Jeremia 10:21 - ŊWÀʼ NYÙY

²¹ M bìnèr jii, «Vilìmbìy vesən ví dzə̀ viyúŋ. Á yòʼ lo, á wàa mbaà Nyùy Tàr. Á kinyo ke kí màʼàn áwune, wír vesəné nen tàʼrí taʼrín.

Jeremia 10:21 Referans Kwoze

Jeremia 12:10

Vé saʼ vee vitúme bìvír ne súm wóm vitiír vé *vayin. Á fòr ne kwáʼ wóm fórin. Á lòvtí ne e nsay yem ye juŋ lóvtín, yì kfə́n ji wóʼ.

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Sekariya 10:3

Nyùy Tàr suuy jii, «Dòʼshwiíy kív mo bìʼ anshìy wìr vém. M yíi màʼ ŋgeʼ e vilìmbìy vév ví kitu, bìʼ fo wír veé Judàa kù dzəə̀n vém vee wír. A mómò woo Nyùy Tàr woo Taà Mànjòŋ, m géʼsin e wír vémé. M wíy tavír wír vém, aá wáa kiv virə́ʼ moo nyám se ŋkoʼ seé shùu rər.

Esiker 34:12

M kù wíy a tàʼ njiì wom réŋréŋ mo nshìy yii taʼ e ghan se və́ə bvəərin. M wíy tàʼ áwune, e fəə́r fo virə̀ʼ ve áwune‑eè taʼrin, e dùkìr sho, e tàʼrí e kishiíy ke ŋgeʼ‑eè nəən áwune, e sùm moo mbàʼ.

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Jeremia 8:9

Á wíy dìn kisáŋ ke afiì, aá woómé, á lóo jìʼkìr, é dzə̀rkìtu wáa koo áwune. Mo áwune meŋen ne jí se Nyùy Tàr, bo á kér vifií a dzə̀ viné ví lèn?

Jeremia 2:8

Atàá cùu yòʼ‑oò ló a beè mo woo Nyùy Tàr. Wír ve á yoŋ nsəri yòʼ‑oò ló a kiíy mo, vilìmbìy vi‑iì ŋwày mo, aàŋgàa ntume tiísi ntum a dzə̀ ye *Baal, cu vifá, a yòʼ dzə̀ ví sə̀ áwune.»

Jeremia 50:17

Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.

Jeremia 49:32

Vèn kuúy akamer véví, e dù sho. Vèn kuúy ŋgoo sév sé nyàm si, e lì ji nsàʼmboʼ. M wíy taʼár wír vìn, ve á keŋrì vitú vév kéŋrin, táʼarì, aá dukir vitóŋtóŋ vidzə̀m. M wíy tsənsí ŋgeʼ, é yì nəə́ áwune mbìv sidzə̀m. Suuy mo woo Nyùy Tàr.

Jeremia 10:14

Ké wìr msòŋ kí dzə̀ a dzə̀ viyúŋ adzə̀m, a bó á yòʼ kér vifií. Vé kilàme sí woóme, bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Jeremia 22:30

Nyùy Tàr suuy jii, «Á ku sàŋ ji wìr və̀n dzə̀ á là wán, wír, a bó wù yòʼ wíy yu vijuŋ e wun dzə̀ʼə̀m. Wìr woo wun ram yòʼ wíy yi vifon ve rám Davir, wù yòʼ wíy saʼ vifon e Juda.»