Jeem 5:4 - ŊWÀʼ NYÙY

⁴ Vèn‑eè rə́si bóʼ aŋgaà vén lìm. Á ghitìr, káv vifá vén fó sum, vèn kfə̀n yì vilaʼày vév. Vèn yuúrí ri mo á tóŋ fo kwaʼ. Aá tòŋ ne, Nyùy Tàr woo Taà Mànjòŋ yú.

Jeem 5:4 Referans Kwoze

Cù 19:13

«Lá wìr yòʼ kùvrì wùmòʼ. Lá wù yòʼ faàsì kifá ke wìr. Wìr lim kilàʼ, ŋgaà làʼ kù làʼ ŋgaà lìm e si kishiíy, e làa yòʼ màʼtì é yì sə́n.

Jeremia 22:13

Lòné dzə̀ wó wìr woo shó, ŋgaàŋ, a wù baʼrì ntoʼ rə e kimboʼtì ki, navtì wón lav vee fó yuv e mbóʼmé. Wù lo, wù lì afə́r və́, á lìm lim rə́ kisáŋ. Wù lo, wù tèn fó làʼ áwune.

Ŋwàʼ woó Rom 9:29

A kfə̀n dzə̀ mo wun woo Aysaya‑aà suuyin fómóʼó jii, «A là fo Nyùy Tàr woo Taà Mànjòŋ wáa ber wír ámóʼó fo věr ram, bo vèr‑iì lày ne moo wír veé Sodom wùn Gomorra.»

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Ŋwàʼ Fəə 22:27

bìʼ fo dzəə̀n màyshó və kifa ke a dzə̀ wù kfə̀vsí. Wù siì yíi kfəvsí ka, e bóo ker ŋgay mbuùné? A wù tòŋ e mò, bo m yíi yu tóŋ rə́, bìʼ fo m dzəə̀n ŋgaà shammèndzə̀n.

Ŋwàʼ Luk 18:7

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à?

Nsùyrì Nyùy 9:12

Wun wo wù yii siir ŋkfə́tír yíi siìr e wír ve á nyavrì e wír vəə́, a bó wù yòʼ ŋwáy tóŋ wìr ve á nəʼsì áwune.

Ŋwàʼ Jov 34:28

Áwune‑eè táy aghéʼncey, aá tóŋé, a Nyùy yú tóŋ yév, bìʼ fo wù kù yii yú tóŋ wìr ve á yén ŋgeʼ.

Ŋwàʼ Fəə 3:9

Dzə̀ a m yú rú tóŋ wìr veé Isray, e kfə̀n yèn dzə́ə ye wír veé Ejivi táy áwune shó.

Kèʼlo 4:10

Nyùy Tàr nèn kfə̀n dzə̀r shó jii, «À mùm kin a dzə̀ ka? Mensə́ me fər wò mè tóŋ fo nsay, kan mo ji m siir ŋkfə́tír.

Kolosia 4:1

Ven ve vèn kér akwàn, vèn wáa ker akwàn vén é dzəə yee réŋ, a leéy fo fo kijuŋ, a kuumé ji vèn kér wóon woo Tàr, a wù dzə̀ a dzə̀ é yuv, yén vinyo ve vèn yii vidzə̀m.

Habakuk 2:11

Fə̀m tíy yeé wǔn lav, yí kù tóŋ, táŋ a dzə̀ ven, a vitu ve lav vi fó binèr bìʼ vinyo ve vèn buʼtì.

Aysaya 5:7

Rúrú, súm vitiír və́ne dzə̀ ji kitúm kee Isray, kitúm ke Nyùy Tàr woo Taà Mànjòŋ. Wír veé Judàa wáa dzə vitiír ve wù shavin, a geʼsín sho, a leéy ji á wáa dzə, a yiì vinyo vee tìítiy, yii bèy, ku fəə̀ kinjuyrì. Wù leey ji á wáa yiì vinyo vee réŋ ví, yii bèy, ku kòʼ tóŋ sə́moó, bìʼ táy ye á táy wíri.

Aysaya 1:9

A là fo Nyùy Tàr woo Taà Mànjòŋ wáa ber wír ámóʼó fo vèsə́n ram, bo vé‑eè laàr ne vèsən moo wír veé Sodom, e sə̀ʼsí vèsən moo wír veé Gomorra.

Remrí 15:9

Vèn wáa yen fó a kuʼ vinyo ve kisaŋ vi e věn meliv, e ten fó foòr wír kifá ji kiyá ke ntiinè kaa ki sí méʼ a fo mentsə̀m, a bó yòʼ dzə̀ wìr kfə̀n sə̀ mbàm e bàm. Lá vèn yòʼ màʼtì, é kwaʼtì kisaŋ yee béyi nəə́ e věn meliv. A vèn tèn fó foòr, wù yiì tòŋ, e kàn Nyùy Tàr bìʼ ven, bo vèn lì ne njò, a Nyùy Tàr yíi saʼ ven fó njò fóo fèy.

Aysaya 5:9

M yù ne, a Nyùy Tàr woo Taà Mànjòŋ suuy kiránén, liʼ jii, «Rúrú, lav se vé kifàʼa kùvrìn sin si yíi kfən e vifə̀m, é lav se á bomen sikuʼkìn, a sí kiʼ sijuŋ si kú a tiynín kisáŋ kisáŋ.

Matio 9:37

Wù nèn lò, e sùúy e wón və́ lìme jii, «Vifá ve á wáa kav fo kwaʼ vi kùʼ e ŋàŋ, a vé kavi dórninè.

Ŋwàʼ Jov 7:2

Wù dzə̀ moo kwàn wo wú diy ji wun ku meèmè fo kindzə̀ə́ndzəm, a dzə moo wír wo á tsəərin é shùu lìm, wù wáa shii vilaʼày və́.