Jeem 5:1 - ŊWÀʼ NYÙY

¹ M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

Jeem 5:1 Referans Kwoze

Ŋgàn 11:28

Wìr wo wù tiir vifií é vikùʼùy, kù yíi gbù gbuùn. A wìr wo wù yunín Nyùy, kù yíi a bòʼrì kfə́ bóʼrin moo kicí ke á bìyìn é ghaa ndzəv.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Ŋgàn 11:4

Vikuʼùy ví yòʼ yíi sə wò e kishiíy ke Nyùy sáʼ nsaʼ yè. Yii bèy, a yúnín Nyùyi dzə̀ wùn à dzəʼə̀m ye dáa.

Jeem 1:11

A dzə̀ mo viŋgà ví yii buyì, shùy mbáŋri, báné, ví kù nèn yòvrí, e keèsí, vijuŋ və́ vee shooy vi nèn lày. Kù dzə̀ réŋréŋ mo ŋgaà bùʼ wíy lòo tàʼtìn e wùn kitu ke bùʼ, é wù sasin, e kpù, e màʼtì bùʼ woo shooy.

Mayka 6:12

Aŋgàa mbàm vén veé Jerusaleme bóʼ aŋgàa kitàn, a wìr dzə̀m woo fó kù sí bóʼti a dzə̀ kimboʼtì, a shuu wóví kù ŋeʼ ji á bóʼtí wír.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Aysaya 13:6

Vèn wáa toŋ, a dìy, bìʼ fo kishiíy ké Nyùy Tàr kí siìn fó mentsə̀m, Kishiíy ke wun woo Ŋgaà Vitaàví Vidzə̀m wíy laàr wíri, e laàr bèn à nsay yev shó.

Jeem 4:13

Vèn yuúrí, é m suúy kinyo lèn a dzə̀ e wír ve á lo, á wàa sevtí kinyóo. Á lo, á gòʼ jii, kìn dzə̀ lán, kìn dzə̀ kibvəə́shí, é vèr du é ntèʼ fen, e dù e rə̀sə, e kàvnín wáy fó kiyá kifur, e kùúy séʼ.

Jeem 2:6

Vèn ló kén, e nèn a shoór wír woo ben shoórín ji ŋgaà kitàn. Mo vèn sí yén kén a dzə̀ aŋgàa mbàm, wír ve á rə́si táy ven, li, ghán sho e virə̀ʼ vé nsaʼa dzə̀ ala? Bó yòʼ dzə̀ vé mbàme a?

Remrí 32:15

Yii bèy, Jeshurun yíkír, e fàŋ, a ŋàʼ. Wù fáŋ, e rùn, a nə̀ʼ nə̀ʼə̀n. Lòo nə̀ʼ, e bìn ndzə̀m e Nyùy. Wù‑uù ŋwày Ŋgaà Mbom və, e màʼày Ŋgaà Lùŋèr və woo Kilán kfə́.

Joel 1:11

Vé sumé, vèn wáa sòv vitú vi. Ven ve á lim vitiír vé vayin, vèn wáa dìy. Ŋguùmé sí ndzə̀ə́y ne sáŋ yee *wit wùn à yee *barlìi. Kifá ke á dzəə́ wìy kav fo sum kí yòʼ kfə̀n dzə̀ə́.

Joel 1:5

Éè amfoòkìnó, vèn yimen, a dìy. Ven vee anomèlùʼ, vèn wáa toŋ, a jeetí. Tútúʼ wo á fer meluʼ sho yòʼ kfə̀n dzə̀ə́. Meluʼ me fíy me vèn koŋ a no mè bùú ne.

Esiker 19:2

Á yòv, a taŋ jii: « ‹Yè won‑eè dzə̀ mànyàm bvərə̀ʼ féyì e lúm se bvərə̀ʼ sí mvəm. Wù‑uù néŋ aàbvərə̀ʼə́ mvəm, liy wón və́.

Jeremia 4:8

Bo dzə̀ ji vèn kúr vinsàʼ ve ndzə̀y ví, a toŋ, a dìy. Nyùy kù dzəə́ shwiiy kilòŋ vèsən áwune é ŋàŋ.

Jeem 4:9

Vèn wáa woomé fo věn vinyò ve bi ví, a sòv kitú, a dìy. Vèn maʼti shéʼe, a toŋ toŋén. Vèn bér kishéʼrì ki, a rə̀m a dzə̀ vitú vén.

Joel 1:13

Ven vee atàá cù, vèn maʼ ndzə̀y sé kpu si, a dìy. Ven ve á lim e kiy cù, vèn wáa toŋ, a jeetí. Ven ve á cu Nyùy wom, vèn maʼ ndzə̀y sé kpu si, e dù, a dìy vitsə́ʼ vifur. Vèn wáa dìy, bìʼ fo cú vifa ve yii yòʼ dzə̀ə́, a yé melùʼu sèéy ne. Á yòʼ dzəə́ yii cu e Nyùy wón lav.

Nsùyrì Nyùy 17:14

Éè Nyùy Tàr, nàn kóy wóo, e bòyìr mo fo wír vìne. Ku laàr áwune fó nsay fèn. Sə́ʼsí kilíŋ kév kí, aá lay fó wòŋ. Ké wìr ve à koŋè, à yíi rəə̀r jíŋ yev, é wón véví kú a ker ké a yi, é kí wáa jàmtìn, aá koóy keé lèm sa e wón véví.

Aysaya 15:3

Áwune màʼ ne ndzə̀y sé kpu, a ghan sho e dzəə. Áwune sí dzə́tin e kirəsí, ghán e wáynjáŋ, kù waáme a dzə̀ tóŋ, diyì. Á tòŋ ne e ŋàŋ, mensíy mè wáa sù sí súun.

Esiker 30:2

«Wàn wìr msòŋ, tiísí ntum yem, e sùúy jii, ‹Ke Nyùy Tàr woo Taà Ndzə suuy kùm Ejiv ki dzə̀ á jii: « ‹Vèn wáa rəəmé, a toŋ kitávín jii, «Èhéè, mbeème kishìíy sì.»