Jeem 5:16 - ŊWÀʼ NYÙY

¹⁶ M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

Jeem 5:16 Referans Kwoze

Ŋgàn 15:29

Nyùy Tàr kù yii yú bunrì wìr ve á yú wun, bin ndzə̀m e wír ve á méŋ wune.

Matio 21:22

A vèn bunrì, lón ka, wáy shilív a dzə̀ e Nyùy wùn, vèn wàa ker kíwun.»

Joon 9:31

a vèsən kì kijuŋ ji bó Nyùy yòʼ yii yuúri kinyo ke wìr wo bi, wù kù yii yuúri kinyo a dzə̀ ké wìr wo wù ghvə́m wun, yii mo wù taʼà.

Nsùyrì Nyùy 34:15

Nyùy Tàr yii shiy wír ve á yúnin wun, shiy áwune, yuúri bunrì yév.

1 Pita 2:24

Wúnwun woo Jesus‑eè lo siìr vinyo vesən ve bi ví a dzə̀ e wùn kitu, e kpù shó e kintam. A wù‑uù kpú bèy, ji vèsən fiʼ kpù sá fo mbìv vinyò ve bi ví, e nèn a dzə, a yiì a dzə̀ vinyo ve ru ví. A dzə̀ vileémé və́ vin ve ví yiìn ne, vèsən bónén fo vèsə́n yàsí.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Lim Aŋgàa Ntum 19:18

Wír ve vé‑eè biimen kinyo ke Jesuse wáa wìy anín, a toyrí mo vé‑eè rə́si yii shív.

1 Tesalonika 5:17

a bùnrì Nyùy ghán sidzə̀m,

Ŋwàʼ Jov 42:8

Kí nén a dzə jii, vèn li vinsòŋ ve nyàm vi saàmbà, e lì viyáʼ vi saàmbà, e dù sho fo wìr wom lìm woo Jov, e yiì cu ye tonèné fo věn vitu. Wìr wom lìm woo Jov yíi bùnrì fo vèn, é m yú bunrì rə́, e làa yòʼ dzəə màʼ ŋgeʼ e věn kitu, mo kì dzə̀ m màʼ bìʼ kiyúŋsì kén. Vèn yoʼ sùúy a dzə̀ kinyo ke ru kí kùm mo. Kù mày ŋgaà wom lìm woo Jov wo wù suuyin kinyo ke ru kí.»

Kèʼlo 20:17

Abraham nèn bùnrì Nyùy, Abimelek bónén. Nyùy kfən mvə̀ʼ kidzəə́y ké wiiy Abimelek wùn à ké akwàn və́ vee vikìyí, á wáa dzəəkír,

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

2 Wòŋ 30:20

Nyùy Tàr nèn yù bunrì Fòn Hesekiya, e làysìn jay wov, e làa yòʼ dzə́ə yiì kinyo aáwune.

Kintaŋ 11:2

Wíri tóŋ, e bì Mooser. Wù yiì bunrì e Nyùy Tàr, və́yí ndzə́mén.

Hibru 12:13

Vèn wáa ghan lèn a dzə̀ é dzəə see tìítiy, é wìr wo wù teesì bìʼ fo wù‑uù ghán e kighìn, bónén lèn bónmén, e làa yòʼ màysì, e kivkír.

1 Tesalonika 5:25

Vèn kú a bùnrì Nyùy fo vèr.

Matio 3:6

Á wáa wìy bèy, a tuuné ajay vév, Joon wáa way áwune é ndzəv ye á yoŋ ji Jordan.

Hibru 13:18

Kér kí dzə̀, a bó melív mer mè yòʼ sáʼ ver fo věr lìm gheéy. A dzə̀ mo vèr taʼ ji kí ku wìy a dzə bèy, a vèr fə̀m yii a dzə̀ ka. Vèn ku nèn a bùnrì ji Nyùy wáa sə ver.

Hibru 11:7

Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.

Ŋwàʼ woó Rom 5:19

Kí kfə́n a dzə sa jii, mo wìr mòʼón‑eè tavin kitú fo Nyùy, e yiì wír aníne kfə́n ji aŋgàa vinyò ve bi ví, dzə̀ sá mo wùmòʼ woo wír yuun Nyùy, e yiì kinyo ke wù suuyin, kí nen yiì, Nyùy lí wír anín, e nàŋsín ji vee là jay.

Ŋwàʼ woó Rom 3:10

A dzə̀ kíwun ke vé‑eè saŋen jii: «Wìr wo wù gheenen Nyùy yòʼ dzə̀ shó gheéy fə̀m, e mòʼón.

Joshua 10:12

Wáa dzə e kishiíy fóo fèy ke Nyùy Tàr‑iì wayin wír veé Amor e wír veé Israyí kiwo, Joshua suúy e Nyùy Tàr e wír veé Israyí si jii, «Nyùy Tàr, yiì, é shùy tiím é kitu ke wòŋ Gibeon, é ŋwee tiím é kitu ke mboʼ yeé Ayjalon.»

Hibru 11:4

A kù dzə̀ sá mo kinyo ke Abel wùn Keen ki‑iì dzəə̀n. Abel‑iì cù Nyùy e dzəə yee réŋ, e shaà Keen, bìʼ fo wù‑uù cu kfə́, wáy shilív a dzə̀ e Nyùy wùn. Nyùy nèn biìmé wun, e lì ji wír woo là jay. A wù‑uù lo dìn rú bey, bìʼ fo wù‑uù səən rə́ yee cu. Abel kpú, yii bèy, a kinyo kee mo wù‑uù wayin shilív e Nyùy wùn kí kù dzəə́ yéʼey vèsən, e shem lán.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Kèʼlo 19:29

Á mo Nyùy‑iì lóo laàr ŋkà se laʼ seé mboʼ foo fèy sìn, e kuùmé kinyo ke Abraham‑eè lonen, e fə̀ə́r Lot, e bóo laàr ŋkà se laʼ sìn, é wù boy.

Jeremia 15:1

Nyùy Tàr nèn yòŋ e mò jii, «A fə̀m wìy Mooser wùn Samuel, a tiy e mǒ si, a lon, bo bó yòʼ dzə̀ m kùvsín kwaʼtì yém, e lèéy wír vìn. Jùm áwune fo mǒ si, aá dukir.

1 Afòn 13:6

Fòn nèn sùúy e ŋgaà ntum Nyùy jii, «Ku lòn Nyùy Tàr woo Nyùy wò, e fò e mò, é wù fíʼ yiì, é kóy wómé bónén.» Ŋgaà ntum Nyùy nèn kù lòn Nyùy Tàr, wù yiì, kóy fòne bónén, a dzə mo wú kì dzəə̀n fó mbìy.

Kèʼlo 32:28

Wù suúy shó jii, «Yír yée yòʼ kfə̀n dzəə́ yiì a dzə ji Jakov. Á yíi a yòŋ wò lèn ji Isray, bìʼ fo à fùnèn Nyùy, e kfə̀n fùnèn wíri, e kù sò.»

Kèʼlo 20:7

Siìr ri wiiy lumèn və̀y sho. Wù dzə̀ *ŋgaà ntum wom. Wù yíi bùnrì fo wò, áà wáa dzə e tin. Aà lòo dzə, e làa yòʼ siìr, à wàa kiíy ji vèn à wír vée kù waà yíi kpukír.»

1 Samuel 12:18

Samuel nèn bùnrì Nyùy Tàr é kishiíy fóo fèy, wù tsə́nsí wuú. Á bèy, wìr dzə̀m wáa fàn Nyùy Tàr wùn Samuel e ŋàŋ.

Ŋwàʼ Fəə 17:11

Mooser nan kóy sə́ é yuv, sí lóo dzə e yuv, wír veé Israyi nèn a so. Wù lóo səʼə́r fo nsay, wír veé Amaleki nèn a so.

Ŋwàʼ Fəə 9:33

Mooser màʼtì Farao, e fəə̀ fó mvə̀mlaʼ, e nàn wó rə́ é yuv, e lòn Nyùy Tàr, kishèv wùn à mentíy mè mày, wuú tín.

1 Tesalonika 5:23

Vèr nén a lon jii, wun woo Nyùy wo wù yii, a melív mèsən mè dzə́ nyaáŋ ku yiì, é vèn wáa dzə wír və́ ŋkuuŋkùŋ. A vèr kfə̀n lón sa jii, wù kú a shìy ven, é vèn wáa dzə ajuŋ là nsem, a kwàʼtì a dzə̀ vinyo ve juŋ vi, a ker melív me juŋ mè, é la wìr wùmòʼ yòʼ a ker lóm yìmòʼ e wun wùn gheéy, e dù, e meé e ghan se Tàr wòsən Jesus Kristu wíy a wìy.

Kolosia 1:9

Kèʼ fo kishiíy ke vèr‑iì yuun mo vèn wayin shilív e Jesus Kristu wùn, vèr ku nèn a bùnrì fo vèn ghán sidzə̀m. A vèr lón ji Nyùy ku yiì, é vèn kiíy vinyo ve ví dzəə̀n e wùn shiliv, a kiíy ghán sidzə̀m mo wù koŋ ji vèn wáa yiì, é vèn nèn a kiíy rú vinyo.

Ŋwàʼ Luk 9:6

Áwune nèn lò, a dù, a ghan e ntèʼ sí, a fìʼtì sáʼka Nyùy wo juŋ, e kfə̀n a fèr aŋgàa yàsí virə́ʼ vidzə̀m.

2 Samuel 19:19

e sùúy jii, «Nyàr, á ku làysìn a jay wo mò‑oò jayin á e taàtá wom woo fon e ghan se vé‑eè loòn á fo Jerusalem. Lá á yòʼ dzəə lèm a e vifii.

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»

Jeremia 42:2

e yèn Jeremia woo *ŋgaà ntum Nyùy, e sùúy sho jii, «Kii wò, ku yiì kinyo ke vèr lón wò sho ki. Ku mbaà Nyùy Tàr woo Nyùy wò ji wù sə́ á ver adzə̀m ve á berin. Vèr‑iì dzə̀ wír agháʼán, a kù bèr ne ve à yén lèn vìn.

Maak 1:5

Wír veé Jerusaleme nèn a fəəkír, a dù ji á yú á kinyo ke Joon. Á kfə́n a wìykìr fo ntèʼ seé wòŋ woo Juda foo fèy símóʼ sí sidzə̀m, a tuúne ajay vév, Joon wáa way áwune é ndzəv ye dzəə̀n Jordan.

Lim Aŋgàa Ntum 8:24

Simon nèn a lon Pita wùn Joon jii, «Vèn kú a bùnrì fo Nyùy Tàr ji lá kinyo kímóʼ kí fo ve vèn suuy vìn ki yòʼ kòóy mo.»

1 Samuel 1:12

Hanna kú a toŋ e Nyùy Tàr bey ntàmda, Eli jaáy, a kiy shuu və́.