Jeem 4:12 - ŊWÀʼ NYÙY

¹² Vèn wáa kiíy jii, ŋgaà wo wù fer nsər kù jòʼsì e mòʼón, a kù mày wun wo dzə̀ wù wàa sayrí nsər yee shoon. Wù kér vitaáví vée sə wír wo wù gbuùn nsər, é wù luŋ, kfə̀n kér vée màʼ ŋgeʼ e wìr mo nsər suuyì. A wìr kfə̀n lò, a sayrí kinyo ke fər və, bo ŋgaàŋ kwaʼtì ji wun dzə̀ moo la?

Jeem 4:12 Referans Kwoze

Ŋwàʼ woó Rom 14:4

A bó yòʼ dzə̀ wìr wàa tàr kinyo ke wánlè wìr wo sən. Kìn wù jày, kìn bó wù jáy, bo dzə̀ kù sùúy Tàr wov. A dzə̀ Tàr wov sùúy ji wù yoʼ jày á kinyo.

Ŋwàʼ woó Rom 2:1

A tàm wìr lo lèn, wù wàa roòmè wír ve á yii kfə́ə vinyò vee bey. Wò woo ŋgaà roòmè, kù yòʼ a kiíy ji à kér sa nsaʼ, a fə̀m dzə̀ wò la. Mo à roomè bèy, kfə̀n yii víwun vee vinyo, à roomè a dzə̀ á wo woo jay.

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Aysaya 33:22

Rúrú, kù dzə̀ Nyùy Tàr wo wù kwaŋrì vinyo vesən. Dzə̀ wun ŋgaà saʼ wòsən, a dzə̀ fon wòsən, a wù kù wíy a sə vèsən fó ŋgeʼ sidzə̀m.

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Hibru 7:25

Wù nèn a dzə mo dzə̀ wù lùŋèr wír ve á bee wun, e bó a koʼtí e Nyùy si. A wù luŋèr áwune ŋkuuŋkùŋ, bìʼ fo wù dzəə̀n shó ghán sidzə̀m, tíy e Nyùy si, lón bìʼ áwune.

Ŋwàʼ woó Rom 14:13

Mo vinyo vìn vi dzəə̀n ben, vèsən ku bèr fo wìr wáa dìn jay wùmòʼ woo wír. Ke vèsən kú a yiì ki dzə̀ jii, vèsən lóo yiì kinyo ke kiìn vèsən, á wàa yen a fo kí yii, é fər wòsən wùmòʼ jáy kinyo ke shilív sə́ shí téné.

Ŋwàʼ woó Rom 9:20

Wìr wáa yen fó a suúy bèy. Bó yòʼ dzə̀ wìr wàa bìʼtì kinyo wùn Nyùy, bìʼ fo bó yòʼ dzə̀ kíŋ, yí lò, e kfə̀n a bìʼ wùn wìr wo wù bomen wun jii, «Wò‑oò bòm mo ben ji ka?»

Ŋwàʼ Luk 12:5

Vèn yuúrí wír wo dzə̀ á wàa fàn. Vèn wáa fàn a dzə̀ Nyùy. Wù yúyri wír fo wùn, wù kfə̀n a ker vitaáví ve dzə̀ wù màʼ ŋgaàŋ e və̀y. M nén a suúy jii, vèn wáa fàn a dzə̀ á wun woo Nyùy.

Ŋwàʼ Jov 38:2

«À dzə̀ ké ji la, e bó a moònìn vinyo ve m yii mo kiìn mo, a bó jí se à súŋnin si yòʼ kér nsàv?

1 Samuel 25:10

Nabal nèn lò bìnèr jii, «Davir və̀n dzə̀ la? Wan Jessi və̀n dzə̀ la? Akwàn aníne sí nyéŋkir fo atàr véví e ghan fen.