Jeem 4:9 - ŊWÀʼ NYÙY

⁹ Vèn wáa woomé fo věn vinyò ve bi ví, a sòv kitú, a dìy. Vèn maʼti shéʼe, a toŋ toŋén. Vèn bér kishéʼrì ki, a rə̀m a dzə̀ vitú vén.

Jeem 4:9 Referans Kwoze

Matio 5:4

Bòŋ ké wìr ve á diy lèn, bìʼ fo Nyùy wíy səmér áwune.

Ŋgàn 14:13

Wìr lo, wù kù shèʼ é mvə̀m mendzə̀n, shéʼ, maysì, kù bèr mendzən.

Ŋwàʼ Luk 6:25

Ŋgeʼ dzə̀ yéen, ven ve á bon vifá lèn, bìʼ fo vèn wíy a tooŋé jíŋ. Ŋgeʼ dzə̀ yéen, ven ve á shéʼ lèn, bìʼ fo vèn wíy a dìy, a sòv vitú.

Nsùyrì Nyùy 119:67

Wò‑oò màʼ ŋgeʼ e mò, bo m fiír. Mò‑oò tèn fó a yu wò, yii bèy, m sí yúnin jí yè lèn.

Esiker 16:63

M yuŋrì bèy, é m mán vinyo ve à bùʼtìn vidzə̀m, é shúu má wò, áà wáa woomé. Suuy mo woo Nyùy Tàr woo Taà Ndzə.»

Esiker 7:16

Wìr sénin, léʼé, é wù wáa som e gwan, a toŋ moo kibìŋ ke kí meé fo kiwoóy. Wìr dzə̀m kù wíy a dìy bèy, a wìr kù táŋ a dzə̀ vinyo ve bi ví ve wù bùʼtìn.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Ŋwàʼ Jov 30:31

M kù sí kum lúŋ rú, diy a dzə̀ kpú sho, tóŋ loŋ, a dzə̀ lúŋ kpu.»

Ŋwàʼ Luk 6:21

Bòŋ kén, ven ve á toóŋe jíŋ lèn, bìʼ fo á wíy yiír ven, é vèn kúrkír. Bòŋ kén, ven ve á diy lèn, bìʼ fo vèn wíy a kwaà shéʼ.

Yòvdìy 5:15

Dzəʼə̀m yérí sì ŋgeʼ ŋgeʼ, là vijuŋ, ceŋ ye vèr‑iì rə́si sherìi máy, vèr kfə́n é nsòv.

Jeremia 31:13

Wónlě ŋgòne wíy a shèr ceŋ, a sheʼrí, é wónlě nsùm wùn à ŋgày sé wìr si wáa yu vijuŋ. M wíy bìnèr diy ye áwune diyì, é yí kfə́n ji kishéʼrì, e sham áwune, e bìnèr mendzən mev é vijùŋ.

Jeremia 31:9

Áwune wíy a wìy, a dìy, a mbaà a dzə̀ mo, a m lí ne áwune, a kfən sho. M wíy dànèr áwune, e shaà sho e ghaŋ se ndzəv, e dzəə ye yì dzəə̀n ben ji fèm, fo bó yòʼ dzə̀ wìr gbù. A dzə̀ bìʼ fo m dzəə̀n tàr à Isray, a Efrayim dzə̀ wán wom mbìy.

Ŋgaà Tàrvìnyò 2:2

M yén ji a wìr jum a dzə̀ kishéʼrì, bo kee shooy ki dzə̀ kiyúŋsì. A dzə̀ ji wìr kú a yi a dzə̀ kitú, kí fə̀ə́r ka?

Nsùyrì Nyùy 119:71

Kí kù bòŋ mo wò‑oò màʼàn ŋgeʼ e mǒ kitu, ji m fiʼ yèʼéy sáʼ yé.

Nsùyrì Nyùy 119:136

M sə́ʼər mensíy e ŋàŋ, bìʼ fo wíri ŋwáy Nsər yè.

Nehemia 8:9

Wìr dzə̀m yú vinyo veé Ŋwàʼ Nsər, e nèn lò, a toŋnín toŋnín. Taà saʼ woo Nehemia wùn à taà cù woo Esra wo kfə̀n dzəə̀n ŋgaà dùŋrì, à wír veé ram Levi ve vé‑eè yéʼey wírií nèn a suúy e wìr dzə̀m jii, «Lá vèn dzə́ə a dìy, lá vèn dzə́ə a toŋ. Lán dzə̀ kishiíy ké Nyùy Tàr woo Nyùy won, kee jeéy kí.

Matio 21:41

Á nèn bìnèr jii, «Bo wù yíi nyàvrì e vifá ve kwaʼ vìy ví, e yuyrí, e fo súm e wír ve səné ve dzə̀ á wàa fo rə́ə yee mbìv vifa.»