Biblia Todo Logo
Bib sou entènèt

- Piblisite -




Jeem 4:6 - ŊWÀʼ NYÙY

6 Yii bèy, a Nyùy kù sheŋrì ghán sidzə̀m, a mè kù yòʼ tíy e wun wùn. A dzə̀ kíwun ke vé‑eè saŋen jii, «Nyùy méŋ wír ve á yén vitú vév, nèn leey ve á néŋ e wùn si, shám áwune.»

Gade chapit la Kopi




Jeem 4:6
34 Referans Kwoze  

Vèn wáa kiíy jii, wìr lóo koʼór kitú kfə́, bo Nyùy yíi a sèn ŋgaàŋ. Wù lóo borkír, Nyùy wàa koʼór wun.


Rúrú, Nyùy Tàr méŋ wír ve á shéʼ wun, yén a dzə̀ vitú vév. Wù leey wír ve á néŋ e wun si, shám áwune.


M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»


Wìr lóo koʼór wún, Nyùy sèn wun, li kitú kfə́ shishàr, á wàa ghvəm wun.


Fə̀m mo à dzəə̀n é ntoò yùv, à lo, à wàa leéy wír ve á li vitú vév shishàr. Yii bèy, lóo dzə vé kiŋkoʼòrwùné, à wàa leéy áwune kwaʼda kwaʼda.


Wìr kóʼor wún, wù gbù, li kitú shishàr, á kù wìy a ghvəm wun.


A wìr kfə́menè, ghvə́m Nyùy Tàr, bo vilaʼày və́ ví dzə̀ vikuʼùy, ghvə́m, wùn à dzəʼə̀m ye dáa.


Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»


Wù wíy dìn kisáŋ ke wìr ve á li vitú vév ji Nyùybomkpù, e sèn wír ve á tíy tiyín aámóʼó kitu, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy,


A wíri màʼ wír, à tóŋ ké ji Nyùy ku nàn a ŋgaàŋ e yuv, bo wù kù yíi lùŋèr woo shó wo wù yòʼ yén kitú kfə́.


Vèn wáa kiíy jii, wìr və̀n‑eè fəə̀, e lòo səy e wùn laʼ, a Nyùy lí ne wun ji wír woo là jay, e shaà wir Farasi və̀y. Kù dzə̀ mo Nyùy wíy sèn wír ve á kóʼor vitú vév adzə̀m, e koʼór ve bó á yòʼ yén vitú vév.»


«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»


Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.


Wù sù ne afon, e bàʼtì fo kàvàʼ, e kòʼór a dzə̀ wír vee fó tèr.


À lóo ghvəm Nyùy, bo à kèʼ ne, a ker vifií. Wìr kù merìr yúnín ŋkuŋén, bo wù wáa ker ghvə́m.


Fòn Manasse dù, e yèn ŋgeʼ, e nèn a lon Nyùy Tàr woo Nyùy və ji wù ku shàm á wun. Wù‑uù lì kitú kfə́ lèn kitérí féyì e Nyùy woo Nyùy atàr və́ si.


«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.


e yù á kinyo ke wun suŋnin kibí kibí kùm Jerusalem wùn à wír vee fóo. Mo wù səəsin jí sìn e shilív she juŋ shi, e lì kitú kfə́ kitérí, a neŋ e wun sar, e kfə̀n saàsì ndzə̀y sə́, a toŋ e wun si, wun woo Nyùy Tàr nén a suúy e wun a jii, wun yù á ne tóŋ rə́.


Á bèy, Fòn Hesekiya wùn à wír ve vé‑eè dzə́ e Jerusaleme nèn biìmé jay wov, e neèr kiŋkoʼòrwùn kév. Nyùy Tàr nèn tèér ŋgeʼ yee shooy, e làa yòʼ dzə́ə màʼ aáwuné kitu, a Fòn Hesekiya dzə̀ə́ sho.


A kí dzə̀ jii, wìr wo wù kér kifá, á yíi dzə̀sì, é kí kuʼ, e shaà mo kí dzəə̀n. Wìr wo wù buŋen, á yíi màysì shishàr she wù kérí, e ger gerín.


Wù yòʼ‑oò lo bìnèr shilív sə́, e kfə̀n é bàm e Nyùy Tǎr wùn mo tàr wov Manasse‑eè yiìn. Wù kù‑uù dzəsì, nəə nə̀ə́n é vinyò ve bi ví.


M kìíy ne lèn ji Nyùy Tàr kùʼ e shaà anyùy ve wíri cu adzə̀m, bìʼ fo wù yiìn ne, wír vəə́ bóy fo wír veé Ejiví wo ve vé‑eè ŋaʼ, táy áwune.»


Mò‑oò màʼtì ven é bǎm shintàm, e làa yòʼ dzə́ə a leéy fo vèn. Yii bèy, lèn, bìʼ shií wo m kér fo vèn, m lo, e lì ven é bàm, a leéy fo fo.


Wun wo wù yii siir ŋkfə́tír yíi siìr e wír ve á nyavrì e wír vəə́, a bó wù yòʼ ŋwáy tóŋ wìr ve á nəʼsì áwune.


Á kfə̀n sàŋ vímóʼ ví a dzə̀ é ŋwàʼ wo dzəə̀n ji Ŋwàʼ Vinyò ve Aŋgàa Si, a vinyo vee shooy vi dzə̀ jii, bunrì Fòn Manasse, wùn à binèr ye Nyùy‑iì foon e wune, à vinyo ve bi ve wù‑uù yiìn, bóo wìy a bìnèr shilív sə́ ví. Kí dzə̀ jii, wù‑uù mèŋ Nyùy, e bàʼrì virə́ʼ vé anyùy, e tìír wúr sé Ashera wùn à mebvə̀m mè fo.


Vèn wáa gvəʼə́r vitú vén a dzə̀ e Nyùy si, é wù wáa nàn ven.


Swiv nou:

Piblisite


Piblisite