Jeem 4:10 - ŊWÀʼ NYÙY

¹⁰ Vèn wáa gvəʼə́r vitú vén a dzə̀ e Nyùy si, é wù wáa nàn ven.

Jeem 4:10 Referans Kwoze

Nsùyrì Nyùy 147:6

Nyùy Tàr yii nan wír ve á nəʼsì áwune, sə́ʼsi wír ve á méŋ wun e kibvə̀r.

Matio 23:12

Vèn wáa kiíy jii, wìr lóo koʼór kitú kfə́, bo Nyùy yíi a sèn ŋgaàŋ. Wù lóo borkír, Nyùy wàa koʼór wun.

1 Pita 5:6

Vèn ku nèn a borkír e Nyùy woo Ŋgaà Vitaàví si. Vèn lóo yiì bèy, ghán sə́ sí wíy gheenè, é wù kóʼór ven.

Ŋwàʼ Luk 14:11

Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»

Ŋwàʼ Jov 22:29

A wíri màʼ wír, à tóŋ ké ji Nyùy ku nàn a ŋgaàŋ e yuv, bo wù kù yíi lùŋèr woo shó wo wù yòʼ yén kitú kfə́.

Nsùyrì Nyùy 113:7

Wù nan gháy aghéʼncey, fəər vé kitàne fó mvə̀m ŋgeʼ.

Ŋwàʼ Luk 1:52

Wù sù ne afon, e bàʼtì fo kàvàʼ, e kòʼór a dzə̀ wír vee fó tèr.

Ŋwàʼ Luk 18:14

Vèn wáa kiíy jii, wìr və̀n‑eè fəə̀, e lòo səy e wùn laʼ, a Nyùy lí ne wun ji wír woo là jay, e shaà wir Farasi və̀y. Kù dzə̀ mo Nyùy wíy sèn wír ve á kóʼor vitú vév adzə̀m, e koʼór ve bó á yòʼ yén vitú vév.»

Nsùyrì Nyùy 27:6

Á bèy, m yíi a tiy aàŋgàa vibàn vémé kitu, a vé‑eè gìŋ ne mo, e tàr, a m yíi a seerí nyám si, a cù Nyùy Tàr, a ndzəʼ wun e wun lav cù. M yíi a yòv luŋ si, a sùyrì Nyùy Tàr shó, a burí wun.

Nsùyrì Nyùy 30:1

Áà Nyùy Tàr, m yíi a koʼór yír yé. Wò‑oò nàn mo fó nsay, e làa yòʼ màʼtì ji aŋgaà vém vibàné wáa sheʼ mo.

1 Samuel 2:9

Wù kù wíy a géʼsin e dzəʼə̀m wìr ve á yú wune, a wír ve á buʼtì vinyóo wíy lày e wòŋ aŋkfə. Bó yòʼ dzə̀ wìr sò ndzə ji vitaáví.

Nsùyrì Nyùy 28:9

Éè Nyùy Tàr, ku lùŋèr wír vée, e səə̀vì áwune ve à shoʼon ji vé. Kú a dzə nshìy wov, a leéy fo áwune, e dù, e jòʼsì.

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

1 Samuel 2:7

Nyùy Tàr lo, wù yiì, wír ámóʼó wàa tàn, ámóʼó wàa ker. Wù lo, wù sèn ámóʼó, e kòʼór ámóʼó.

2 Wòŋ 7:14

a m yiì bèy, wír ve dzəə̀n ji wír vémé biímé jay wov, a bùnrì, a lon mo, e neèr liì kisaŋ wo áwune kérí, bo m lo, e yu bunrì yév é yuv, e làysìn ajay vév, e nèn yiì, é nsay yev kfə́n e juŋ.

Ŋwàʼ Jov 5:11

Wù yii kóʼor alàghay, kaayì, kfə̀n kiŋsìn wír ve á diy lèn.

Ŋgàn 29:23

Wìr kóʼor wún, wù gbù, li kitú shishàr, á kù wìy a ghvəm wun.

Esiker 21:26

Yú kinyo ke mo woo Nyùy Tàr woo Taà Ndzə suuy ki. «Shóʼ tán ye ndzəméné, e shòʼ ntáráʼ. Vinyo vi yòʼ dzə̀ə́ lèn mo ví‑iì dzəə̀n. Kóʼór aghéʼnceyí, aá wáa saʼ, e sə̀ʼə́r vé saʼa é nsay.