Jeremia 1:13 - ŊWÀʼ NYÙY

¹³ Nyùy Tàr kfən lò, e dzə̀r e mò jii, «À yèn lèn a dzə̀ ka?» M bìnèr jii, «M yèn kíŋ é mbìv yee kuy, a yí yorì, a yí lo, e toʼ, a fəə e mbìv yee tsə́n.»

Jeremia 1:13 Referans Kwoze

Esiker 11:7

Bìʼ bey, ke mo woo Nyùy Tàr woo Taà Ndzə suuy ki dzə̀ jii, dzə̀ rú, ŋkàlaʼ rə̀n dzə̀ á kíŋ kishàa, yii bèy, nyàm dzə̀ ka? Kù dzə̀ dzə́n sé wìr ve vèn yuyrin. Kén kí dzə̀ jii, ‹M yíi fəə́r ven fó ŋkàlaʼ fèn, e tsənsí e ndzə.

Esiker 11:3

Áwune yoŋ e wíri jii, ‹Bó yòʼ dzə̀ ghán se dzə̀ á kfə̀n a bom lav si a? Ŋkàlaʼ rə̀n dzə̀ moo kíŋ yee kisha, a vèr dzə̀ fó akiŋsìn moo nyám ye á wayin é kìŋ, e tèʼtín.›

Sekariya 4:2

Yì dzə́r e mò jii, «À yèn a dzə̀ ka?» M bìnèr jii, «M yèn kitiir ke làm, aá fér e *kisha ke mbàm ke baar kí, a mbìʼí dzə̀ fó yuv, a dzə̀ wó meŋgvə̀r me làm. Lame dzə̀ saàmbà e kitiìr, a wo mòʼón mòʼóne kér shuu se kfəə̀ saàmbà,

Kèʼlo 41:32

Shií wo njèm rə̀n shiin fon, e kfə̀n shì, a nsàv dzə̀ e mòʼón, din a ji Nyùy lèm a ne ghán se kinyo kìn ki wíy koóy, a wù kù yíi yiì a kíwun lèn lèn.

Jeremia 24:3

Nyùy Tàr nèn dzə̀r e mò jii, «Jeremia, à yèn a dzə̀ ka?» M bìnèr jii, «M yèn a dzə̀ fig. Fig, a wo juŋ bóŋ féyì, a wo bi bír ne feyì e dzəə ye bó yòʼ dzə̀ wìr kfə̀r.»

Aysaya 55:11

Kù dzə̀ sá réŋréŋ mo jí se sí fəə́ fo mǒ shuù si dzəə̀n, a bó yòʼ dzə̀ sí lày kisáŋ. Sí kù yíi lìm kinyo ke m yòŋèn ji kí wáa dzə. Kinyo ke m suuyin ji kí wíy koóy ki kù dzə̀ kíwun ke kí wíy koóy.»

Esiker 12:28

Bìʼ bey, suúy aáwune jii, ke Nyùy Tàr woo Taà Ndzə suuy ki dzə̀ á jii, ‹Bó kinyo ke m yòŋèn kí yòʼ kfə̀n dzəə́ wìy ndzə̀y. Kinyo ke m yòŋèn kí kù kér fóo koóy.› Suuy mo woo Nyùy Tàr woo Taà Ndzə.»

Amos 8:2

Wù dìn bèy, e dzə̀r e mò jii, «Amos, à yèn a dzə̀ ka?» M bínér e wun jii, «M yèn ŋkaà baŋ se vici, a dzə̀ se á yii koy, a ghán sé ŋkav vifa si báŋrín ne.» Á bèy, Nyùy Tàr nèn tòʼ e mò jii, «Rúrú, ghán sí bàŋrìn ne lèn, a m lo, e màʼ ŋgeʼ e wír veé Israyí kitu. M yòʼ kfə̀n dzəə́ yìi kuvsín ntaŋ wom, e yàr fóo màʼ ŋgeʼ rə̀n.