Jeem 4:5 - ŊWÀʼ NYÙY

⁵ A dzə̀ vèn yèe, e bó a kwàʼtì ji kinyo ke vé‑eè saŋen é Ŋwàʼ Nyùy ki dzə̀ kisáŋ? Vé‑eè sàŋ jii, «Shilív she Nyùy foon e vèsən shí lo, shí kù a dìy, a ker shií fó vinyò vímóʼ ví vinín.»

Jeem 4:5 Referans Kwoze

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

1 Korin 6:19

Bó vèn yòʼ kì ji wún wóné dzə̀ lav ye Kiyoy ke Ranén kí shiiy sho à? Fó Nyùy Kiyoy kfə́ kee shoon, a bó yòʼ kér ven vitú vén, kér wun woo Nyùy ven.

Kintaŋ 11:29

Mooser bìnèr jii, «Shii wò dzə̀ ka é kinyò ke kí kùmèn a dzə̀ mo? Kì yée fo wáa dzə ji wír Nyùy adzə̀me kì tiísi ntum rə? Wìr ku lì ji Nyùy Tàr kì wày á kiyoy kfə́ e wìr dzə̀m wùn féyì.»

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Nsùyrì Nyùy 37:1

Lá à yòʼ a yu ntéŋ bìʼ wír ve á méŋ Nyùy. Lá à yòʼ a siimé vijuŋ ve wìr ve á buʼtì vinyo.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

Kèʼlo 37:11

Afə́r Joosevi‑iì yú a dzə̀ nyár rə́, yii bèy, tàr wov ku yòʼ lèm kfə́ kinyo kìn e vifii, a lò, a kuumé.

Kèʼlo 30:1

Mo Racel kiiyin ji bó yòʼ dzə̀ wun dzə̀ə́ á wán, e nèn a bàn jemèr rə, e sùúy e Jakov jii, «Fó bvə́me e mò cér fo m kpú.»

Kèʼlo 26:14

Wù‑uù kér ŋgoo se bvəy wùn à sé nyàm si, kfə̀n kér vé lìme anín. Bìʼ kee shooy, wír veé Filistiàa nèn a bàn wun.

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Galatia 3:8

A Ŋwàʼ Nyùyi‑iì ló a dìn fo ghan ji wír ve bó yòʼ dzəə̀n veé Judàa wíy way sa shilív e Nyùy wùn, é wù li áwune ji wír vee là jay. Á kinyo ke kí‑iì yiìn, bo Nyùy fiʼti sáʼka və wo juŋ və̀n e Abraham fo ghan. Wù‑uù sùúy shó jii, «M wíy shaà fo wò, e səə̀vì vitúm veé kitu ke nsay vidzə̀m.»

Lim Aŋgàa Ntum 7:9

«Atàr vesən víyi nèn wìy ghèʼ fər wov Joosev, e fiìnè, wù wáa dzə kwàn é wòŋ Ejiv. Yii bèy, Nyùy kú a leéy fo wun,

Joon 10:35

a vèn kì sá ji kinyo ke kí dzəə̀n é Ŋwàʼ Nyùy ki kù yii tíy fo. Mo wír ve Nyùy‑iì yoŋ ji anyùy vìne dzəə̀n ve wù‑uù tiísi a dzə̀ vinyo və́ shó,

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Ŋgàn 21:10

Wìr wo wù méŋ Nyùy kù yii kér shií a dzə̀ é kinyò ke bi kí, a bó wù yòʼ yii rə́r mendzən me fər və.

Nsùyrì Nyùy 106:16

Á wáa dzə fo áwune‑eè bee e woʼ, wíri nén a leéy Mooser ntéŋ, a ghèʼ Aaron, Aaron wo Nyùy Tàr‑iì shoʼon ji ŋgaà lìm və woo jeéy.

Ŋwàʼ woó Rom 1:29

Á nén a dzə ji afon vinyò ve kisaŋ vi, a yiì a dzə̀ vinyo ve bi ví, a siimé kinsiimè, a wìr kù leey wír a dzə̀ e sí ye bií. Aá kfə̀n gheʼ kighèʼ, lo, á yùyrí wír. Á lóo dzə, á kù a nyàmnìn nyàmnìn, ghán, kár a dzə̀ menàŋ, a kày kù kér a dzə̀ shilív she bi shí wùn kày, duú viduú,

Ŋwàʼ woó Rom 9:17

A dzə̀ mo vé‑eè saŋen é Ŋwàʼ Nyùy ji Nyùy‑iì sùúy e Farao a jii, «M kòʼór wò ji Fon woó Ejiv bèn ji m shaa fo wò e dìn mo vitaáví vém ví dzəə̀n, aá samer yír yém kitú ke nsay kidzə̀m.»

Aysaya 11:13

Bó wír veé Efrayime yòʼ kfə̀n dzəə́ wìy a yu nyár wìr veé Juda, a rə́r se wír veé Judàa maʼ veé Efrayim sho si wíy seéy. Wír veé Efrayime yòʼ kfə̀n dzəə́ wìy a tàʼ kinyè ké wìr veé Juda ntéŋ, a bó wír veé Judàa yòʼ kfə̀n dzəə́ wìy a dzə aŋgàa vibǎn wìr veé Efrayim.

Joon 19:37

Á kfən sàŋ jii, «Wíri wíy a leéy wír woo shó, wo á sòvìn.»

Joon 7:42

Á sà yòʼ‑oò sàŋ é Ŋwàʼ Nyùy ji Mfə̀ə́r wíy fəə a dzə̀ fo Fòn Davir ram, a wù wíy lò a dzə̀ fó Betlehem fo láʼ à Daviri‑iì dzəə̀n á?

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

Kèʼlo 38:9

Onan kiíy ji wun bèn sí lem a dzə̀ á vitsə́ʼ vé ŋkfə fər və, wù lóo lì wiíy və̀n, wù nèn a fəə́r shindzə́v a dzə̀ é kwaʼ ji lá ŋkfə fə̀r yòʼ wìy a ker a wán.