Jeremia 10:11 - ŊWÀʼ NYÙY

¹¹ Á suúy e wíri jii, mo anyùyi dzəə̀n a bó yòʼ‑oò bòm áwune yúv wùn à nsay, á wíy bvəʼə́y, e lày fo kitu ke nsay.

Jeremia 10:11 Referans Kwoze

Nsùyrì Nyùy 96:5

Anyùy ve vitúm vi cúu kù dzə̀ mebvə̀m mebvə̀m. Yii bèy, a Nyùy Tàr dzə̀ kfə́, a yì‑iì bòm wun yúv.

Aysaya 2:18

a bó á yòʼ dzəə́ wìy yen kifá kímóʼ kí ji mebvə̀m e ghan see shooy.

Sekariya 13:2

Nyùy Tàr woo Taà Mànjòŋ kfən sùúy jii, «Wíy lòo dzə e kishiíy fóo fèy, é m laar kinyo ke mebvə̀m fo nsay foo fèy, é la á yòʼ dzəə wìy a kuumé. M wíy laàr sa aŋgàa ntum kimboʼtì, e laàr kiyoy ke kí bánri áwune, aá yii joonè.

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Yòvdìy 3:66

Éè Nyùy Tàr, dòʼshwiiy wò ku ŋàʼáy, áà jum áwune, e laàr fo wò nsay.

Jeremia 51:18

Kù dzə̀ kifá kisáŋ ke á wáa kèŋ kèŋèn. Kishiíy ké nsaʼ ki gheenè, aá bvə́ʼə́y, é ví lay láyin.

Jeremia 10:15

Kù dzə̀ kifá kisáŋ ke á wáa kèŋ kèŋèn. Kishiíy ké nsaʼ ki gheenè, aá bvə́ʼə́y, é ví lay láyin.

Ŋgaà Yen 20:2

Wù wìy, e koò kigàgǎʼsòŋ ke dzəə̀n yó ye yì‑iì siìn fó mbìy rə̀y, a yír rəə́ dzə̀ ji Satan, a dzə̀ Tavmènàŋ, e kùr e sháŋ və̀y kiyá nsə̀kì.

1 Samuel 5:4

Á kfən bvəə̀shí kijàvndzə, e lòo lò e yuv, e yèn a Dagon kfə́n ne gbù, e tsə̀m sí fo nsay e mbìy ŋkùv mensàŋ Nyùy Tàr, a kitú kfə́ wùn à wó si kóykír ne, a neŋ e kikùr ke shùu lav, Dagon nèn jòʼsì wún wún.

Aysaya 57:12

Bo mo‑óò lo lèn, e sùŋnín, e naàrì vinyo ve vèn yoŋ ji ve réŋ ví, e sàr yii yén. Yii bèy, a bó ví yòʼ yíi sə ven mo vèn kwaʼtì.

Jeremia 43:12

Fòn Nebukadnessar wíy tònrì lav se wír veé Ejivi yii cu anyùy sho. Wù wíy tònrì fó, e kuúy anyùy vév, e dù sho. Wù wíy yèr nsay Ejiv, é la kifá ki yòʼ bèr, kù mo gày kìv menser fo vifam. Wù yerì, é wù fəə́ fó fo kicaárín là kinjivìr.

Jeremia 43:13

Wù wíy bvəʼtí sə́y seé virə̀ʼ vé anyùy se sí dzəə̀n é Heliopolis e nsay Ejiv, e tònrì lav se cù se anyùy veé Ejiv.› »

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Esiker 30:13

Ke suuy Nyùy Tàr woo Taà Ndzə ki dzə̀ jii: «M wíy laàr mebvə̀m meé Ejiv medzə̀m, e ndzəə̀r vibámmbó vé anyùy kisaŋe fó ŋkàlaʼ yee Memfis, a bó fòn yòʼ kfə̀n dzəə́ wìy a dzə e Ejiv, é kindzə́m kí wáa toʼnín wír vee fó.