Jeem 5:3 - ŊWÀʼ NYÙY

³ Nyàŋ bìvír ne mbàm sén sidzə̀m, a wù din réŋréŋ mo wún wóné wíy rèŋ mo wú shwì a dzə̀ é və̀y. Ven ve vèn rə́si báʼti bùʼ, e làa yòʼ a kuumé ji ndzə wíy mày, yì sí may lèn.

Jeem 5:3 Referans Kwoze

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Aysaya 2:2

Wíy lòo dzə e ghan se sí wiyì, é gwan wo lav cù Nyùy Tàr tíy sho, wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a vitúm vidzə̀m vi wíy a mèʼèm, a wìy fo.

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

2 Timoti 2:17

Vinyo ve wír vee shooyi yéʼey vi dzə̀ moo kiváv ke kí səə kirə́ʼ ké wìr, nəə nə̀ə́n. A Himenayur wùn Filetur dzə̀ ámóʼó fo wír ve m suuy vìne.

Mayka 4:1

Wíy lòo dzə e ghan sé bàm sí, é gwan wo lav cù Nyùy Tàr tíy sho wáa dzə gwan wo wù shaàn agwan adzə̀m. Wù wíy a tiy e yuv, a shaà virùmèn vidzə̀m, a màŋgòŋ wíy a mèʼèm, a wìy fo.

Mayka 3:3

Vèn kfə̀n ne ji akoosàʼ, a kfər wír vém. Vèn béʼti vighvə́r vév, shamè. Vèn tínri áwune, kù moo nyám ye á sí naa e ntòn.

Jeremia 19:9

M wíy yiì, áàŋgàa vibàn véví gim ŋkàlaʼ yev. Wír ve á taʼ e laàr áwune víne wíy sətí fen sə́tín, é ŋgeʼ ye tavín nəə́. A yì wíy nəə́ e dzəə ye biibí, ye áwune wáa kfər wón vév, e kfə̀n a kfər sa afə́r vév kfərín.»

Ŋwàʼ Jov 16:8

Nyùy tsə̀m ne mo e ŋgeʼ, a wíri sí yén ji lòné koò á kiwuú kém. M yùm ne moo shiŋkúnŋkun, aá kù yén ji lòné dzə̀ á woo mǒ kibàm.

Joshua 24:27

Wù tuúy, e sùúy e wíri jii, «Vèn yén, tíy rə́ne yíi a dzə njen wòsən, bìʼ fo yí yuun ne jí se Nyùy Tàr yòŋèn e vèsən sidzə̀m. Yí kù yíi a dzə njen won, fo vèn lo, a shwèy Nyùy won, a meŋ wun.»

Kèʼlo 49:1

Jakov jàŋ wón və́ vee vilum, e sùúy jii, «Vèn báʼtí adzə̀m, é m suúy ven kinyo ke kí wíy koóy ven é ghan se sí wíy a wìy.

Kèʼlo 31:52

Kikfə́r ke tiy kin wùn à tíy ye á tuuyin rə́ne dzə̀ ji yí wìy a kuumé wòsò ji bó m yòʼ wíy yaʼáy, e shaà, e yiì a kinyo ke bi kí e wò, a bó à yòʼ wíy yaʼáy, e shaà, e yiì saa kinyo ke bi kí e mò.

Ŋgaà Yen 17:16

Mo loŋ se nyàm se m yén sìn si dzəə̀n afon e ghvə̀m, áwune wíy lò, aá nèn tàtí wùn à nyàm ye beemén rə̀y, a bàn wiíy woo sàkì və̀n. Á wíy kàr vifá fo wùn wó vidzə̀m, é wù wáa tiy kinshóʼ, aá wóʼ nyám fo wùn wó, e kfər, e tòn vighvə́r.

Kèʼlo 31:48

Laban suúy e Jakov jii, «Kikfə́r ke tiy kin ki dzə̀ fó wìy a kuumé wòsò nsàv ye á yoŋ fó ji Galeed.»

Lim Aŋgàa Ntum 2:17

« ‹Nyùy suuy jii, wíy lòo dzə e ghan sé bàm sí, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí, é wón vén vee wónlě nsùme wáa yen vinyo e njà vinjeenjèm, é ŋgày sén sé wìr si wáa yen vinyo e njèm.