Jeremia 1:1 - ŊWÀʼ NYÙY

¹ Ŋwàʼ və̀ne dzə̀ wó vinyò ve Jeremia, a wù‑uù dzə̀ é ŋgoo atàá cù ve vé‑eè dzə́ e ntèʼ yee Anatot, e nsay rám Benjamin, a yír tàr woví‑iì dzə̀ Hilkia.

Jeremia 1:1 Referans Kwoze

Jeremia 11:21

Nyùy Tàr nèn lò, e sùŋnín kùm wír veé Anatot ve á taʼ e yuyrí mo, suuy ji m wáa yen a fóo kfə̀n yiysí kinyo e yír Nyùy Tàr, a m mùm, bo áwune yúyri a mo e wóo.

2 Wòŋ 36:21

Á bèy, kinyo ke Nyùy Tàr‑iì yiìn ne yòŋ, e shaà fo ŋgaà ntum və woo Jeremia ki nèn ghèén. A kí dzə̀ jii, nsay wíy gòʼ kisáŋ, aá yòʼ lime kiyá msaàmbà, e fíʼ kfəmén, e koo kaá vibaamé ve ví‑iì gòʼòn là bám.

1 Wòŋ 6:60

E nsay rám Benjamin, vé‑eè fò áwune ŋkà se laʼ see Geba wùn à Alemet, à Anatot. Vé‑eè fó bèy, fó kwáʼ bvəy woo fó. Ŋkà se laʼ se vé‑eè jàvìn e rám Aarone mo kfə́ə sév sí dzə̀kìn, sí nén a dzə nshòv sitaár e ghvə̀m.

Amos 7:10

Á bèy, Amatsiya woo taà cù woó Betel nèn tsə̀nsí ntum e Jeroboam woo fon woó Isray jii, «Amos sí ghán a e Isray fèn, kár menàŋ e fòn bàm, a shuu vəə́ yíi səʼsí a kitúm.

Amos 1:1

Ŋwàʼ və̀ne dzə̀ kisúŋnìn ke Amos wo yì‑iì dzəə̀n wír fo wír veé Tekoa ve vé‑eè leey fo nyám sií. Wú súŋnin a dzə̀ kinyo kee kùm Isray ke Nyùy‑iì ghemen ndzə, e dìn e Amos. Wù‑uù yèn vinyo vìn, a Ussiya sáʼ mbìv wòŋ yee Juda, a Jeroboam woo wan Joash sáʼ yee Isray. Wù‑uù yèn, viyá vi shaà vibaà, é bo nsay lo, a sə̀ʼsì e wòŋ foo fèy.

Aysaya 1:1

Ŋwàʼ və̀ne naarì vinyo ve Nyùy‑iì ghemen ndzə, e dìn e Aysaya woo wan Amot, kùm wír veé Juda wùn à ŋkàlaʼ yee Jerusalem. Wù‑uù yèn vinyo vìn e ghan sí jeéy jeéy mo afone‑eè sáʼ e Juda, wùmòʼ e wùmǒʼ bàm. Wù‑uù yèn vímóʼ vee vinyo e ghan se Ussiya‑aà sáʼ vifon, e yèn vímóʼ ví é ghan se Jotam‑eè sáʼá, vímóʼ ví e Ahas ghan, vímóʼ ví e Hesekiya ghan.

Aysaya 2:1

Vinyo ve Nyùy‑iì ghemen ndzə, e dìn e Aysaya woo wan Amot kùm wír veé Juda, bo taaka veé ŋkàlaʼ yee Jerusalem vi vìne. Ví dzə̀ jii:

Matio 2:17

Á yúyrí wón vin bèy, kí nèn ghèén mo *ŋgaà ntum Nyùy woo Jeremia‑aà suuyin jii:

Matio 16:14

Á bìnèr jii, «Wír ámóʼó yoŋ ji à dzə̀ á ŋkfə Joon woo Ŋgaà Wáyndzəv, aámóʼó yoŋ ji ŋkfə Elija, ámóʼó jii, ŋkfə Jeremia, kìn ŋkfə *ŋgaà ntum Nyùy wùmòʼ.»

Matio 27:9

Kí koóy bey, kinyo ke Jeremia woo ŋgaà ntum Nyùy‑iì suuyin kí nèn ghèén. Wù‑uù sùúy jii, «Vé‑eè lì mbàm see mtaár, a dzə̀ mbàm se wír veé Israyi‑iì sìysìn ji káv wìr wùmòʼ,

1 Afòn 2:26

Fòn Solomon nèn sùúy e Abiyatar jii, «Lò a dù e wò kirə̀ʼ é Anatot. À kì kér fóo kpu, yii bèy, m yòʼ‑óò yúyrí wò lèn, bìʼ fo wò‑oò béʼ ŋkùv mensàŋ Nyùy Tàr woo Taà Ndzə, aà dzə̀ vèn tàr wor Davir. À kfə̀n‑eè yén sa ŋgeʼ se wù‑uù yéné.»

2 Wòŋ 35:25

Jeremia‑aà sàŋ yòvdìy wóo ghvəm Fòn Josia sho. Kèʼ fo ghan fóo fèy, e wìy shem lán, vé yòv vee vilum wùn à vee vikìy adzə̀me lóo yòv yòvdìy, á kù a taŋ Fòn Josia. Yòvdìy və̀n lò ne, e kfə̀n ji liì woó Isray, aá sàŋ ne e ŋwàʼ wo dzəə̀n Ŋwàʼ Yòvdìy.

2 Wòŋ 36:12

Wù‑uù yii vinyo ve ví wáa bir Nyùy Tàr woo Nyùy və. Wù yòʼ‑oò lo lì kitú kfə́ kitérí e Jeremia woo *ŋgaà ntum Nyùy si wo wù‑uù tiísi kinyo e wun, a dzə̀ ke wù‑uù yú fo Nyùy Tǎr shuù.

Esra 1:1

Yì‑iì dzə̀ é kiya ke vé‑eè koʼorin Sayrus ji fon woó Persia, Nyùy Tàr nèn yiì, kinyo ke wù‑uù yòŋèn, e shaà fo *ŋgaà ntum və woo Jeremia ki gheén. Nyùy Tàr‑iì kùm shilív shé Sayrus, wù fó sáʼ, yí ghánén woŋ və́ e dzə̀m, e kfə̀n sàŋ sá aŋwàʼ, á ghánén.

Aysaya 10:30

Ven vee wír veé Gallim, vèn búʼ shirəə́ shi. Wír veé Laisha, vèn yuúrí. Wír veé Anatot, á mendzən men a?

Jeremia 29:27

Yì‑iì yiì ka fo à yii sá e Jeremia woó Anatot bèy? Wù tiísi vinyo e vèn, bóʼti ji wun dzə̀ á *ŋgaà ntum Nyùy.

Daniel 9:2

wáa dzə a wù dzə́ə sáʼ ji kiyá ke mbìy ki, mo woo Daniel wáa yeʼéy Ŋwàʼ Nyùy, e yèn kinyo ke Nyùy Tàr‑iì yòŋèn e *ŋgaà ntum və woo Jeremia. Wù‑uù sàŋ jii, Jerusalem kù wíy a tiy e vifə̀m e bǎm kiya msaàmbà.

Esra 2:23

Veé Anatoti wáa dzə nshòv waamé e mbaà é wiì (128).

Jeremia 30:1

Kinyo ke Nyùy Tàr‑iì suuyin e Jeremia ki kìne.

Jeremia 37:12

Jeremia nèn a fəə fo ŋkàlaʼ ji wun du e nsay Benjamin, e dù, e sə rə́ yee kéŋ aàfə́r vəə́ mvəm.