Jeem 4:16 - ŊWÀʼ NYÙY

¹⁶ Vèn lo kén, á nèn a dzə̀v a dzə̀ nsaŋ, a sevtí mo vèn bvəə́shi, e yiì. Vèn wáa kiíy jii, fó a sevtí bèy dzə̀ á kinyo ke kisaŋ ki.

Jeem 4:16 Referans Kwoze

Ŋgàn 27:1

Lá à yòʼ a dzə̀v nsaŋ bìʼ kibvəə́shí, bìʼ fo à yòʼ kiìn kinyo ke kí yíi koóy.

1 Korin 5:6

Mo vèn yén kfə́ə kinyò kee ben, kfə̀n raʼsì wún, kí yoʼ bòŋ gheéy. Vèn wáa kiíy ji kinyo ke bi kí yii keʼ shishàr, kí nèn ghànén e wírí mvəm réŋréŋ moo shinyaà she á ŋèʼèn meŋkfəŋ kighín kifur, shí yií, meŋkfəŋ mè kóʼ medzə̀m.

Nsùyrì Nyùy 52:7

«Ku yèn ntav wo wù‑uù tenen fóo lìr e Nyùy sar vàv, kù tiir vifií a dzə̀ e wun kifàʼ, tiir vifií a dzə̀ é vinyò ve wù buʼtì.»

Ŋgàn 25:14

Wìr wo wù raʼsì wún bìʼ fómo, a wù yoʼ fò, dzə̀ moo mbàʼ wùn à shwéri, yee là wuú.

Ŋgaà Yen 18:7

Mo wù‑uù kóʼnin, yí kitú kfə́, á kù yíi sə̀r sa wun réŋréŋ bey, é wù wáa ŋeèy, a ser e kibvə̀r. Wù‑uù sévti jii, ‹M yéʼ e kàvàʼ, a sáʼ mo woŋ. M yòʼ dzə̀ wiíy ŋkfə. M yòʼ wíy a ser e vifù é ghan símóʼ sí ji m diy kpú lum.›

Jeem 3:14

A wìr lò, a ker kfə́ a dzə̀ kinsiimè e wùn shiliv, a dìy a dzə̀ ntaʼ, ŋgaàŋ wàa yen fó a dìn kitú kfə́ ji ŋgaà vifiì. A wù yii bèy, bo wù sí bívir kinyo ke Nyùy ke ru kí.

Aysaya 47:10

«Ven veé Babilon, vèn‑eè yéʼ, kwaʼ feyì ji yii yén ye bií kiŋsìn ven, a bó wìr yòʼ dzə̀ shó wo dzə̀ wù yèn ven. Vifií ve vèn kwaʼ ji á kér, kiiy jeéyjeéy fó vinyò vi yiì ne, vèn jáy dzə́ə, a dzə̀v nsaŋ ji vèn dzə̀ féyì, a wìr wóo dzə̀v kiwó kén yòʼ dzə̀.

Nsùyrì Nyùy 52:1

Ntav və̀n, à buʼtì vinyo, dzəv nsaŋ bèn a dzə̀ ka? Nyùy kù tíy wùn à wír vəə́ kishiíy kidzə̀m, kiŋsìn áwune.

1 Joon 2:16

A vinyo veé ndzə vìn vi dzə̀ jii, wíri lo, á wàa yiì vinyo a dzə̀ ve mensə́ mev mè taʼà, yén vifá, á wàa siimé, e kfə̀n a yiì vinyo vímóʼ ví vinín ji á fíʼ a koʼór wún. A bó vinyo vee shoon vi yòʼ lo fo Nyùy gheéy, dzə̀ veé ndzə fèn.