzə̀ mbàʼ, yì joʼsi ji mbàʼ, yì wìy e wuú á? Aày, kù jòʼsì wò, éè Nyùy Tàr woo Nyùy wor. Vèr kù tiir vifií vér a dzə̀ e wò wùn, bìʼ fo kù yii yii wò vinyo vìn vidzə̀m.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.