Jeem 5:5 - ŊWÀʼ NYÙY

⁵ Vèn‑eè sí nyavnìn, yí vitú vén é ndzə fèn. Vèn yìkír ne, e fàŋkìr, a sənín vinsòŋ ve nyàm ve ví koʼon ne, e ghèén, aá kù sí seé lèn lèn.

Jeem 5:5 Referans Kwoze

1 Timoti 5:6

Yii bèy, a wiíy ŋkfə lò, a ghan kfə́ ghanén, a yi woŋ, bo dzə̀ ji mo wù fə̀m ŋeʼè, wù kù kpù ne a fo Nyùy mbìv.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Ŋwàʼ Luk 16:19

Jesus kfə́n a fèr jii, «Ŋgaà kav wùmòʼ‑oò dzə̀, a wù wáyri wún é ŋàŋ, rə́si vishiíy vidzə̀m, yí a dzə̀ kitú kfə́.

Amos 6:1

Lòné dzə̀ wó wìr veé Sion, áwune ve á yén ji vinyo vév ví ghán e mboʼ. Lòné dzə̀ wó wìr ve á dzə́ e Gwan Samaria, áwune ve á yén ji á dzə̀ akiŋsìn, atǎr saʼ veé kitum ke mbìy ki féyì feyì, áwune ve wír veé Israyi yoy, tiir a dzə̀ aáwuné wùn.

Jeremia 12:3

Éè Nyùy Tàr, à kì mo kijuŋ. À yén mo, aà kfə̀n kì kwaʼtì yém yee kùm wò. Tsəə́né áwune moo njiì wo á du, e see. Tsəə́ne, à lèm jeéy, e meé e kishiíy ké seerí.

Ŋgaà Yen 18:7

Mo wù‑uù kóʼnin, yí kitú kfə́, á kù yíi sə̀r sa wun réŋréŋ bey, é wù wáa ŋeèy, a ser e kibvə̀r. Wù‑uù sévti jii, ‹M yéʼ e kàvàʼ, a sáʼ mo woŋ. M yòʼ dzə̀ wiíy ŋkfə. M yòʼ wíy a ser e vifù é ghan símóʼ sí ji m diy kpú lum.›

Jeremia 25:34

Nyùy Tàr suuy jii: «Ven vee anshìy wìr vém, vèn wáa toŋ, a dìy. Ven ve á sáʼ wír vém, vèn wáa dzəŋrí e kibvə̀r. Ghán se á yíi seerí ven sí ghèén ne. Vèn sí yìi gbù, e bvəʼkír moo kíŋ mbóm ye tayíné.

Aysaya 22:13

Á bèy, a vèn kù sev kén sévin, yí ŋkàʼ sí, seéri nyám si, seéri anjiì, yí vitú, nóninè, sév jii, á kú a yi yiín, a no noón, bìʼ fo a tàm kibvəə́shí, á kpùkír.

1 Samuel 25:36

Abigail kfə́n fó laʼ, e yèn Nabal, a wù kér ŋkàʼ wo yii kér afon, a wù nó ne feyì, wúné wáa bòŋ wun bóŋen, la Abigail yòʼ dzəə sùúy kinyo sho, e dù meé mo ndzə‑əə̀ ranen.

Ŋwàʼ Jud 1:12

Wír vìne kù dzə̀ ve vèn áwune yínin kikóŋ ji á koŋnìn bìʼ Jesus, aá shoor kintatì kén shoórín, bìʼ fo á wiy bèy cáʼ ji á wáa no, a yi, a dìy a dzə̀ shuu wóv. Áwune dzə̀ moo wuú ye yí kóʼkir, shwéri jùm, e kfə̀n a dzə moo vicí ve á sòŋèn fó nsay, ví yóvrí, e yùm, bìʼ fo bó yòʼ dzə̀ ví kòóm.

2 Pita 2:13

Nyùy wíy màʼ ŋgeʼ aáwuné kitu réŋréŋ sá mo áwune bóʼti wíri, danèr, wáy e lòn. Áwune yéʼey kév wíri jii, a dzə̀ wìr kù a yiì a mo mensə́ mvə mè limè, e fíʼ a yu vijuŋ. Á ku nèn a yiì joonè vən, à e shùy sho. Wír vìne shoor kintatì kén féyì. Vèn áwune lo, á tàtí, a yikír, áwune bin fo bàm, á wàa bùʼtì vinyo ve mensə́ mev mè kér shií shó vidzə̀m.

2 Timoti 3:4

Á wíy a kar menàŋ, a yiì mo áwune koó, a kwàʼ vifií kwáʼan. Á wíy a kòŋ fó a yi a dzə̀ vitú vév, a bó yòʼ dzə̀ á wàa kòŋ Nyùy gheéy.

Ŋwàʼ woó Rom 13:13

Vèsən wáa ker liì a dzə̀ wo wìr veé ndzə ye ranén. Lá vèn yòʼ a ghan, a no a dzə̀ meluʼ, a yi vitú. Lá vèn yòʼ a jàŋ kinjàŋ, a yiì joonè woo bey. Lá vèn yòʼ a nyàmnìn. Lá wìr yòʼ a ghèʼ sa wír.

Esiker 39:17

«Fo ké ki, wàn wìr msòŋ, ke suuy mo woo Nyùy Tàr woo Taà Ndzə ki dzə̀ jii, jàŋ menə́n mè kfəə́ e dzə̀m, e jàŋ nyám seé kwaʼ si sidzə̀m. Yòŋ ji áwune wàá bánén, e wìy, e kaàrí, a yi a kiŋkàʼ ke m báʼti bìʼ áwune. Kù dzə̀ á ké cù, a dzə̀ ke wiy kí, a kí dzə̀ áàgwan veé Isray, aá yíi kfər nyám, e no mensə́.

Aysaya 56:12

Wìr lo, wù kù a suúy e wùmòʼ jii, «Vèn wáa wìy, é vèsən du, e m taʼ meluʼ, aá nó. Vèsən ku nò meluʼ me tavkín mè, e tònén, é buù kpú. Vèsən nónín, é kibvəə́shí kí bvəə́shí, a dzə kijuŋ feyì moo kishiíy ké lán ki.»

Aysaya 47:8

«Ké lèn ki, ku yuùrí kinyo ke m suuy ki. Wò və̀n, wo à kù taʼ ké ji bo à kì néŋ, yí a dzə̀ kitú, kwaʼtì ji bó yòʼ dzə̀ féyì, á wìy tòn wò. À kù dzəv a dzə̀ nsaŋ ji kù jòʼsì wò ji kitúm ke tavín kí, a bó kitúm ke a dzə̀ kí dzə̀v kiwó ké ki yòʼ dzə̀. À sév ji bó yòʼ dzə̀ kí kòóy ji à wáa dzə wiiy ŋkfə, kìn ji wiíy wo wóné kpukin ne, e mày.

Aysaya 3:16

Nyùy Tàr suuy jii, «Vikìy veé Jerusaleme kóʼor wún é ŋàŋ. Á kù ghán e kilòŋ kí yuv, kív sí, e bó a leéy wír sho, shóʼ kiwuú, tiir e kímóʼ kí kitu, kù ji lùmèn yén, ghán, a visháráŋ vé sùsù ve á səŋrin é wuù ví sháʼá.

Ŋgaà Tàrvìnyò 11:9

Wánlè nsùm, yuúrí. Á yu vijuŋ vé vi lèn wo à dzəə́ yii vinsùm. Mo à yii vinsùm, kú a sàvnìn kishiíy kidzə̀m. Á yiì kinyo ke à kwàʼtìn kí, a yiì ke shilív shé shi báŋri ki. Yii bèy, kú a kiíy ji Nyùy kù wíy tiír wò e kibàʼ ke nsaʼ fo vinyò vidzə̀m ve à yiìn.

Ŋgàn 17:1

Bòŋ a yi kimbéʼ ke kiban e lav nyaáŋ, e shaà ŋkàʼ wó a yi e lav kinyàm.

Ŋgàn 7:14

«M yiì ne cu kikòŋnìn lán, e kòóy nyám. M nàá ne, e bàʼtí ŋkàʼ shó fo laʼ.

Nsùyrì Nyùy 17:14

Éè Nyùy Tàr, nàn kóy wóo, e bòyìr mo fo wír vìne. Ku laàr áwune fó nsay fèn. Sə́ʼsí kilíŋ kév kí, aá lay fó wòŋ. Ké wìr ve à koŋè, à yíi rəə̀r jíŋ yev, é wón véví kú a ker ké a yi, é kí wáa jàmtìn, aá koóy keé lèm sa e wón véví.

1 Samuel 25:6

Vèn suúy shó ji mo woo Davir shaʼtì a wun ji Nyùy səəvi á wùn à kfə́ə rəə́, à kifá kfə́ kí kidzə̀m.

Nsùyrì Nyùy 73:7

Kù fəə́ kinyo ke bi kí fo áwuné meliv. Yii ye bií sə̀ ne melív mev medzə̀m.

Esiker 16:49

Ké jèmèr yè yee Sodom, njò rə‑əə̀ dzə̀ jii, ‹Wùn à wón və́ vee vikìyí‑iì yú wún é ŋàŋ, tsəətìn e vifá ve yi vi, yí vitú yiín, e làa yòʼ a sham ŋgaà kitàn feyì, e bóo yiì a gwàrìr ké ghéʼncey.