Jeremia 1:10 - ŊWÀʼ NYÙY

¹⁰ Leéy, m lèm ne wò lán ji à wáa leéy woŋ wùn à vitúm vi, e lèm ji à shaʼar vitúm, e kètì fó, à ji à bvə́ʼə́y fó, e laàr, e kfə̀n bàʼrì fó, e tùúy.»

Jeremia 1:10 Referans Kwoze

Jeremia 31:28

Yì‑iì dzə̀ é ghan se sí‑iì shaàn, mò‑oò kìyrí áwune, e lò, e mèn fo fo, e kèr fó, e kfə̀n nə̀ə́, e tòn fó, e sə̀ʼsí, e màʼ ŋgeʼ ye tavín fó. Kù dzə̀ sá mo m wíy lì ghán lèn, e bàʼrì fó, e tuúy. Suuy mo woo Nyùy Tàr.

Esiker 36:36

Vitúm ve ví‑iì tosin rə́r, e bèr e věn ghaŋ vi wíy yen bèy, e kiíy ji bàʼrì a mo vifə̀m vén vé laʼ, lím á mo virə́ʼ vén ve ví‑iì shaàrìn ne. Mo woo Nyùy Tàr, m yòŋ ne, a m wíy yiì.»

Jeremia 24:6

M yíi a leéy áwune kijuŋ, e wìy lì áwune, e kfən sho e nsay fèn. M wíy baʼtí áwune, e làa yòʼ taʼár taʼarín. M wíy dzə̀ʼə̀r áwune, e làa yoʼ tsə̀ʼ.

Amos 9:11

Wíy lòo dzə e kishiíy fó, é m shám wír vém, e nàŋsín lav Davir ye yì‑iì gbuùn ne. M wíy siìr kinsàʼ ke lav kee shooy fo, siirì, é yì wáa dzə mo yì‑iì dzəə̀n fó mbìy,

Amos 3:7

Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Esiker 32:18

Wù‑uù yòŋ jii, «Wàn wìr msòŋ, á dìy màŋgòŋ woó Ejiv, a taŋ, a tsəəné, aá du áàŋkfəə́ wòŋ, é wùn à vitúm ve tavkín vímóʼ ví tátí wír ve á siìn fó.

Esiker 43:3

Mò‑oò yèn kinyo kìn e njà kinjeenjèm, e neèm kfə̀ə́kfəv, e tsə̀m sí e nsay, a kí‑iì dzə̀ réŋréŋ moo ke mò‑oò yenen é ghan se Nyùy‑iì wiy ji wun laar ŋkàlaʼ, e kfə̀n a dzə sa réŋréŋ moo ke mò‑oò yenen é ghaa ndzəv yee Kebar.

1 Afòn 19:17

A wìr yiì bàʼàr nyùy rə̀r Hasael, bo ye Jehu kù neer wun. Wìr kfən bàʼàr ye Jehu, bo ye Elisha kù‑úù neer ŋgaàŋ.

1 Afòn 17:1

*Ŋgaà ntum Nyùy woo Elija nèn lò wìy, e yèn Fòn Ahav. Elija‑aà dzə̀ wír woó Tishbe, a dzə̀ ntèʼ é Gilead. Wù suúy e Fòn Ahav jii, «Mo Nyùy Tàr woo Nyùy wìr veé Isray dzəə̀n shó, wun woo Nyùy wo m lo ntum sə́, bó wuú kìn ŋweʼe yòʼ wíy tum e nsay, a bó m suúy.»

Jeremia 1:5

«Mò‑oò kìíy ne wò, e bóo wìy a bom wò e yè wón bvə̀m. É bo á wìy a dzəə́ wò, a m lém ne wò ji wír woo jeéy. Mò‑oò shòʼ ne wò ji à wáa tiisí ntum yem vitúm vidzə̀m.»

Jeremia 25:13

Ŋgeʼ ye m yiysin e wír vìné kitu kù wíy nəə́ áwune e dzə̀m. Kinyo kidzə̀m ke á saŋen é ŋwàʼ fèn ke Jeremia‑aà tiisin kùm vitúm vìn vidzə̀m ki kù wíy koóy.

Jeremia 31:40

Kiwoóy ke á yii maʼày dzə́n sé wíri shó, kfə̀n sər sa kibvə́ sho, e lì súm seé bvə̀m gwan, e kèʼ fo Kiwoóy ké Kidron, e dù, e bàʼ e kor woó Shùu Kày Nyàm se Ŋkoʼ, e mbìv ye shùy yii tó fo foo, wíy a dzə kirə́ʼ kee jeéy kí kidzə̀m ji ké Nyùy Tàr. Bó á yòʼ kfə̀n dzəə́ wìy a tuŋ fó, aá yòʼ dzəə́ wìy bvəʼə́y.»

Jeremia 36:2

Wù‑uù sùúy shó jii, «Lì kiŋkur ke ŋwàʼ ki, e sàŋ vinyo vidzə̀m sho, ve m suuyin e wò kùm Isray wùn à Juda, à vitúm vidzə̀m vi, a dzə̀ ji vinyo ve m yòŋèn, e kèʼ fo ghan se Josia‑aà sáʼ vifon, e wìy shem lán.

Jeremia 44:27

Vèn yuúrí, e yù, m kù yíi a kiyrí ven a dzə̀ ji ŋgeʼ si nəə́ ven, é la vijuŋ vi yòʼ a dzə. Wír vee rám Juda adzə̀m ve á dzə́ e Ejivi kù wíy kpu. Á wíy kpu yé rər, e kpu yé jiŋ, é la wìr yòʼ bèr.

Jeremia 45:4

Ke Nyùy Tàr suuy e wò ki dzə̀ jii, ‹Leéy, e yèn, m sí saʼtì kitúm kìn ke mò‑oò bàʼrìn, e shoʼóy ke mò‑oò tuuyin fó.

Esiker 21:19

«Wàn wìr msòŋ, səə̀m dzə́ə sí sibaà se a dzə̀ fòn woó Babilon lòo fəə fo wùn wòŋ, a wù kér nyùy rə̀r, wù jùmrì yìmòʼ. Ku sìysì, é dzə́ə sin si lo fó wòŋ ji dzə́ə e mòʼón. À mee e mentàrnín, à lèm kisəəm fó.

Esiker 23:36

Nyùy Tàr nèn lò, e dzə̀r e mò jii, «Wàn wìr msòŋ, wò‑óò tar kinyo ke Ohola wùn Oholiba a? Á bèy, sánrí ri joonè wóví aáwune.

Hosea 6:5

Á kinyo ke mò‑oò tsə́nsi aŋgàa ntum vém ji á tsə́m ven e lámé, é jí se sí fəə́ fo mǒ shuù si fiʼ laàr ven. A lòn wo m baʼtin kùm vené lo, e fəəsín mo shùy tó, ndzə ràn.

Ŋgaà Tàrvìnyò 3:3

Ghán se á yúyri wír si dzə̀, a se á fer si dzə̀. Ghán se á saʼtì si dzə̀, a se á baʼrì si dzə̀.