Jeem 5:10 - ŊWÀʼ NYÙY

¹⁰ Afə̀r vem, vèn ku lì kisəəm kí a dzə̀ fo wír ve vé‑eè tiísi ntum Nyùy fo ŋgùʼú. Áwune‑eè yén ŋgeʼ sinín, kù dzə́ ji nyaáŋ.

Jeem 5:10 Referans Kwoze

Hibru 13:7

Vèn wáa kuumé wír ve vé‑eè tòmbìy dàn ven é kinyò ke Nyùy fèn. Vèn kuúmé mo vé‑eè dzə́, yú a dzə̀ fo Nyùy, wíri yú vijuŋ bìʼ áwune. Vèn kú a bìʼnìn, a yu fo Kristu moo áwune.

Lim Aŋgàa Ntum 7:52

Ŋgaà ntum Nyùy wùmòʼ dzə̀ shó wo atàr véné yòʼ‑oò ló a ròn wúu rə́ á? Áwune kù‑uù yúyri aŋgàa ntum Nyùy yúyrín, a vé‑eè fiʼtì ji Ŋgaà Lìm Nyùy woo rú waà wíy wìy. A dzə̀ wùwun woo shooy mo wù‑uù wìyìn ne, vèn sháʼnín, e yùyrí.

Lim Aŋgàa Ntum 3:21

A wù kù wíy a dzə e yuv, e meé e ghan se Nyùy wíy naŋsín vinyo vidzə̀m, é ví kfə́n vifíy mo aŋgàa ntum və́ vee fó ŋgùʼú‑uù tiísi mo wù‑uù suuyì.

Ŋwàʼ Luk 6:23

Kí wíy kooy bèy, vèn wàa sheʼrí, a dzən, a sàvnìn, bìʼ fo Nyùy sí lem vilaámé vén é yuv vigháʼán. Vèn wáa kiíy jii, kù dzə̀ sá mo atǎr wìr vee shooyi‑iì lóvti aàŋgàa ntum Nyùy vee fó mbìyi.

Jeremia 2:30

M màʼ ne ŋgeʼ e vèn à wón véné kitu, la vèn yoʼ yèʼéy kinyo fo fo, yì láy kisáŋ. Vèn ló fó fo, e yùyrí aŋgàa ntum vém yuyrín, kù moo bvərə̀ʼ wo wù nyárninè.»

Aysaya 39:8

Fòn Hesekiya nèn bìnèr e Aysaya jii, «Ntum Nyùy Tàr ye à tiisin e mò dzə̀ e juŋ.» Wù‑uù binèr bèy, kwaʼ ji mo wun yíi a dzə sho e tin, bo kù sì ji nyaáŋ yíi a dzə sa e wun wòŋ.

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

Ŋwàʼ Luk 13:34

Wù nèn yòŋ jii, «Éè Jerusalem, éè Jerusalem, à yúyri aŋgàa ntum Nyùy, yúyri wír ve Nyùy túm fo wò adzə̀m e tíyí. M mùm ne akàŋ anín ji m báʼti wón vé mo yeè ŋgvəv kùʼtí wón é sar vàv, la à yòʼ a biimé.

Jeremia 26:16

Atǎr ntoʼ wùn à wìr dzə̀m nèn sùúy aàtàá cù wùn aàŋgàa ntum Nyùy vìyi jii, «Wìr və̀n yoʼ yiì kinyo ke dzə̀ á yùyrí wun. Wù tiìsí kinyo e vèsən a dzə̀ ntum ye Nyùy Tàr woo Nyùy wòsən tumen wun sho.»

Jeremia 23:22

A dzə̀ ji áwune‑eè ló a dzə fo mò‑oò bá antaŋ vém, bo vé‑eè fiʼtì a dzə̀ kinyo kém e wír vémé, e nèn yiì, aáwune maʼti liì wov wo bi, à liì kisaŋ wo áwune‑eè kérí.

Jeem 4:11

Afə̀r vem, lá wìr yòʼ a ghvə̀vrì fə́r və. Wìr wo wù ghvəvrì fə́r və, kìn wù say sàyìn, ŋgaàŋ ghvəvrì a dzə̀ nsər Nyùy, say wun woo Ŋgaà Nsər. A wìr yèn ji dzə̀ wun wàa sayrí nsər se Nyùy, bo bó wù yòʼ dzəə́ yén nsər ji kifá ke dzə̀ wun wàa yu fo fo. Wù wày ne kfə́ ji wun kú a sayrí sayrín.

Jeem 5:7

Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Jeem 5:13

A wìr fo vèn lò, a ker ŋgeʼ, wù kù a lon a dzə̀ fo Nyùy, é wù sə́ wun. Wìr wáa dzə e vijùŋ, wù wàa yòv luŋ, a sùyrì Nyùy sho.