Jeem 4:1 - ŊWÀʼ NYÙY

¹ Afə̀r vem, kinyo ke kí yii, bo vèn wáa lò, a taŋnín, a fùnèn ki dzə̀ ka? Kù dzə̀ bìʼ fo vèn kér shií fó vinyò ve mensə́ mè lim e věn wùn, báyir melív men.

Jeem 4:1 Referans Kwoze

1 Pita 2:11

Ŋkàr sem, vèn wáa kuumé ji vèn dzə̀ viŋgwìy, a vèn bee beèn é ndzə fèn. M nén a lon jii, lá vèn yòʼ a yu fo věn mensə me mè tíy a dzə̀ é vinyò veé ndzə fèn, funèn melív men me vèn tiirin e Nyùy wùn.

Galatia 5:17

Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.

Ŋwàʼ woó Rom 7:23

Mensə́ mem mè nén a dzə kfə́, a mè yú a dzə̀ fo rə́ə yee nsər, a yì funèn ye shilív shí bínsi rə̀n. Vinyo ve bi ví ku nèn a lìm e mǒ wùn, a kur mo ji wir sháŋ.

Ŋwàʼ woó Rom 8:7

A dzə̀ mo dzə̀ kí kù a dzə, bìʼ fo wìr lóo tiír vifií a dzə̀ é vinyò ve koŋ mensə́ mvə, bo wù sí tún ké Nyùy. A bó yòʼ dzə̀ wù kfə̀n a kòŋ ji wun yú nsər Nyùy. A wù fə̀m kì koŋ fó yu, bo dzə̀ la wù yòʼ yù.

Jeem 1:14

Ke kí dzəə̀n kí dzə̀ jii, báyir a shií wo wìr sí kér fo kinyò, yú a dzə̀ fó fo, a wù sí wáy wun e kitam.

Jeremia 17:9

«A dzə̀ kìíy la mo shilív shé wìr shi dzəə̀n? Kifá ki yòʼ dzə̀ shó ke kí kér kimboʼtì moo wun. Yàsí və tàv féyì fo á fer.

1 Pita 1:14

Vèn kú a yu a dzə̀ fo wun woo Nyùy, e làa yòʼ dzə́ə a yu a dzə̀ mo mensə́ mè lim e věn wùn, a yiì mo vèn‑eè rə́si yii, a bó á yóʼ ne kìíy Nyùy.

Kolosia 3:5

Vèn ku nèn lì vitú vén ji á kpù ne a fo mbìv vinyò ve mensə́ men mè taʼ vidzə̀m. Lá vèn yòʼ a jàŋ kinjàŋ, a ghan viŋkar, a shii vinyo vee bey, kìn dzə̀ liì kisaŋ woo ka. Lá vèn yòʼ a way vifií é vinyò ve ví kér lóm, é la wìr yòʼ a tàʼ kifàʼ. Wìr wo wù taʼ kifàʼ lì ne vifá ve wù koŋ vee shooy ji Nyùy və.

2 Pita 3:3

Kinyo ke kuʼùn ke m taʼ ji vèn kiíy kí dzə̀ jii, ndzə wíy kèʼ may, é wír ámóʼó fəə́, a sheʼ kinyo ke Nyùy shéʼén, a yiì a dzə̀ vinyo ve mensə́ mev mè koŋ vidzə̀m.

Jeem 4:3

A vèn fə̀m kì lóné, la vèn yòʼ kòóy, bìʼ fo vèn yòʼ lón a dzə̀ kifá kee réŋ. Vèn lón kén a dzə̀ kifá ke mensə́ men mè tíy sho.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Titur 3:9

À yú, a wìr biʼ mbìʼ kiyùŋ, à wàa leʼ leʼén, e làa yòʼ a nəə́ e kinyò kee kùm rám wíri, kìn vinyo vee kùm nsər wìr veé Juda ve wír ámóʼó rə́si ŋeevì, táŋnin fo fo. Vinyo vee shooy vi dzə̀ vé kisaŋ vi, a bó yòʼ dzə̀ ví sə̀ wír gheéy.

Ŋwàʼ woó Rom 7:5

Yì‑iì dzə̀ fó mbìy, a vèsən kù yii a dzə̀ mo mensə́ mèsən mè limè, a bó mè yòʼ‑oò koŋ, a yu fo nsər ye yì‑iì kér vèsən. Yì din jay, yì nèn màysì, e ŋàʼár mensə́ mèsən, vèsən wàa yiì vinyo ve ví wáa way vèsən wáyín é kpu yee ŋkuuŋkùŋ.

Matio 15:19

Kí kù yii lo a dzə̀ fó shiliv, bo wìr wáa kwàʼtì vinyo ve bi ví, lo, wù yùyrí wír, lo, wù lì wiiy wìr, e kfə̀n a jàŋ kinjàŋ, a ghan viŋkar. Wù lo, wù wàa shoŋ vishóŋ, e kfə̀n a toy wír e kinyò kisáŋ, a suʼ kinsuʼ.

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

2 Timoti 2:23

Kú a leʼ mbìʼ woo kùm vinyo ve wíri rə́si biʼ là ndzə̀n, a bó vifií ví yòʼ dzə̀ shó. À kì sá ji dzə̀ mbìʼ woo shooy kù bàyír wíri báyírín, á wàa taŋnín.