Jeem 4:7 - ŊWÀʼ NYÙY

⁷ Vèn ku nèn a neŋ a dzə̀ e Nyùy si, a shaʼnín Satan, é wù nyéŋ á fo věn bàm.

Jeem 4:7 Referans Kwoze

Efesor 4:27

fo Satan koóy kintóʼ kée màʼ wun sho.

1 Pita 5:6

Vèn ku nèn a borkír e Nyùy woo Ŋgaà Vitaàví si. Vèn lóo yiì bèy, ghán sə́ sí wíy gheenè, é wù kóʼór ven.

Hibru 12:9

Vèsən kér sa atàr vesən é nsay, aá kù sər vèsən, a vèsən yuúri, ghvə́m áwune. Mo vèsən yú bèy, bo dzə̀ vèsən yù Tàr wòsən wo dzəə̀n Nyùy, e shaà, e fíʼ wìy lùŋ.

Ŋwàʼ woó Rom 10:3

A kí dzə̀ jii, áwune yòʼ‑oò ló a səə̀m a mo Nyùy yii ghán, e bó a naŋsín wír, é wù wáa gheén fo wun. Áwune ló fó fo, e nèn a mùm a dzə̀ yéev yee dzə́ə. Á yií bey, e nèn màʼày dzə́ə ye yì‑iì sìysìn Nyùy mo dzə̀ wìr ghàn, e bóo fíʼ gheén fo wun.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Ŋwàʼ Jov 1:21

«Mò‑oò fəə́ fo yè wór bvə̀m, a m yòʼ kér kifá, a m wíy lòo kpu, e làa yòʼ lì kifá. Nyùy Tàr fò ne kifá kidzə̀m e mò, e kfə̀n sə̀. Búríi wáa dzə fo Nyùy Tàr.»

2 Wòŋ 30:8

Lá vèn yòʼ a tav kitú moo atàr vén. Vèn wáa yu fo Nyùy Tàr. Vèn wáa wìy e lav cù yeé Jerusalem, lav ye Nyùy Tàr woo Nyùy won lèmèn jeéy ji rə́ə, e wìy dù, e jòʼsì. Vèn wáa ghvəm wun, é la dòʼshwíiy və wo tavín yòʼ dzəə ŋàʼáy, e kìʼ ven.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Efesor 5:21

Kímóʼ kí nén a dzə jii, ven vee wír Kristùu wáa fonín a vitú vén. Vèn lóo yiì bèy, bo á ghvə́m a dzə̀ wun woo Kristu.

1 Pita 2:13

Mo vèn siìn wír Taàtá wòsən Jesus Kristu, vèn wáa yu wír ve á kér sáʼ adzə̀m. Kìn dzə̀ fon wo kuʼùn wo wù tíy vitú,

2 Samuel 15:26

Yii bèy, a m dzə̀ làa yòʼ gheén fo Nyùy Tàr, bo m və̀ne, bo a dzə̀ wù kù lòvtí e mò mo wù yenen.»

Daniel 4:25

Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Nsùyrì Nyùy 68:30

Kàntì Ejiv wo wù dzəə̀n moo nyam kwaʼ ye yì dzə́ aàŋkiʼ. Wù ghàʼ ne moo ŋgoo nyar wùn à wóné. Á lo, á wàa borkír fo si, a wìy e nshwìí. Ku tàʼár vitúm ve ví koŋ rə́r ví vidzə̀m.

1 Samuel 3:18

Samuel nèn kwèr kinyo kidzə̀m e Eli. Eli nèn sùúy jii, «Dzə̀ wun Nyùy Tàr. Wù ku yiì kinyo ke kí gheenen wun.»

Jeremia 13:18

Nyùy Tàr yòŋ e mo jii, m suúy á e fòn wùn yaà yeèfòn jii, «Vèn sə́ʼə́y fó kàvàʼ. Vijuŋ ve ntáráʼ won ví mày ne. Ví keèsí ne fo věn kitu.

Ŋwàʼ woó Rom 14:11

A dzə̀ kinyo ke vé‑eè saŋen jii: «Nyùy Tàr suuy jii, ‹Mo m dzəə̀n shó, wìr dzə̀m kù wíy tsəm e mǒ si, a binsí mo woo Nyùy e shuu wóví.› »

Lim Aŋgàa Ntum 26:19

«Nyàr, mo Jesus‑eè wìyìn, e yèn mo, m ku nèn a yiì mo wù‑uù suuyin,

Lim Aŋgàa Ntum 9:6

Lò é yuv, e dù e mvə̀mlaʼ, aá suúy wò kinyo fo ke à kér fó a yiì.»

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Efesor 6:13

Vèn ku nèn tàv, e bàʼ vifá ve rər ve Nyùy foon e vèn ví lèn vidzə̀m, Satan wíy fəə́ e kishiíy fó, vèn áwune támé, kí lóo bir, é vèn kú a tiy kitávín, a bó yòʼ dzə̀ wù sò ven gheéy.