Jeem 4:3 - ŊWÀʼ NYÙY

³ A vèn fə̀m kì lóné, la vèn yòʼ kòóy, bìʼ fo vèn yòʼ lón a dzə̀ kifá kee réŋ. Vèn lón kén a dzə̀ kifá ke mensə́ men mè tíy sho.

Jeem 4:3 Referans Kwoze

1 Joon 5:14

A bó vèsən yòʼ kfə̀n dzəə́ fan sa fó a koʼtí e Nyùy si, a lon kifá, bìʼ fo vèsən kiìn jii, a vèsən fèn lón ka fo wun, a bèn dzə̀ kifá ke wù koŋè, bo wù yuúri a kinyo késən.

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.

Jeem 4:1

Afə̀r vem, kinyo ke kí yii, bo vèn wáa lò, a taŋnín, a fùnèn ki dzə̀ ka? Kù dzə̀ bìʼ fo vèn kér shií fó vinyò ve mensə́ mè lim e věn wùn, báyir melív men.

Mayka 3:4

Njiìn won kù dzə̀ wo yiì ye bií. Bìʼ bey, kishiíy kí kù wiyì, ke vèn wíy a toŋ, a kàn Nyùy Tàr, yii bèy, é la wù yòʼ yù tóŋ yén. Wù kù wíy bìn ndzə̀m bínen e vèn.»

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Ŋgàn 21:13

Wìr səmrì vituʼùr fóo yu tóŋ ŋgaà kitàn, Nyùy sə̀mrì sá fóo yu rə́.

Ŋwàʼ Jov 35:12

Áwune vísə, aá tóŋé, a bó Nyùy yòʼ yú tóŋ yév, bìʼ fo á ŋaʼà, buʼtì vinyo.

Sekariya 7:13

Wù‑uù sùúy jii, «Mò‑oò sùŋnín, áwune tén yú, áwune lòo toŋ, m tén gháy.

Ŋwàʼ Luk 15:13

Wù sə́ rə́ə yee mbìv, e làa yòʼ keerí vishiíy vinín, e nèn fiìnè, e lì mbàm, e lò sho. Wù lò, e dù e wòŋ wúmóʼó kwaʼda, a dzə fo, a sèv, a bvəʼ mbàm sìy.

Maak 10:38

Jesus suúy aáwune jii, «Vèn yòʼ kì kinyo ke vèn lón kìn. A dzə̀ vèn nò bàr ŋgeʼ wo m wíy no a? A dzə̀ vèn biìmé ŋgeʼ ye m wíy nəə́ sho a?»

Matio 20:22

Jesus bìnèr jii, «Wón vée yòʼ kì kifá ke á lón kìn. A dzə̀ áwune nò fó bàr ŋgeʼ wo m wíy no fo fo a?» Áwune biímé jii, «A dzə̀ vèr nò.»

Jeremia 11:14

«Jeremia, lá à yòʼ yiì a bùnrì, lá à yòʼ yiì a buʼ wó e mò bìʼ wír vìn. Aáwune lò, a toŋ, a mbaà mo é ghan se á dzəə̀n é ŋgeʼ, bo m yòʼ‑óò yuúrí.

Ŋgàn 21:27

Nyùy ban cu wìr ve á méŋ wun, bo taaka ye wìr yii wùn à kwaʼtì ye bií.

Ŋgàn 1:28

Ŋwàáy, wír vìne wíy a yòŋ mo, é la m yòʼ a ghay. Á wíy a tàʼ mo e waá shuù, e làa yòʼ a yen.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Nsùyrì Nyùy 18:41

Á wáa toŋ, a lon sə́mo, la wìr yòʼ a dzə wóo sə áwune. Á wáa toŋ, à fo Nyùy Tàr shó, la wù yòʼ yuùrí.

Jeremia 11:11

Bìʼ bey, mo woo Nyùy Tàr nen kàʼ jii, ‹M yíi màʼ ŋgeʼ aáwuné kitu, ye bó yòʼ dzə̀ á bòy fó fo. Áwune yíi lòo toŋ e mò, é la m yòʼ yuùrí.

Ŋwàʼ Luk 15:30

Wan wò və̀n‑eè bvə̀ʼ ne kéŋ yé wùn aàsàkìi, wù kfə́n lèn fo laʼ, à nen gwàr a dzə̀ kimfàŋ ke wàn nàʼ, e fò shó.›

1 Afòn 3:11

Nyùy Tàr nèn sùúy e wun jii, «Mo à lonen a dzə̀ vifií vé a tinén vinyo sho e dzəə yee réŋ, e làa yòʼ lon a dzə̀ dzəʼə̀m ye dáa, kìn vikuʼùy, kìn ji m yúyrí aŋgaà vé vibàn,

Ŋwàʼ Luk 11:10

Vèn wáa kiíy ji wìr wo wù kooy kifá dzə̀ wo wù lóné. A wìr wo wù taʼ kifá waà yíi yen, aá mvəʼ shúu lav, é wìr wo wù kumrì nəə́.