Jeremia 1:6 - ŊWÀʼ NYÙY

⁶ M bìnèr jii, «Éè mò, Nyùy Tàr woo Taà Ndzə, leéy, e yèn, m dzə̀ə́ wánlè, bó yóʼ dzə̀ m kìíy móo suŋnín.»

Jeremia 1:6 Referans Kwoze

Ŋwàʼ Fəə 6:12

Yii bèy, Mooser suúy e Nyùy Tàr jii, «Shuu wómé yoʼ càʼ e kisuŋnìn. Mo bó wír veé Israyi yòʼ fə̀m yú mo, bo dzə̀ Farao yiì ghàn kfə́ é le, e bóo yu mo?»

Jeremia 32:17

«Àshè, Nyùy Tàr woo Taà Ndzə, dzə̀ wò wo wò‑oò bomen yúv wùn à nsay e vitaáví vé ve ghaʼán ví, wò wo à dzəə̀n e gháʼtín. Kinyo ke a dzə̀ kí ghàʼ wò ki yòʼ dzə̀.

Ŋwàʼ Fəə 6:30

Yii bèy, Mooser bìnèr e Nyùy Tàr jii, «À kì ji bó shuu wómé yoʼ càʼ e kisuŋnìn, bo Farao yíi ghan e le, e bóo yuurí kinyo kém?»

Jeremia 14:13

M nèn bìnèr jii, «Éè Nyùy Tàr woo Taà Ndzə, leéy, e yèn, aŋgàa ntume sí fiʼtì ji bó rə́r sí yòʼ wíy nəə́ a fo, a bó jìŋ yòʼ waà wíy koo. À kù wíy a yiì, é nyaáŋ wáa dzə a e wòŋàn ŋkuuŋkùŋ.»

Ŋwàʼ Fəə 4:1

Mooser nèn bìnèr e Nyùy Tàr jii, «Áwune yòʼ yíi yuurí kinyo ke m suuyì. Áwune yòʼ yíi biimé kinyo kém, bìʼ fo áwune yíi a kìnèn ji à yoʼ lò wìy, e sùŋnín a e mò.»

Jeremia 4:10

M nèn shùsín jii, «Yímóy, Nyùy Tàr woo Taà Ndzə, rúrú, à bòʼtí ne wír veé Jerusalem ji woŋe yíi a dzə a nyaáŋ, wáa dzə lèn, a rə́r sí kér áwune fó asìʼ.»

Aysaya 6:5

Á bèy, m nèn sùúy jii, «Lòné gbù ne e mǒ kitu. Ké ru kí, kém kí kù mày ne bèy. M shòv ne Fon e si, wun woo Nyùy Tàr woo Taà Mànjòŋ, a m dzə̀ kém wír wo kù fəə́ kinyo ke bi kí fó shuù wo, a m kù dzə́ a dzə̀ vèr à wír ve fəə́ kinyo ke bi kí fo áwuné shuù.»

Esiker 4:14

Á bèy, m nèn kà kitú kém, e yòŋ jii, «Abaày, Nyùy Tàr woo Taà Ndzə, bó m yòʼ‑oò ghàn sìíy lòr kitú kém e kifá ki, kèʼ fo meterí, e wìy shem lán. Bó m yòʼ‑oò yiì ne yì kifá ke kí kpuun kpuún, kìn ke koon nyam kwaʼ. Bó m yòʼ‑oò yiì ne kùm kimfòy ke nyàm e mǒ shuù.»

Sekariya 2:4

Wù suúy shó jii, «Nyéŋ, e dù sùúy e wánlè nsùm wo wù kér kfəə̀ mfìʼ e kiwo və̀sə ji wù yuúrí á ŋkuŋ. Jerusalem wíy kùʼ, a ker wíri wùn à nyám si nyanyày, e shaà mo dzə̀ á wàa dzə e mvə̀m kày.

Jeremia 34:6

Jeremia woo *ŋgaà ntum Nyùy nèn dù, e tiìsí ntum rə̀n e Fòn Tsədekiya woó Juda, a wù dzə̀ é Jerusalem.