Jeremia 1:11 - ŊWÀʼ NYÙY

¹¹ Nyùy Tàr nèn yòŋ e mò jii, «Jeremia, leéy ó, à yèn a dzə̀ ka?» M bìnèr jii, «M yèn tám kici kee *almon.»

Jeremia 1:11 Referans Kwoze

Amos 7:8

Nyùy Tàr nèn dzə̀r e mò jii, «Amos, à yèn a dzə̀ ka?» M bìnèr e wun jii, «M yèn a dzə̀ kfəə̀ kimbom.» Nyùy Tàr nèn sùúy e mò jii, «M kér kfəə̀ və̀n ji m din e wír vémé ji áwune dzə̀ moo kirə́v ké lav ke kí teemen. Bìʼ bey, bó m yòʼ dzəə́ kúvsin kwaʼtì yém. M kù‑úù maʼ ŋgeʼ aáwuné kitu.

Amos 8:2

Wù dìn bèy, e dzə̀r e mò jii, «Amos, à yèn a dzə̀ ka?» M bínér e wun jii, «M yèn ŋkaà baŋ se vici, a dzə̀ se á yii koy, a ghán sé ŋkav vifa si báŋrín ne.» Á bèy, Nyùy Tàr nèn tòʼ e mò jii, «Rúrú, ghán sí bàŋrìn ne lèn, a m lo, e màʼ ŋgeʼ e wír veé Israyí kitu. M yòʼ kfə̀n dzəə́ yìi kuvsín ntaŋ wom, e yàr fóo màʼ ŋgeʼ rə̀n.

Sekariya 5:2

Nshìylav Nyùy rə̀y dzə́r e mò jii, «À yèn a dzə̀ ka?» M nèn bìnèr jii, «M yèn kiŋkur ke ŋwàʼ, a kí féŋé. Vida və́ ví dzə̀ kóy e tàn, a mbvə̀ʼ rə dzə̀ kóy e baà e kintoʼnìn ki.»

Sekariya 4:2

Yì dzə́r e mò jii, «À yèn a dzə̀ ka?» M bìnèr jii, «M yèn kitiir ke làm, aá fér e *kisha ke mbàm ke baar kí, a mbìʼí dzə̀ fó yuv, a dzə̀ wó meŋgvə̀r me làm. Lame dzə̀ saàmbà e kitiìr, a wo mòʼón mòʼóne kér shuu se kfəə̀ saàmbà,

Jeremia 24:3

Nyùy Tàr nèn dzə̀r e mò jii, «Jeremia, à yèn a dzə̀ ka?» M bìnèr jii, «M yèn a dzə̀ fig. Fig, a wo juŋ bóŋ féyì, a wo bi bír ne feyì e dzəə ye bó yòʼ dzə̀ wìr kfə̀r.»

Kintaŋ 17:8

Wáa dzə kibvəə́shí, Mooser dù e kibàn ké mensàŋ. Á bèy, a mbàŋ Aaron ye dzəə̀n ye rám Levi tókír ne, e fə̀tí to si, e bòŋkír, e fə̀ə́r vibuushì vé *almon, e kòóm báŋ si, a sí távkír ne.

Esiker 7:10

«Rúrú, kishiíy kí sì. Ké ru kí, kí wìy ne. Kishiíy ké lòn kí mèʼ ne bèn. Nə̀ʼsì won kùy ne e ŋàŋ, kiŋkoʼòrwùn kén kí gháʼnín.

Kèʼlo 30:37

Jakov nèn lò kfə́, e tàʼ tám se vici ve á yii yuvì, ví wàa fər fərín fó mvəm, e nèn yùv e viliŋ viliŋ, sí wáa shòmkìr shòmkìn. Vicí vin vi‑iì dzə̀ vé *popar, *almon wùn à *plen.

Aysaya 55:11

Kù dzə̀ sá réŋréŋ mo jí se sí fəə́ fo mǒ shuù si dzəə̀n, a bó yòʼ dzə̀ sí lày kisáŋ. Sí kù yíi lìm kinyo ke m yòŋèn ji kí wáa dzə. Kinyo ke m suuyin ji kí wíy koóy ki kù dzə̀ kíwun ke kí wíy koóy.»

Esiker 12:25

Dzə̀ mo woo Nyùy Tàr. M yoŋ kinyo ke m yòŋèn, é m ku nèn yiì kíwun. Kàʼ wom yòʼ dzəə́ wìy a laatí. Ven ve á tsə́y kóy vèsən, kinyo kidzə̀m ke m yòŋèn e věn kitu ki kù wíy koóy e věn ghan. Suuy mo woo Nyùy Tàr woo Taà Ndzə.»

Esiker 12:28

Bìʼ bey, suúy aáwune jii, ke Nyùy Tàr woo Taà Ndzə suuy ki dzə̀ á jii, ‹Bó kinyo ke m yòŋèn kí yòʼ kfə̀n dzəə́ wìy ndzə̀y. Kinyo ke m yòŋèn kí kù kér fóo koóy.› Suuy mo woo Nyùy Tàr woo Taà Ndzə.»