Jeremia 1:8 - ŊWÀʼ NYÙY

⁸ Lá à yòʼ a fàn áwune. M yíi a dzə wòsò, a kìŋsìn wò. Suuy mo woo Nyùy Tàr.»

Jeremia 1:8 Referans Kwoze

Joshua 1:5

Bó vèn wìr yòʼ wíy tam, é wù gháʼ wò, e dù meé mo à wíy a dzə sho. Mo mò‑oò dzəə̀n vèr Mooser, kù dzə̀ réŋréŋ mo m wíy a dzə wòsò. Bó m yòʼ wíy màʼtì wò, a bó yòʼ dzə̀ m màʼày wò.

Joshua 1:9

Kí m lo yòŋ e wò ji à kúr tím, e wày ŋàŋ. Lá à yòʼ a fàn, lá à yòʼ weèy. Nyùy Tàr woo Nyùy won dzə̀ vèn wun kirə́ʼ ke à du sho kidzə̀m.»

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Remrí 31:6

Kù dzə̀ ji vèn kúr tímé, e wày ŋàŋ. Lá vèn yòʼ a yàʼ. Lá vèn yòʼ fàn áwune, bìʼ fo Nyùy Tàr woo Nyùy won kitú kfə́ wíy a tsəəné ven, a bó wù yòʼ wíy màʼtì ven, a bó wù yòʼ wíy màʼày ven.»

Lim Aŋgàa Ntum 4:13

Vé saʼa yú, a Pita wùn Joon bínér vinyo tèéter, là fan, e kfə̀n yèn ji dzə̀ wíri fó tèr, a bó á yoʼ yèʼéy ŋwàʼ e ŋàŋ, sí yéví sə́n. Á nèn səə̀m ji kí dzə̀ bey, bì fo vé‑eè ghán a wùn à Jesus.

Remrí 31:8

Dzə̀ Nyùy Tàr wo wù du e wò mbìy. Wù kù wíy a dzə vèn wun. Wù yòʼ wíy màʼtì wò, a bó wù yòʼ wíy màʼày wò. Lá à yòʼ fàn. Á yen fó weèy.»

Ŋwàʼ Fəə 3:12

Nyùy nèn sùúy jii, «M yíi a dzə wòsò. À yíi fəə́r wír veé Isray fo Ejiv, á cu mo é gwan fèn, é nèn a dzə kisəəm kee ji tùm á mo wò.»

Lim Aŋgàa Ntum 18:10

M leey fo wò, a bó yòʼ dzə̀ wìr lèmér wò. M dzəə́ kér wír anín e ntèʼ fen ve dzəə̀n vém.»

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

Lim Aŋgàa Ntum 26:17

M wíy a shìy wò fo wír veé Judàa, e kfə̀n a shìy sa fo ve bó yòʼ dzəə̀n veé Judàa, a dzə̀ fo m sí túm wò lèn.

Lim Aŋgàa Ntum 4:29

Tàr, ku yèn ri mo wír vìne bémer ver. Ku yiì, é ver vee aŋgàa lìm vée wáa fìʼtì kinyo ké là fan.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 10:26

«Kí nén a dzə jii, lá vèn yòʼ a fàn a wíri. Vèn kú a tiisí a dzə̀ ntum yen, a kiíy ji vinyo ve vé‑eè sətin vidzə̀m vi kér fó wìy yensín, é wíri kiíy ve ví‑iì dzəə̀n é kilìr vidzə̀m.

Jeremia 20:11

Yii bèy, Nyùy Tàr dzə̀ vèr wun moo kintav ke wìr rə̀r, a wír ve á dzə wuú yémé yíi gbùkìr, e làa yòʼ màʼ mo. Dzə̀rkìtu wíy koo áwune, aá wáa woomé, bìʼ fo á mùmèn ntéŋ fó màʼ mo. A bó á yòʼ wíy làysìn nshoórsí wov é ghan símóʼ sí.

Jeremia 1:17

«Fo ké ki lèn, kúr ndzə̀y sé si, é sí táv. Tsəə́m, a fìʼtì vinyo vidzə̀m ve m suuy e wò vi. À lóo tiy aáwuné si, lá à yòʼ a yàʼ, fo m yii, áà maysi, a yàʼ yàʼàn.

Aysaya 51:12

Nyùy Tàr suuy jii, «Kù dzə̀ mo və̀n wo m shám ven, rəər shilív shén, bo wìr msòŋ á ka, é bo vèn wáa fàn wun. Wír, a dzəʼə̀m rəə́ kù lo, e mày, kù mo yòvrí viŋgà.

Efesor 6:20

Kristu‑uù lì mo ji ŋkùvtu və ji m wáa fìʼtì sáʼka wo juŋ və̀n, a m lim sháŋ lèn a dzə̀ bìʼ sáʼka woo shooy. Vèn ku nèn a bùnrì ji m ku yòʼ a fìʼtì tèéter, là fan, mo dzə̀ m kù a fìʼtì.

Jeremia 30:11

M dzə̀ vèsən, a m wíy sə ven. Suuy mo woo Nyùy Tàr. M wíy səʼsí vitúm vidzə̀m sə́ʼsín ŋkuuŋkùŋ, vitúm, vee fo mò‑oò taʼarin ven, á dùkìr. Yii bèy, fo kén kí, m yòʼ wíy səʼsí ven ŋkuuŋkùŋ. M wíy nyèr ven é dzəə yee weè, yòʼ dzə̀ m màʼtì ji vèn du, a bó m máʼ ŋgeʼ e věn kitu.»

Jeremia 39:11

Fòn Nebukadnessar woó Babilon‑eè fò sáʼ yee kùm Jeremia e Nebusaradan woo mfòóme anshìy fòn, a yí dzə̀ jii,

Jeremia 42:11

Lá vèn yòʼ dzə́ə a fàn fon woó Babilon wo vèn fan və̀y. Lá vèn dzə́ə a fàn wun. M kù dzə̀ vèsən, a m yíi sə ven, e fəə́r fo wun kiwo. Suuy mo woo Nyùy Tàr.

Daniel 3:17

Nyàr, a fèn dzə̀ ji á mo kí dzəə̀n, bo Nyùy wor wo vèr ghvə́mé kér vitaáví ve dzə̀ wù fə̀ə́r á ver fó kimbiirìn ke və̀y ke kí bo kìn, a wù kù yíi bòyìr a ver fo fòn wo.

Daniel 3:25

Fòn nèn kù a suúy aáwune jii, «Vèn leéy, m yén wír akweè, aá ghán e mvə̀m və̀y, aá yòʼ dzə̀ə́ akúrín, a bó və́yí yòʼ kum áwune, a wo wù meen ji kweè shwínin nshìylav Nyùy.»