Jeremia 1:9 - ŊWÀʼ NYÙY

⁹ Nyùy Tàr nèn ràmsì kiwó, e kùm shuu wóm, e yòŋ jii, «Yén ri mbà, m wày ne jí sém e wò shuù.

Jeremia 1:9 Referans Kwoze

Ŋwàʼ Luk 21:15

Wíy way mo jí si e věn shuù, e fo ven vifií, a bó yòʼ dzə̀ aŋgaà vén gòvi wìy kìíy mó a bìnèr, a kìnèn kinyo kén.

Ŋwàʼ Luk 12:12

Wíy lòo dzə e ghan see shooy, é Kiyoy ke Ranén kí wáa naàrì ven mo vèn wáa suúy.»

Aysaya 51:16

Sion, à dzə̀ ji ŋgaà lìm wom. M tiìsí ne ntum ye m taʼ, é wìr dzə̀m yú a dzə̀ e wò. M kìŋsìn ne wò, kù mo wìr kìŋsìn kifá e kiwó ki. Kù‑uù sàŋrì mo yúv fo wú dzəə̀n, a kù‑uù wày mo kinsə̀ŋ ke nsay. Ké lèn ki, m suuy e vèn veé Sion jii, ‹Vèn dzə̀ wír vém.› »

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

Matio 10:19

Á wíy koóri ven, du sho e lav nsaʼ foo fèy, lá wìr yòʼ a rə̀m ji wun sà yíi bìnèr ji ka á? Á wíy fo ven kinyo ke vèn wáa bìnèr e ghan see shó.

Jeremia 5:14

Nyùy Tàr, wun woo Taà Mànjòŋ nén a yòŋ jii: «Jeremia, mo wír vìne suuy kin, bo mo‑óò yii, é jí sém sí wáa dzə moo və́y e wò shuù, aáwune wáa dzə meŋkaʼ me və́yí yíi laàr.

Esiker 3:10

Nyùy Tàr kú a suúy e mò jii, «Wàn wìr msòŋ, yuúrí kinyo ke m yoŋ e wò ki kidzə̀m, a rə̀tì sho.

Aysaya 49:2

Wù yiì ne, shuu wómé wáa njim e kisuŋnìn moo nyùy rə̀r. Wù kiŋsìn mo, kù mo wìr wày kifá e bàr, a sətí e kiwó ki, fo kifá ki tó shó. Wù yiì ne, m wáa dzə moo mvən ye wù sayin, e lèm e wun ŋkòʼ.

Maak 7:33

Jesus lì wír və̀y, wùn wun bàr wún. Wù wáy wón və́ wo e wìr və̀y vitùʼùr, e kfə̀n cù mentíy e wùn kiwo, e kùm kiliímé ke wìr və̀y sho,

Kintaŋ 23:5

Nyùy Tàr nèn yòŋ kinyo e Balaam ke wù kfə́n, e sùúy e Balak.

Remrí 18:18

M wíy tum ŋgaà ntum wùmòʼ fo áwuné wùn moo wò, wír, a wù wíy fəə a dzə̀ fo áwuné mvəm. M wíy way jí sém é shuù wo, é wù wáa suúy kinyo kidzə̀m ke m yòŋèn shó aáwune.

Jeremia 36:2

Wù‑uù sùúy shó jii, «Lì kiŋkur ke ŋwàʼ ki, e sàŋ vinyo vidzə̀m sho, ve m suuyin e wò kùm Isray wùn à Juda, à vitúm vidzə̀m vi, a dzə̀ ji vinyo ve m yòŋèn, e kèʼ fo ghan se Josia‑aà sáʼ vifon, e wìy shem lán.

Daniel 10:10

Kiwó ke wìr ki nèn sàsìn, e kùm mo, e nàn mo, a m kì sí nyáʼ nyaʼán, m wáa yàʼ yàʼàn, ŋkoŋ si wáa kùmsìn, wóo wáa dzən dzənén.

Daniel 10:16

M lòo sə̀n, Nshìylav Nyùy ye yì‑iì shwínin wir msòŋ rə̀y kúm mo fó ntù shuù. M ku nèn mvə̀ʼ shuu wóm, a suŋnín e wun wo wù‑uù tíy e mǒ si, a suúy sho jii, «Tàr wor, kinjeenjèm kém kin ki rèŋèr ne mo, a bó kitar ki yòʼ dzə̀ə́ e mǒ wùn.

Remrí 18:16

«Yì‑iì dzə̀ é kishiíy ke vèn‑eè baʼtin é Gwan Horev, vèn lón ji lá á yòʼ dzəə wìy yù á kisúŋnìn ke Nyùy Tàr woo Nyùy wòsən, kìn ji á yén á shwínín rə́ yeé njà və̀y wo beeméné, bìʼ fo vèn‑eè fan ji á waà yíi kpukír.

Remrí 18:17

Á bèy, Nyùy Tàr yòŋ e mò jii, ‹Kinyo ke áwune yòŋèn kí dzə̀ kijuŋ.

Aysaya 59:21

Nyùy Tàr kfə́n a kàʼ aáwune jii, «Fo kém kí, m wíy gwàr *mensaŋ vèsən jii, Kiyoy kém ke kí dzəə̀n e věn meliv kí kù wíy a dzə vèn áwune, e dù, e jòʼsì, é vèn kú a ruvtí jí sém se m yeʼeyin ven shó. Wón véné yòʼ wíy a yàr fó a ruvtí, à wón won véné shó. Á yòʼ wíy a yàr fó a rə̀tì sho, e kèʼ fo lèn, e dù, e jòʼsì.»

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

Jeremia 34:6

Jeremia woo *ŋgaà ntum Nyùy nèn dù, e tiìsí ntum rə̀n e Fòn Tsədekiya woó Juda, a wù dzə̀ é Jerusalem.