Jeem 5:8 - ŊWÀʼ NYÙY

⁸ Kù dzə̀ sá mo vèn ghár shilív, a dzə ji nyaáŋ, a shìy, a kiíy jii, kishiíy ke Taàtá wòsən Jesus wíy a wìy ki sì á fo mentsə̀m.

Jeem 5:8 Referans Kwoze

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Galatia 5:22

Á bèy, a vinyo ve Kiyoy ke Ranén kí bánri wíri, aá yii vi dzə̀ jii, á koŋ Nyùy, kfə̀n koŋnìnè, kér kishéʼrì aáwuné meliv, dzə́ dzəʼə̀m yee nyaáŋ, kér wir dzə̀m ji weè, shám wíri, yii a dzə̀ kinyo ke dzəə̀n ke ru kí, lóo suúy kinyo, á wàa yiì a dzə̀ kíwun.

Nsùyrì Nyùy 37:7

Dzə̀ʼə̀m ji nyaáŋ e Nyùy Tǎr si, a yuurí a dzə̀ wun. Lá à yòʼ a yu ntéŋ bìʼ wír wo vinyo və́ ví du kijuŋ, wír wo wù rə́si bá menàŋ, a vinyo və́ ví gháné.

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

Filipi 4:5

Vèn wáa yiì yíi a dzə̀ ye wìr dzə̀m wáa yen ji vèn kér wíri ji weè, a kuumé ji ghán se Tàr wòsən Kristu wíy a wìy si sí méʼ a fo mentsə̀m.

Nsùyrì Nyùy 27:14

Éè wan ŋkfə wìr, ku tìír rì vifií ví a dzə̀ e Nyùy Tǎr wùn. Tiím kitávín, e kùr shilív shí. Eènó, ku tìír vifií ví a dzə̀ e Nyùy Tǎr wùn.

Ŋgaà Yen 22:20

Wìr wo wù ghemrin vinyo vìn vidzə̀m nén a ratí jii, «Á wáa kiíy rú jii, m kù sí lo, e bvəy lèn lèn.» M nén a binsí jii, «Amen, Tàr wor Jesus, ku wìy wìyìn.»

1 Tesalonika 3:13

Vèn lóo yiì bèy, é wù nèn a tavír melív men, é vèn wìy a dzə wír Nyùy ŋkuuŋkùŋ. Wíy lóo dzə e ghan se wun woo Taàtá wòsən Jesus wíy a wìy wùn à wír vəə́ adzə̀m, é vèn nèn a tiy sa e Nyùy woo Tàr wòsə́n si, là nsem.

Mayka 7:7

Yii bèy, fo kém kí, m kù yíi a beè a dzə̀ Nyùy, a shìy a dzə̀ wun wo wù luŋèr mo. Wun woo Nyùy wo m suyrì kù yíi yu tóŋ yém.

2 Tesalonika 3:5

Vèr nen kfə̀n a lon jii, wun woo Tàr wòsən kú a dànèr a melív men, é vèn wáa kòŋ Nyùy, a yu a dzə̀ fó fo mo wúnwun woo Kristu‑uù yú.

Ŋwàʼ woó Rom 8:25

Yii bèy, mo vèsən kù shiy kifá, a bó á yóʼ ne yèn, vèsən ku nèn a yu a dzə̀ fo ŋgaà kàʼ, a leéy fó mbìy, a shìy, là dór.

Nsùyrì Nyùy 130:5

M shiy Nyùy Tàr é shií, yuúri wun, tiir vifií a dzə̀ e wun jì.

1 Tesalonika 1:10

Á kfə́n a fèr sa mo vèn leey fó mbìy, shiy Wán və woo Jesus wo wù‑uù fəərin fó kpu, é wù wiy fó yuv, e tìn vèsən fó ŋgeʼ ye yì wiyì.

Habakuk 2:3

Ghán se ntum rə̀n yíi fəəsín si yóʼ ne ghèén. Yii bèy, yì kù sí nyoorì ji yì fəə́sín, a bó yòʼ dzə̀ yì shaà fó ghaŋ. A yì fə̀m ndzəyì, à kù a shìy, bo yì kù‑úù fəə́sín, yì yòʼ‑óò ndzəy.

Kèʼlo 49:18

«Éè Nyùy Tàr, m leey a dzə̀ wò. Kù luŋèr wò wír vé.

Esiker 7:12

Ghán sí wìy ne, kishiíy ké ŋgeʼ ki sì fó mentsə̀m. Lá ŋgaà yun yòʼ a sheʼrí. Lá ŋgaà fiìnè yòʼ a dìy, bìʼ fo ŋgeʼ se m lo, e màʼ si yíi gbù e wìr dzə̀m kitu réŋréŋ.

Ŋwàʼ Luk 21:19

Vèn wáa tiy rì kitávín, e wìy nəə́ e dzə̀ʼə̀m yee là may.

Joon 21:22

Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Jeem 5:3

Nyàŋ bìvír ne mbàm sén sidzə̀m, a wù din réŋréŋ mo wún wóné wíy rèŋ mo wú shwì a dzə̀ é və̀y. Ven ve vèn rə́si báʼti bùʼ, e làa yòʼ a kuumé ji ndzə wíy mày, yì sí may lèn.