Jeremia 1:12 - ŊWÀʼ NYÙY

¹² Nyùy Tàr suúy jii, «À yèn réŋ, dzə̀ mo m yíi a leéy ji jí sém sí gheén á mo m suuyin.»

Jeremia 1:12 Referans Kwoze

Esiker 12:28

Bìʼ bey, suúy aáwune jii, ke Nyùy Tàr woo Taà Ndzə suuy ki dzə̀ á jii, ‹Bó kinyo ke m yòŋèn kí yòʼ kfə̀n dzəə́ wìy ndzə̀y. Kinyo ke m yòŋèn kí kù kér fóo koóy.› Suuy mo woo Nyùy Tàr woo Taà Ndzə.»

Esiker 12:25

Dzə̀ mo woo Nyùy Tàr. M yoŋ kinyo ke m yòŋèn, é m ku nèn yiì kíwun. Kàʼ wom yòʼ dzəə́ wìy a laatí. Ven ve á tsə́y kóy vèsən, kinyo kidzə̀m ke m yòŋèn e věn kitu ki kù wíy koóy e věn ghan. Suuy mo woo Nyùy Tàr woo Taà Ndzə.»

Ŋwàʼ Luk 10:28

Jesus koóy jii, «À bìnèr rú. Kú a yiì rì bèy, áà wìy lùŋ.»

Amos 8:2

Wù dìn bèy, e dzə̀r e mò jii, «Amos, à yèn a dzə̀ ka?» M bínér e wun jii, «M yèn ŋkaà baŋ se vici, a dzə̀ se á yii koy, a ghán sé ŋkav vifa si báŋrín ne.» Á bèy, Nyùy Tàr nèn tòʼ e mò jii, «Rúrú, ghán sí bàŋrìn ne lèn, a m lo, e màʼ ŋgeʼ e wír veé Israyí kitu. M yòʼ kfə̀n dzəə́ yìi kuvsín ntaŋ wom, e yàr fóo màʼ ŋgeʼ rə̀n.

Remrí 5:28

«Nyùy Tàr‑iì yù kinyo kén ke vèn‑eè suuyin e mò, e nèn yòŋ e mò jii, ‹M yù ne kinyo ke wír vìne yoŋ e wò. Kinyo ke á suuyin kidzə̀m ki dzə̀ rú.

Remrí 32:35

Kù wíy siìr mo ŋkfə́tír, a maʼ mo ŋgeʼ e wírí kitu. Wír vìyi kù lo, e sàsìn, e lèrìr, e gbù. Kishiíy kév ké ŋgeʼ ki sì fó mentsə̀m, a ŋgeʼ se tavkín sí kù lo, a nyoòrì.»

Remrí 18:17

Á bèy, Nyùy Tàr yòŋ e mò jii, ‹Kinyo ke áwune yòŋèn kí dzə̀ kijuŋ.

Ŋwàʼ Luk 20:39

Jesus bìnèr bèy, wír ve vé‑eè duŋrì nsər Nyùy ámóʼó nèn bìnsí jii, «Ŋgaà Yèʼey, à bìnèr kijuŋ feyì.»

Jeremia 31:28

Yì‑iì dzə̀ é ghan se sí‑iì shaàn, mò‑oò kìyrí áwune, e lò, e mèn fo fo, e kèr fó, e kfə̀n nə̀ə́, e tòn fó, e sə̀ʼsí, e màʼ ŋgeʼ ye tavín fó. Kù dzə̀ sá mo m wíy lì ghán lèn, e bàʼrì fó, e tuúy. Suuy mo woo Nyùy Tàr.

Jeremia 1:13

Nyùy Tàr kfən lò, e dzə̀r e mò jii, «À yèn lèn a dzə̀ ka?» M bìnèr jii, «M yèn kíŋ é mbìv yee kuy, a yí yorì, a yí lo, e toʼ, a fəə e mbìv yee tsə́n.»

Aysaya 55:11

Kù dzə̀ sá réŋréŋ mo jí se sí fəə́ fo mǒ shuù si dzəə̀n, a bó yòʼ dzə̀ sí lày kisáŋ. Sí kù yíi lìm kinyo ke m yòŋèn ji kí wáa dzə. Kinyo ke m suuyin ji kí wíy koóy ki kù dzə̀ kíwun ke kí wíy koóy.»

Jeremia 24:3

Nyùy Tàr nèn dzə̀r e mò jii, «Jeremia, à yèn a dzə̀ ka?» M bìnèr jii, «M yèn a dzə̀ fig. Fig, a wo juŋ bóŋ féyì, a wo bi bír ne feyì e dzəə ye bó yòʼ dzə̀ wìr kfə̀r.»