Jeem 5:6 - ŊWÀʼ NYÙY

⁶ Vèn‑eè lo, á gòvtì wír là jay, e kù tìnén nsaʼ ji á yúyrí, a bó yòʼ dzə̀ wù wàa ker shuu wo dzə̀ wù bìnèr kinyo sho.

Jeem 5:6 Referans Kwoze

Jeem 4:2

Mo vèn siíme vifá, ví lóo buŋ, vèn nèn a yen ji bo á kì yùyrí wír, e fíʼ koóy. Vèn shií vifá, e làa yòʼ koóy, á nèn kèʼ, a taŋnín, a taŋ rə́r. A kinyo ke kí yii, la vèn yòʼ a koóy ki dzə̀ bìʼ fo vèn yòʼ lón a dzə̀ fo Nyùy.

Lim Aŋgàa Ntum 8:32

A kinyo ke wù‑uù yoŋ fo ŋwàʼ fèy ki dzə̀ jii: «Wù‑uù dzə̀ moo njiì wo á li, e dù, e see. Kfə̀n a dzə moo wan njiì wo á lóo kom wuy, la wù yòʼ a toŋ. Kù dzə̀ mo wù yòʼ‑oò ló a ghay sa kinyo.

Matio 5:39

Yii bèy, m nén a dùŋrì kém e vèn jii, lá vèn yòʼ a siìr a ŋkfə́tír. A wìr dzə̀v búbuʼ yè yeé koy yìyí, à bìnèr yeé koy ŋkoòvìi, é wù maysi.

Aysaya 53:7

Vé‑eè nyavrì e wun, wáy vileémé e wun wùn, a bó wù yòʼ‑oò ló a ghay kinyo. Wù‑uù dzə̀ moo wan njiì wo á li ji á du, e see, e kfə̀n a dzə moo njiì wo á lóo kom wuy, la wù yòʼ a toŋ. Kù dzə̀ mo wù yòʼ‑oò ló a ghay sa kinyo.

Hibru 10:38

Wír vém vee réŋé kù wíy a way shilív a dzə̀ e mǒ wùn, e wìy lùŋ. A bó yòʼ dzə̀ shilív shém shí wàa bòŋ fo wìr wo wù tsəʼtì wún é bàm.»

Lim Aŋgàa Ntum 22:14

Wù suúy e mò jii, ‹Nyùy atǎr ram yesən shòʼ ne wò ji à kiíy kinyo ke wun woo Nyùy sìysìn ji wun wíy yiì. Wù nen yiì, à yén Ŋgaà və Lìm woo rú e sí yée, e kfə̀n yù, a wù súŋnin fo wùn shuù.

Jeem 2:6

Vèn ló kén, e nèn a shoór wír woo ben shoórín ji ŋgaà kitàn. Mo vèn sí yén kén a dzə̀ aŋgàa mbàm, wír ve á rə́si táy ven, li, ghán sho e virə̀ʼ vé nsaʼa dzə̀ ala? Bó yòʼ dzə̀ vé mbàme a?

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Matio 27:20

Mo Payler dzərin bey, vitú ve atàá cù wùn à vé wòŋe nèn a bayír màŋgòŋ və̀y jii, á wáa lon a ji wù fəə́r a dzə̀ Barabar, e yùy Jesus.

Matio 21:38

Wír vìyi yén, a sí wiy wan ŋgaà sùm lèn, e nèn sùŋnín jii, ‹Və̀sə dzə̀ njìlaʼ ŋgaà sùm, vèsən yúyrí, e yòv súm.›

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

1 Pita 4:18

Kí wíy a dzə mo vé‑eè saŋen jii: «A wír ve á yúnin Nyùyi wíy bòy ji cóʼ, bo ké wìr ve á méŋ wun, yii a dzə̀ vinyo ve bi ví, kí wíy a dzə e le?»