Jeem 5:2 - ŊWÀʼ NYÙY

² Bùʼ won fòy ne. Séʼ si là ne ndzə̀y sén.

Jeem 5:2 Referans Kwoze

Ŋwàʼ Jov 13:28

Bó dzəʼə̀m wìr msòŋé yòʼ kù bvəʼ moo kimfòy ke kifa bèy à, bó yí yòʼ kù sheʼèy moo ndzə̀y se séʼ si laan ne à?»

Ŋwàʼ Luk 12:33

Vèn wáa fiìnè vifá vén, a jàv mbàm e vé ŋgeʼe, a tàʼ a dzə̀ vibam ve bó ví yòʼ wíy a sàʼkìr. Vèn lem bùʼ won a dzə̀ é yuv, fo bó yòʼ dzə̀ kifá ki sə̀ʼ. Bó yòʼ dzə̀ shòŋ nə̀ə́ fó, a bó yòʼ dzə̀ séʼ si là.

Aysaya 50:9

Rúrú, Nyùy Tàr woo Taà Ndzə dzə̀ ŋgaà ntom wom. Wìr feyì wo wù yíi tinén ji nsaʼ koò mo dzə̀ la? Vèn wáa kiíy jii, wìr dzə̀m wo wù roomè mo wíy woomé. Áwune wíy lày kisáŋ moo ndzə̀y se séʼ si laan.

Aysaya 51:8

M kù lo, e laàr áwune mo mbvə̀njàŋ kfə̀r ndzə̀y, e laàr áwune mo séʼ si là ndzə̀y. Yii bèy, a yii yém yee réŋé kù wíy a tiy fo, e dù, e jòʼsì, é m kú a lùŋèr ŋgwàʼ rə̀y, a tumsín e rə̀y.»

1 Pita 1:4

vèsən wìy nə̀ə́ e mvə̀m vijùŋ ve Nyùy‑iì naŋsin, e lèm e wír vəə́ vidzə̀m. A wù lèm a dzə̀ e wùn wòŋ woó yuv fo ví kù wíy a dzə ghán sidzə̀m, a bó yòʼ dzə̀ ví ŋeèmé, e lày, a bó yòʼ dzə̀ sá ví bìr fó gheéy.

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Nsùyrì Nyùy 39:11

À lo, à sàʼ wír, e màʼ ŋgeʼlàʼ e wun kitu, maʼà, à laàr vijuŋ ve ŋgaàŋ mo séʼ si là ndzə̀y. Rúrú, dzəʼə̀m wìr dzə̀me kù dzə̀ kiyúy.

Hosea 5:12

M wíy laàr wír veé Isray mo séʼ si là ndzə̀y, e səʼsí wír veé Juda mo mfə̀m sí là kicí.

Jeem 2:2

A kí dzə̀ jii, a tàm wíri nə̀ə́ e věn lav dzə̀ʼə̀m abaà. Wùmòʼ wàa dzə, a wù máʼ ndzə̀y sə́ kijuŋ, e wàyrí andzə̀ŋgwáŋ a dzə̀ ve á fèrìn e *kisha ke mbàm ki. Wùmòʼ wàa dzə kfə́ ŋgaà kitàn, a wù máʼ a dzə̀ vinsàʼ ve ndzə̀y.