Jeem 4:11 - ŊWÀʼ NYÙY

¹¹ Afə̀r vem, lá wìr yòʼ a ghvə̀vrì fə́r və. Wìr wo wù ghvəvrì fə́r və, kìn wù say sàyìn, ŋgaàŋ ghvəvrì a dzə̀ nsər Nyùy, say wun woo Ŋgaà Nsər. A wìr yèn ji dzə̀ wun wàa sayrí nsər se Nyùy, bo bó wù yòʼ dzəə́ yén nsər ji kifá ke dzə̀ wun wàa yu fo fo. Wù wày ne kfə́ ji wun kú a sayrí sayrín.

Jeem 4:11 Referans Kwoze

1 Pita 2:1

Kí nén a dzə jii, mo Nyùy foon ne ven dzəʼə̀m ye fíy rə̀ne, vèn ku nèn màʼtì melív me bi mè. Lá wìr yòʼ dzə́ə a boʼtí sa kimboʼtì. Lá wù yòʼ a suŋnín lám e baà. Lá vèn yòʼ a dìy kifá ke wìr. Lá vèn yòʼ a suʼ kinsuʼ.

Ŋwàʼ woó Rom 2:1

A tàm wìr lo lèn, wù wàa roòmè wír ve á yii kfə́ə vinyò vee bey. Wò woo ŋgaà roòmè, kù yòʼ a kiíy ji à kér sa nsaʼ, a fə̀m dzə̀ wò la. Mo à roomè bèy, kfə̀n yii víwun vee vinyo, à roomè a dzə̀ á wo woo jay.

Jeem 5:9

Vèn lóo shìy, afə̀r vem, lá wìr yòʼ a ghvə̀vrì fə́r və, fó dzə̀sì rə́ə yee njò. Vèn wáa kiíy ji wìr wo wù wíy a tàr kinyo ke wìr dzə̀m sí tíy e shùu lav.

Ŋwàʼ Luk 6:37

Vèn wáa yen fó a roòmè wír, fo Nyùy wáa roòmè sa ven. Lá vèn yòʼ a nyàysì wír wùmòʼ ji wo bi, fo Nyùy wáa nyàysì sa ven. Vèn wáa làysìn ajay wíri, é Nyùy wáa làysìn sa vén.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Nsùyrì Nyùy 140:11

Lá wír ve á tóy vinyo e wírí bàmé yòʼ a kuy e kinyò ke á yii. Ké wìr ve á téʼ wíri ji á lémér, lòné ku jùmrì áwune cér, e laàr.

Efesor 4:31

Vèn maʼti vinyo ve ví yii yii, a wíri bírnin vi vidzə̀m. Lá wìr yòʼ a shevkír, a shwiíy kilòŋ fo wùmòʼ, a leéy wùmòʼ, é shilív shí wáa nyar. Lá vèn yòʼ a wamnín. Lá wìr yòʼ a lor wír. Vèn ku màʼtì melív me bi mè.

2 Korin 12:20

Kinyo ke m fan ki dzə̀ jii, ghanmóʼ, é m wìy wìy, e yèn kinyo ke kí wáa nyar mo, é m nèn a nyarnín sa. A m fan fó wìy wìy, e yen, a vèn seʼnìn, gheʼnìnè. Kìn vèn shwiiy a dzə̀ kilòŋ, kìn wìr diy a dzə̀ və́ woo shuu. Kìn dzə̀ ji vèn duú viduú, súʼ kinsuʼ. Kìn ámóʼó kóʼor wún, a wíri dzə́ jeéy jeéy.

2 Timoti 3:3

Bó á yòʼ wíy a kòŋ wíri, a bó á yòʼ wíy a rər mendzən fo wìr. Kév kí kù wíy a dzə viduú, aá wáa tiy a dzə̀ é liì kisaŋ, a nyarnín, a bàn kinyo ke dzəə̀n ke juŋ ki kidzə̀m bánen.

1 Timoti 3:11

A dzə̀ vikìy véví kù a ker sa liì wo juŋ, a lò ji weè, e làa yòʼ a dzə vé viduu, é wáa dzə wír ve dzə̀ á yiì kinyo là kiloʼ.

Ŋwàʼ woó Rom 7:7

Mo nsər sí ŋáʼar mensə́, a mè yii vinyo ve bi ví, a dzə̀ vèsən sùúy ji ka lèn? Dzə̀ ji nsər se Nyùy‑iì foon sí dzə̀ kinyo ke bi kí a? Bó yòʼ dzə̀ bey gheéy. Ke kí dzəə̀n kí dzə̀ jii, yiì nsər, é bo m kiíy kinyo ke dzəə̀n ke bi kí. A là fo nsər wáa shaʼnín jii, «Lá wìr yòʼ a siimé kifá ke dzəə̀n ké wìr wùmòʼ», bo bó m yòʼ‑oò ló a gwàrìr ji m yii siíme bèy, a dzə̀ á jay.

Ŋwàʼ woó Rom 2:13

A kí dzə̀ bey, bìʼ fo bó yòʼ dzə̀ wìr ghèén fo Nyùy ji wù kì nsər Nyùy. A dzə̀ nsaʼ kù ràn wun cáʼcáʼ bìʼ fo wù lem nsər yee shooy.

Jeem 1:25

Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.

Titur 2:3

Kù dzə̀ sá mo à wáa tir vikìy vee aránsisi ji á wáa ker a liì a dzə̀ wo vikìy ve á yú fo Nyùy, e làa yòʼ a duu viduú, e làa yòʼ a fo kitú e meluʼ mè. Áwune wáa dìn a dzə̀ á liì wo juŋ,

Jeem 1:16

Afə̀r vem, vèn wáa yen fó a boʼtí vitú vén.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Jeem 2:8

A vèn kì taʼ, a yiì réŋ, bo á kì lem a dzə̀ nsər ye yì tíy vitú e Nyùy mvə̀m vifòn, a dzə̀ ye yì dzəə̀n é Ŋwàʼ Nyùy jii, «Wìr wáa kòŋ fə́r və mo wù koŋ kitú kfə́.»

Jeem 5:7

Afə̀r vem, kí nén a dzə jii, vèn kú a dzə ji nyaáŋ, a shìy ghán se Taàtá wòsən Jesus wíy wìy. Vèn kú a dzə moo ŋgaà sùm wo wù leey ji wun wíy kav vifá ve juŋ vi fo wùn sum. Wù kù yii dzə́ ji nyaáŋ, shiy a dzə̀ kimgbù ke wuu. Yí sə́ʼəyì, wù nèn a shìy a dzə̀ ye yí wáa manrí vifá.

Jeem 5:10

Afə̀r vem, vèn ku lì kisəəm kí a dzə̀ fo wír ve vé‑eè tiísi ntum Nyùy fo ŋgùʼú. Áwune‑eè yén ŋgeʼ sinín, kù dzə́ ji nyaáŋ.