Jeremia 1:5 - ŊWÀʼ NYÙY

⁵ «Mò‑oò kìíy ne wò, e bóo wìy a bom wò e yè wón bvə̀m. É bo á wìy a dzəə́ wò, a m lém ne wò ji wír woo jeéy. Mò‑oò shòʼ ne wò ji à wáa tiisí ntum yem vitúm vidzə̀m.»

Jeremia 1:5 Referans Kwoze

Nsùyrì Nyùy 139:16

Wò‑oò yèn mo, a m dzə̀ə́ e mendzə̀v. Wò‑oò sìysì ne mo mò‑oò wíy dzə̀ʼə̀m, e meé, e sàŋ vishiíy vém e wò ŋwàʼ, e lèm, é bo á fəm wìy a dzəə́ mo.

Aysaya 49:1

Ven vee vitúm veé ndzəywoŋ, vèn yuúrí. Ven ve vèn dzə́ e virə̀ʼ vee kwaʼda, vèn bónén, e yuùrí kijuŋ. Bo á wáa dzəə́ mo, a Nyùy Tàr‑iì shòʼ ne mo, e yòŋ mo ji wír və lìm, a m dzə̀ə́ e yè wór bvə̀m.

Ŋwàʼ woó Rom 8:29

Wù‑uù sìysì jii, wír ve wù‑uù yiìn ne kìíy ji wun wíy lì adzə̀me wíy a bìnkìr, a dzə moo Wán və, é wun woo Kristu nèn kòóy afə́r anín, a dzə ji wo mbìy.

Aysaya 49:5

Nyùy Tàr‑iì shàv ne mo, e bàʼtí ji wír və lìm, é bo yè wor wìy a dzəə́ mo. Wù‑uù shòʼ mo ji m báʼtí á rám Jakov, aá kfə́n fo wun wùn, e shòʼ ji m li wír veé Isray, aá bánén, e wìy, e yèn wun. Bùʼ wun mo, a kù távir wun mo. Wun woo Nyùy Tàr wáa suúy e mò jii,

Aysaya 44:2

Dzə̀ mo Nyùy Tàr wo wù‑uù bomen ven, é bo vèn wáa dzə e bvə̀m, kù‑uù lèm mo ven fó, a m kù wíy a sə ven. Ven vee rám Jakov vee vé lìm vém, lá vèn yòʼ a fàn. Jeshurun, ven vee wír ve mò‑oò shoʼon, lá vèn yòʼ a fàn.

Ŋwàʼ Luk 1:41

Mo Lisaber yuun shaʼtì rə́, wàn nèn wàʼrì fo wùn bvə̀m, Kiyoy ke Ranén kí kfən wìy, e rùn e wùn shiliv.

Ŋwàʼ Luk 1:76

Wàn, á wíy a yòŋ wò ji *ŋgaà ntum Nyùy woo Taà Vitu, bìʼ fo à wíy shem e Nyùy Tǎr mbìy, e naŋsín dzə́ə rə.

Ŋwàʼ Fəə 33:17

Nyùy Tàr kfən sùúy e Mooser jii, «M kù yíi yiì réŋréŋ mo à kì lonen, bìʼ fo m koŋ wò, a m kì wò feyì ji wír wom.»

Jeremia 1:10

Leéy, m lèm ne wò lán ji à wáa leéy woŋ wùn à vitúm vi, e lèm ji à shaʼar vitúm, e kètì fó, à ji à bvə́ʼə́y fó, e laàr, e kfə̀n bàʼrì fó, e tùúy.»

Ŋwàʼ Fəə 33:12

Mooser kfən yiì lò, e sùúy e Nyùy Tàr jii, «M dzə̀ a m yú ke à suuyin e mò ji m tsəə́né á wír vìn, e dù sho e wòŋ fèy. Yii bèy, à yoʼ yiì, m kiíy wír wo à yíi tsənsí vèr wun, a wówò, wò‑oò yòŋ ne ji à kì á mo ji wir wò, aà koŋ a mo.

Ŋwàʼ Luk 1:15

Wan woo shoon wíy a dzə wír wo kuʼùn e Nyùy si. Kiyoy ke Ranén kí wíy run e wùn shiliv, é bo yè wov wìy a dzəə́ wun, a bó yòʼ dzə̀ wù wìy nò kifá ke dzə̀ kí koò wír e njà melùʼ.

Ŋwàʼ woó Rom 1:1

Ŋwàʼ və̀ne sàŋ mo woo Por, a m dzə̀ kém ji ŋgaà lìm Jesus Kristu. Wù‑uù lì mo ji m wáa dzə ŋgaà ntum və, e lèm ji m wáa fìʼtì a sáʼka Nyùy wo juŋ.

Jeremia 50:34

Yii bèy, Mfə̀ə́r wov dzə̀ e távín. Yír rəə́ dzə̀ Nyùy Tàr woo Taà Mànjòŋ. Wù kù yíi bìn nsaʼ yev, e yiì, é woŋ wóví wáa neŋ ji dèʼ, là fan. Ké wír veé Babilon, é wù maʼ a dzə̀ ŋgeʼ aáwuné kitu.»

Efesor 1:22

Nyùy wày ne vifá vidzə̀m a dzə̀ e wun woo Kristu kiwo, e lèm ji kitú ke kintatì ke wìr və́, á wáa yu a dzə̀ fó fo.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

1 Korin 8:3

Wìr wo Nyùy kiìn ji dzə̀ wír dzə̀ wo wù koŋ a dzə̀ wun woo Nyùy.

Nsùyrì Nyùy 139:15

Mo mò‑oò dzəə̀n e yè wór bvə̀m, à kù‑uù kì ji m dzə̀ á fo. Yì‑iì bòm wò vighvə́r vém, e lì ghán, e tàtí, a m kù kúy fo e kilìr.

Jeremia 1:4

Mo woo Jeremia, m dzə́ bèn, a Nyùy Tàr‑iì yiì ne sùŋnín e mò. Wù‑uù yòŋ e mò jii,

Jeremia 25:13

Ŋgeʼ ye m yiysin e wír vìné kitu kù wíy nəə́ áwune e dzə̀m. Kinyo kidzə̀m ke á saŋen é ŋwàʼ fèn ke Jeremia‑aà tiisin kùm vitúm vìn vidzə̀m ki kù wíy koóy.

Jeremia 36:2

Wù‑uù sùúy shó jii, «Lì kiŋkur ke ŋwàʼ ki, e sàŋ vinyo vidzə̀m sho, ve m suuyin e wò kùm Isray wùn à Juda, à vitúm vidzə̀m vi, a dzə̀ ji vinyo ve m yòŋèn, e kèʼ fo ghan se Josia‑aà sáʼ vifon, e wìy shem lán.

Jeremia 20:15

Lòné ku shòv wír wo wù‑uù wìyìn e sáʼka və̀n, e fèr e tàr wor, wír, wo wù‑uù fìʼtìn ji á kòóy ne a wán lumèn, e yiì, tàr wor wáa sheʼrí.