Jeremia 1:16 - ŊWÀʼ NYÙY

¹⁶ M yíi way wír vém é ŋgeʼ, bìʼ kitú ke áwune tavin, e bìn ndzə̀m e mò, a tòn kiláy, a cù a dzə̀ anyùy sho, a ghvəm vifá ve áwune fèrìn e wó yéví.

Jeremia 1:16 Referans Kwoze

Jeremia 19:4

Kí dzə̀ bey, bìʼ fo wír vìne meŋen ne mo, e bìvír kirə́ʼ kin. Áwune sí ton kiláy fen, cu anyùy sho, cu bèy, a bó atàr vév wùn aàfon veé Judàa yòʼ fə̀m‑eè lo yì‑iì kìíy anyùy vìn. Aáwune kfə̀n‑eè yiì, mensə́ me wìr vee alànjò mè sə́ fen e dzə̀m.

Jeremia 7:9

A dzə̀ vèn wàa shoŋ vishóŋ, a yuyrí wíri, a jàŋ kinjàŋ, a kàn yír Nyùy kisáŋ, a tòn kiláy, a cù *Baal sho, a ghvəm anyùy, a bó vèn yòʼ kì fó fo,

Lim Aŋgàa Ntum 7:41

Á ku nèn fèr kibámmbó, a kí shwínin wan nàʼ, a seerí nyám si, a cù sho, a sheʼrí kifá ke á fèrìn e wó yéví.

Aysaya 2:8

Woŋ wóví kù dzə̀ mebvə̀m mebvə̀m, aáwune cu vifá, a dzə̀ ve kù fèrìn áwune. Vifá, aá ku fèr a dzə̀ e wó yéví.

Remrí 28:20

«A vèn wìy lò, a yiì liì kisaŋ, e ŋwày Nyùy Tàr, bo wù wíy màʼ lòn e věn kitu, e yiì, é vèn wáa tùʼtìn, a yen ŋgeʼ e kifa kidzə̀m ke vèn yii, e meé mo vèn wíy lò, e sàsìn, e rèŋ, e mày ŋkuuŋkùŋ.

Hosea 11:2

Yii bèy, mo m kù‑uù waʼrì, jaŋ áwune akàŋ akàŋ, kù dzə̀ mo á nyéŋ mo nyéŋén, du, cu a dzə̀ mebvə̀m mee *Baal, ton kiláy, cu anyùy sho.

Hosea 8:6

Shibvə̀m shìn shi dzə̀, a fèr taà kilàm, a kù dzə̀ wír fo vèn vee wír veé Isray, a bó shí yòʼ dzə̀ nyùy wùmòʼ gheéy. Á wíy bvəʼtí shibvə̀m shén shin, é shí wáa neŋnín e vimbvəʼ vimbvəʼ.

Jeremia 44:17

Vèr kù wíy a yiì vinyo vér vidzə̀m, a dzə̀ mo vèr‑iì kàʼàn ne. Vèr wíy a tòn kiláy, a cù Yaà woó Yuv shó, e kfə̀n a cù wun e meluʼ mè. Vèr kù wíy a yiì réŋréŋ mo atàr vér wùn aàfone, à vé saʼa‑aà rə́si yii e ŋkà se laʼ seé Juda, kfə̀n yii e dzəə seé Jerusalem. Vèr‑iì yii bèy, kér vifá ve yi nyanyày, kér dzəʼə̀m ye juŋe, a bó ŋgeʼ yòʼ‑oò dzə́.

Jeremia 17:13

Éè Nyùy Tàr, wò woo fo kwaʼtì Israyi tíyí, wír ve á méŋ wòo wíy woomé. Wír ve á bin ndzə̀m e wòo wíy a dzə moo kinyo ke á saŋen é kibvə̀r, bìʼ fo á meŋen ne Nyùy Tàr, wun wo dzəə̀n ntoò ndzə̀v ye yì fəər mendzə́v me mè fó dzəʼə̀m.

Jeremia 4:12

Kinsəm ke kí wiy e Nyùy vitaaví kin ki dzə̀ kibiíbí. Dzə̀ mo woo Nyùy Tàr mo m wiy, e saʼ wír vém.»

Aysaya 37:19

Áwune màʼ ne anyùy ve vitúm vìn vi‑iì ghvə́mé e və̀y, e laàr adzə̀m, bìʼ fo yì‑iì dzəə̀n vifá là mvə́m, vifá, a fér wír e kicí kí, kìn e tíyí.

2 Afòn 22:17

Áwune màʼày a ne wun, a tòn kiláy, a cù anyùy ámóʼó shó, e kfə̀n a ŋaʼár a dòʼshwíiy və e mebvə̀m me áwune fèrìn e wó yéví mè, a wù baári bìʼ Jerusalem, a wìr wóo ndzəmér yòʼ waà dzə̀.»

Joshua 24:20

A vèn màʼtì Nyùy Tàr, a ghvəm a dzə̀ anyùy, bo wù yíi bìnkìr, e màʼ ŋgeʼ e věn kitu, e laàr ven, fə̀m mo wù‑uù yii kijuŋ e vèn.»

Remrí 31:16

Wù tiím, e yòŋ e Mooser jii, «Yén ri mbà, à sí lo, e dù, e yen atàr vé aàŋkfəə́ wòŋ. À kpú, bo wír vìne sí lo, a jùmrì anyùy vitum veé nsay yee fo á du, e nəə́. Áwune wíy bìn ndzə̀m e mò, e shoʼór *mensaŋ me mò‑oò gwàrìn vèr áwune.

Esiker 24:14

Mo woo Nyùy Tàr, m yòŋ ne, a ghán sí ghèén ne, a m kù‑úù yii. Bó yòʼ dzə̀ m yiì yàr, a bó m yòʼ yíi bavtí wò, kìn ji m búʼúr. M kù wíy màʼ ŋgeʼ e wò kitu mo à yiìn, e màʼ sa réŋréŋ mo à bùʼtìn vinyo. Suuy mo woo Nyùy Tàr woo Taà Ndzə.»

Jeremia 51:17

Ké wìr msòŋ kí dzə̀, aá dzə̀ viyúŋ adzə̀m, a bó á yòʼ kér vifií. Vé kilàme sí woóme bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

Jeremia 16:11

à nèn bìnèr aáwune ji Nyùy Tàr suuy a jii, ‹Dzə̀ bìʼ fo atàr véné‑eè ŋwayin mo, a jùmrì a dzə̀ anyùy, a lìm fo fo, e kfə̀n a cù, e nèn mèŋ mo, e tèn fó a yunín nsər sém.›

Jeremia 15:6

Vèn mèŋ ne mo, e bìn ndzə̀m e mò. M wíy màʼ kiwó kém, e ghar ven shó, e laàr. M dòr ne, yòʼ dzə̀ m dzə́ə a ker mendzən fo vèn. Kù suuy mo woo Nyùy Tàr.

Jeremia 11:17

Nyùy Tàr woo Taà Mànjòŋ, wo wù‑uù tuuyin ven bàʼtí ne a dzə̀ ŋgeʼ, e taàmé ven shó, a dzə̀ bìʼ liì kisaŋ wo ven vee wír veé Isray wùn à veé Judàa yiìn. Vèn ton kiláy, cu Baal sho, ŋáʼar dòʼshwiiy Nyùy Tàr.

Jeremia 11:12

Ŋgeʼ si lóo ghaʼ, wír veé ŋkà se laʼ seé Juda wùn à veé Jerusaleme lóo dù, lóo toŋ aànyùy ve áwune rə́si cu e kiláy kií, é la á yòʼ fə̀m sə̀ áwune.›

Jeremia 10:15

Kù dzə̀ kifá kisáŋ ke á wáa kèŋ kèŋèn. Kishiíy ké nsaʼ ki gheenè, aá bvə́ʼə́y, é ví lay láyin.

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Jeremia 5:9

A dzə̀ la m yòʼ màʼ ŋgeʼ aáwuné kitu bìʼ vinyo vìn à? Suuy mo woo Nyùy Tàr. A dzə̀ la m yòʼ siìr ŋkfə́tír e kfə́ə kitum kee ben ki a?

Jeremia 4:28

Nsay kù yíi a dìy, é yúví wáa sən sənén. M sùúy ne bèn, a bó yòʼ dzə̀ kí kfə̀n kùvsín. M wày wáyín féyì, a bó yòʼ dzə̀ m kfə̀n lèéy bám.»

Jeremia 2:17

Yeè mbàʼ, bó yòʼ wìy wò e kinyo kìn ki e wò kitu à? Kí dzə̀ bìʼ méŋ ye wò‑oò meŋen Nyùy Tàr. Nyùy Tàr woo Nyùy wò, wo wù‑uù tsəə́ne wò.

Jeremia 2:13

Wír vémé jày ne vinyo e mò vibaà. Áwune bìn ne ndzə̀m e mò, mo woo ntòŋ ndzə̀v ye yì fó dzəʼə̀m. Áwune fèr ne a dzə̀ vév vee visə̀m, e lì ndzə́v, e wày shó, visə̀m, a ví káʼkír ne.»

Aysaya 65:3

Wír vìn adzə̀me dzə̀ ayìíkum. Á kù tínsin mo kishiíy kidzə̀m, cu anyùy, ton kiláy é kiy anyùy.

Aysaya 44:15

Wù baʼ kicí, wù shètì mbìv yìmòʼ ji meŋkaʼ, a tòn, a yor, wúné wàa lùm, li memoʼ mè, wù tòn və́y shó, e fèr vifá ve yi sho. Wù kfə́n li mbìv kicì kee shooy yìmòʼ, wù fèr shibvə̀m sho ji nyùy və, a ghvəm. Shibvə̀m, a wù fér ji nyùy və, lo, wù wàa gbù e si wo, a ghvəm.

2 Wòŋ 34:25

Wír veé wòŋàne màʼày ne mo, a tòn kiláy, a cù anyùy sho, a ŋaʼár dòʼshwíiy wom e mebvə̀m me áwune fèrìn e wó yéví. Á bèy, m yíi lovtí e woŋàne mo dòʼshwíiy wom dzəə̀n, a wù baári moo və́y, a wìr wóo ndzəmér yòʼ dzə̀.»

2 Wòŋ 15:2

Wù fəə́, e dù, e yèn Fòn Asa, e sùúy sho jii, «Wò woo Fòn Asa, e lì wír veé Juda, à veé Benjamine, vèn yuúrí kinyo ke m yoŋ ki. Nyùy kù yíi a dzə vèn áwune, a vèn fèn yéʼti e wun wùn. A vèn lò, a tàʼ wun, wù dìn kitú kfə́ e vèn. Vèn bin ndzə̀m e wun, wù bìn sá e vèn.

2 Wòŋ 7:19

Yii bèy, a vèn lò, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

Joel 2:11

Kù danèr Nyùy Tàr mànjòŋ və və̀n, du aáwuné mbìy, wámkirì. Vé rər və́ víne dzə̀ nyanyày, aáwune ve á yú jí rə víne dzə̀ antav ve ghaʼtíné. Rúrú, kishiíy ké Nyùy Tàr kí dzə̀ kigháʼán, a kí beéme e ŋàŋ. A dzə̀ bòy la é kishiíy fen.

Ŋgaà Yen 9:20

Wíri fòy bèy, la kibér ke kí bòyìn kí yòʼ fə̀m fìír, e bìnèr melív mev gheéy. Á kú a yòm *anyùy ve á ghán e shwer, e kfə̀n a cù vifá ve á fer e wó yéví, yoŋ ji anyùy. Fer vímóʼ ví a dzə̀ e kisha ki, kìn dzə̀ ké mbàm ke baar kí, kìn ke fəvír kí, kìn dzə̀ kiné kí. Lo, á sèm kímóʼ kí a dzə̀ tíy, kìn kicí. A bó yòʼ dzə̀ anyùy vìne yèn kirə́ʼ, a bó yòʼ dzə̀ á yù kinyo, a bó yòʼ dzə̀ á ghàn.

Jeremia 2:28

Anyùy vén ve vèn bomené bèé? Vèn kú a leéy a dzə̀ áwune, a vé‑éè sə́ ven fó ŋgeʼ, aá sə́. Òó mbaà Juda, anyùy véné dzə̀ nyanyày, aá dzə̀ é mentey mo ŋkà se laʼ sén sí dzəə̀n.

Jeremia 10:3

Liì wov woo kùm cu dzə̀ kifá kisáŋ. Á gwar kicí fó kòv, ŋgaà fèr nèn lì njàm rə, e sèm shó.

2 Wòŋ 28:2

Wù‑uù jumrì kfə́ a dzə̀ vinyo ve afon veé Israyi‑iì yii. Wù lò yímóʼó, e fèr mebvə̀m mee nyùy woo *Baal e kisha ki,

Jeremia 2:19

Yii yé ye bií yíi way wò e ŋgeʼ. Bin ye à bìnèn ndzə̀m e mòó yíi dìn kisáŋ ké. Kú a kiíy, a yen kinyo ke à yii ki. Maʼày ye à màʼàyìn Nyùy Tàrí bìr féyì, a kí kfə̀n kér nyár e ŋàŋ. À yòʼ yii fan mo gheéy. Suuy mo woo Nyùy Tàr woo Taà Ndzə, mo woo Taà Mànjòŋ.»

Jeremia 7:17

Bó à yòʼ yén kinyo ke áwune yii e ŋkà se laʼ seé Juda, kfə̀n yii e dzəə seé Jerusalem à?

Jeremia 7:18

Wón véví sív meŋkaʼ, aàtàrí li, ton və́y shó, a vikìy tóv meŋkfəŋ, ton ntuʼ se kiban sho ji sé Yaà woó Yuv. Aá yii bèy, cutì meluʼ, cu anyùy sho, yii, a kilòŋ kí shwiiy mo.

Jeremia 18:15

Yii bèy, a wír vémé ŋwày ne mo. Á sí ton kiláy, cu anyùy kisaŋe shó. Anyùyi yií, áwune wáa bàyrìn e dzəə ye á kì ghán sho, dzə́ə, ye dzəə̀n kimvə́mvə ké dzəə, e nèn lò, e bìn a dzə̀ é dzəə ye toʼrìn, dzə́ə, aá yoʼ nàŋsín, yì táʼám.

Esiker 16:18

À lí vikúm ve tsəmén ví, ve mò‑oò foon e wò, e màʼ aáwuné wùn, e lì meŋgvə́r mem, e lì kiláy kém, e tìír e vifá vìn ví si.