Jeem 5:7 - ŊWÀʼ NYÙY

⁷ Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.

Jeem 5:7 Referans Kwoze

Joel 2:23

Éè wìr veé Sion, vèn wáa sheʼrí. Vèn wáa yu vijuŋ ve vinyò ve Nyùy Tàr woo Nyùy won yiìn e vèn ví. Wù yiì ne, wuú mbìyi gbú, e fíʼ dìn ji wun yù ne tóŋ yén. Wù sə̀ʼə́r ne wuú mbìyi, e sə̀ʼə́r yé bàmé, yí ku lò ben e mbòŋén, kù mo yí‑iì rə́si ló.

Galatia 6:9

Lá vèsən yòʼ a dor fó a yiì vinyo ve ru ví, bìʼ fo, a vèsən yii bèy, e làa yòʼ a weèy, bo ghán sí wíy gheén, é vèsən wáa ker dzəʼə̀m yee là may rə̀n.

Remrí 11:14

A vèn yiì bèy, bo wù wíy a tsənsí wuú é ghan se yí dzəə̀n ji yí wáa dzə, yé mbìyi, à yé bàmé, é vèn fíʼ a ker vifá ve yi, a ker meluʼ, a ker meŋgvə́r.

Kolosia 1:11

Vèr kfə́n a lon jii, Nyùy wo vitaáví vidzə̀m vi dzəə̀n və́ kú a tavír ven, é vèn wáa shaà e mvə̀m ŋgeʼ sidzə̀m, a lì vinyo vidzə̀m ji weè, a sheʼrí,

Hibru 6:15

Abraham yú bey, e nèn wày vifií é ŋkàʼmé fèy, a leéy fó mbìy ji nyaáŋ, e nèn wìy lò, e kòóy ŋkàʼmé woo shooy.

Ŋwàʼ woó Rom 2:7

Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.

Galatia 5:5

Késən vee wír Kristu ki dzə̀ jii, vèsən wáy shilív a dzə̀ e Kristu wùn, a yu a dzə̀ fo Kiyoy ke Nyùy ki, é kí wáa yiì, é vèsən wáa leéy fó mbìy, a kiíy ji Nyùy kù wíy lì vèsən ji wír vee là jay.

Jeremia 5:24

Áwune yòʼ lo, á yòŋ e vitú vév ví jii, ‹Vèsən wáa fàn Nyùy Tàr woo Nyùy wòsən. Nyùy, wo wù fó wuú é ghan see shó, fó yé kiŋgway, fó yé vishevtì. Wun wo wù yii, aá káv vifá e ghan see shó.›

1 Tesalonika 2:19

A vèr kér shií fo vèn ben, bìʼ fo dzəə̀n ven ve dzəə̀n viwìr vér, e kfə̀n a dzə kishéʼrì kér. Kí búŋ fó bey, bo Tàr wòsən Jesus wíy wìy, vèsən lóo tiy e wùn si, é vèr wáa kàn a dzə̀ ala, é vèr wáa sheʼrí a dzə̀ bìʼ ala, é vèr wáa binsí nsiì a dzə̀ bìʼ ala? Kù wíy a dzə bìʼ ven vin ve vèr kooyin ji wír və́.

Matio 24:44

Kí nén a dzə jii, mo ŋgaà wo yírí dzəə̀n ji Wanwìr wíy sàsìn, e bvəy, a bó vèn yòʼ kì, vèn wáa dzə rì, a shìy ghán sidzə̀m.»

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

1 Tesalonika 3:13

Vèn lóo yiì bèy, é wù nèn a tavír melív men, é vèn wìy a dzə wír Nyùy ŋkuuŋkùŋ. Wíy lóo dzə e ghan se wun woo Taàtá wòsən Jesus wíy a wìy wùn à wír vəə́ adzə̀m, é vèn nèn a tiy sa e Nyùy woo Tàr wòsə́n si, là nsem.

Matio 24:27

Vèn wáa kiíy jii, ŋgaà wo yírí dzəə̀n Wanwìr wíy lòo kfən, aá kú a yen réŋréŋ moo kishèv ke kí yii ŋwaŋ fo buu ndzə wúmóʼó, kí tòʼnín yúv, e dù e buu wúmóʼó.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

Sekariya 10:1

Vèn lón wuú fo Nyùy Tàr, a lon ye yí náŋsin vifá ve ví siìn é sum. Dzə̀ wun wo wù yii fəər mbàʼ se wuu. Dzə̀ wun wo wù fó wíri wuú, yii, a vifá ve wìr dzə̀m vi teʼ e kwaʼ.

2 Pita 3:4

Aá wíy a kèŋ ven kéŋen, a dzər jii, Kristu‑uù kàʼ ji wun wíy kfən, wù bèé lèn? Mo wù‑uù kàʼàn bey, atàr vesəné sìíy ne, e kpùkír, a vinyo vidzə̀m vi kù tíy e ŋkfə́né, a bó kímóʼ kí yoʼ kùvsín, e kèʼ mo vé‑eè bomen ndzə.

1 Tesalonika 1:3

A vèr kuúme a dzə̀ mo vèn yii. Vèn wày shilív e Nyùy wùn, a lìm fo wun, e kfə̀n suùsín, a kòŋ wun, e nèn a lìm, a shaàsìn. A vèn kfə̀n leey sa fó mbìy, shiy ji Tàr wòsən Jesus Kristu wàá wiy, nèn tíy kitávín, la kinyo kímóʼ kí yòʼ dzə́ə a sə̀ʼ ven gheéy.

1 Korin 1:7

Vèn nén a dzə lèn, e kù a shìy a dzə̀ ghán se Tàr wòsən Jesus Kristu və̀n wíy kfən, é vèn yén sí rə́, a bó vèn yòʼ dzəə́ búŋ fómo Nyùy wùmòʼ gheéy.

Ŋwàʼ Luk 21:27

aá nèn yèn, a ŋgaà wo yírí dzəə̀n *Wanwìr bvə́y é mvə̀m mbàʼ, a wù sí kér vitaáví wùn à vikuʼùy ve ghaʼán ví.

Ŋwàʼ Luk 18:8

Vèn wáa kiíy jii, Nyùy kù yíi bìn nsaʼ yev, e sə áwune, a bó yòʼ dzə̀ wù wàa ghvəə. Yii bèy, ŋgaà wo yírí dzəə̀n Wanwìr kù yòʼ wíy lòo kfən, é wù yén wír ve á wáy shilív e wun woo Nyùy wùn á?»

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Matio 16:27

«Vèn wáa kiíy jii, ŋgaà wo yírí dzəə̀n ji Wanwìr wíy lòo kfən wùn à nshèelav sə́ sí, a wù sí wiy a dzə̀ é mvə̀m vikùʼùy ve dzəə̀n vé Tàr wov Nyùy, é wù wáa laamé wir dzə̀m mo wù‑uù yiìn.

Matio 16:28

A m suuy e vèn rú jii, wír ámóʼó tíy fèn lèn, a bó á yòʼ wíy kpukír, a bó á yén, a ŋgaà wo yírí dzəə̀n Wanwìr və̀n sí wiy ji wun wáa saʼ vifon və́.»

Joon 21:22

Jesus bìnèr sho jii, «A m fə̀m kì taʼ ji wù wìy shaàrì, e mèé e ghan se m wíy kfən, bo bó yòʼ dzə̀ nsaʼ yè. Kú a jùmrì ké ki a dzə̀ mò.»

Joon 21:23

Mo Jesus suuyin bey, léŋe nèn kèʼ, a ghanén e wír vəə́ mvəm ji bó və̀n woo wan lìm yòʼ waà dzəə́ wìy kpu. A bó yòʼ dzə̀ kinyo ke Jesus‑eè suuyin. Wù‑uù sùúy jii, a wun kì taʼ ji wìr və̀n shaari, e mèé e ghan se wun wíy kfən, bo bó yòʼ dzə̀ á nsaʼ Pita.

Jeem 4:11

Afə̀r vem, lá wìr yòʼ a ghvə̀vrì fə́r və. Wìr wo wù ghvəvrì fə́r və, kìn wù say sàyìn, ŋgaàŋ ghvəvrì a dzə̀ nsər Nyùy, say wun woo Ŋgaà Nsər. A wìr yèn ji dzə̀ wun wàa sayrí nsər se Nyùy, bo bó wù yòʼ dzəə́ yén nsər ji kifá ke dzə̀ wun wàa yu fo fo. Wù wày ne kfə́ ji wun kú a sayrí sayrín.

Jeem 5:3

Nyàŋ bìvír ne mbàm sén sidzə̀m, a wù din réŋréŋ mo wún wóné wíy rèŋ mo wú shwì a dzə̀ é və̀y. Ven ve vèn rə́si báʼti bùʼ, e làa yòʼ a kuumé ji ndzə wíy mày, yì sí may lèn.

Jeem 5:10

Afə̀r vem, vèn ku lì kisəəm kí a dzə̀ fo wír ve vé‑eè tiísi ntum Nyùy fo ŋgùʼú. Áwune‑eè yén ŋgeʼ sinín, kù dzə́ ji nyaáŋ.