Jeremia 1:7 - ŊWÀʼ NYÙY

⁷ Yii bèy, Nyùy Tàr suúy e mò jii, «Lá à yòʼ a yòŋ kitú ké ji wánlè. À kù yíi dù, e yen wir dzə̀m wo m yíi tum wò ji à yén, yéné, áà fiʼti kinyo kidzə̀m ke m yíi a suúy e wò.

Jeremia 1:7 Referans Kwoze

Kintaŋ 22:20

Nyùy Tàr yiì wìy vitsə́ʼə́, e sùúy sho jii, «A wír vìne wìy ji á taʼ wò, à lò, é vèn áwune wáa dù. Dzə̀ cáʼ ji à ku yiì kinyo, a dzə̀ ke m yíi a yòŋ e wò.»

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Esiker 3:27

Yii bèy, m lóo suŋnín wòsò, é m mvəʼ shuu wó, áà yoŋ aáwune jii, ‹Á yú á kinyo ke Nyùy Tàr woo Taà Ndzə suuy ki,› é wìr wo wù yú yú, é wo wù ŋwáyí ŋwáy. Kù dzə̀ wír, aá tsə́y kóy vèr áwune.»

2 Wòŋ 18:13

Mikayia nèn sùúy jii, «Rúrú, mo Nyùy Tàr dzəə̀n shó, a dzə̀ m kù sùúy kinyo e fòn cáʼcáʼ a dzə̀ ke Nyùy wom yòŋèn.»

1 Afòn 22:14

Mikayia nèn sùúy jii, «Rúrú, mo Nyùy Tàr dzəə̀n shó, a dzə̀ m kù sùúy kinyo e fòn cáʼcáʼ, a dzə̀ ke Nyùy Tàr yòŋèn e mò.»

Kintaŋ 22:38

Balaam yòŋ e Balak jii, «Bo m wìy ne. Oò mbaà, a dzə̀ lèn, m wàa ker ghay wóo suúy kinyo a? Kinyo ke Nyùy wáy e mǒ shùu ki dzə̀ kíwun ke m yíi a suúy.»

Lim Aŋgàa Ntum 20:27

Mò‑oò ló a fìʼtì ven vinyo vidzə̀m ve Nyùy sìysìn ji wun wíy yiì, e làa yòʼ lìtì kímóʼ kí gheéy.

1 Afòn 3:7

Nyùy Tàr woo Nyùy wom, à kòʼór ne wánlè wò lìm e Davir woo tàr wór ntaʼ, a m kù dzə̀ə́ wán wo terí, a m yòʼ kì kinyo kée yiì.

Jeremia 7:27

Nyùy Tàr suúy bey, e nèn yòŋ e mò jii, «Jeremia, à yíi naàrì kinyo kìn kidzə̀m aáwune, aá yòʼ yíi biimé. À yoŋ wír fo áwuné mvəm, é la wù yòʼ fə̀m ghày.

Esiker 2:7

Ku yòŋ jí sém sí aáwune, kìn vee yú, kìn vee tén yú mo áwune dzəə̀n antavkìtu.

Amos 7:15

Yii bèy, Nyùy Tàr nèn tsə̀ʼ mo fó bǎm njiì wo mò‑oò shiyì, e yòŋ e mò jii, ‹Dùu, a fìʼtì kinyo kém kí e wír vém veé Israyi.›

Ŋwàʼ Fəə 6:29

wù wáa suúy e wun jii, «Dzə̀ mo Nyùy Tàr. Yòŋ kinyo kidzə̀m ke m suuyin e wò ki e Farao woo fon woó Ejiv.»

Jeremia 26:2

Wù‑uù sùúy jii, «Dù tìím e maàndzə yeé shùu lav cù Nyùy Tàr, e sùŋnín e wìr dzə̀m wo wù wìyìn fó ŋkà se laʼ seé Juda ji wun yii cu e Nyùy Tǎr lav. Tiísí kinyo kidzə̀m ke m suuyin e wò ki aáwune, é la kfəʼ yòʼ tùm fó fo.

Jeremia 43:1

Jeremia màysì ntum sidzə̀m se Nyùy Tàr woo Nyùy wov‑iì tumen wun sho, e tiìsí e wìr dzə̀m.

Jona 3:2

«Lò fó fèn, e dù e ŋkàlaʼ ye kuʼùn yee Nineve rə̀y, e fìʼtì kinyo ke m suuy e wò ki.»