Jeem 3:9 - ŊWÀʼ NYÙY

⁹ A kù kfə̀n dzə̀ kiliímé kee shoon ke vèsən lo, á wàa burí Nyùy woo Tàr wòsən shó. Ku kfə̀n a dzə kíwun ke vèsən kuurì afə́r vesən shó, a Nyùy‑iì bòm, á wáa shwinín a dzə̀ wun.

Jeem 3:9 Referans Kwoze

Nsùyrì Nyùy 10:7

Kinyo ke kí fəə́ fo áwuné shuù ki kù dzə̀ ji lòné shóv wír. Á bóʼti kimboʼtì, nyavrì e wíri. Kisúŋnìn kév kí kù dzə̀ ji á gheʼ wír, e ròʼ.

Nsùyrì Nyùy 62:4

Rúrú, á kù taʼ, e sèn wun fo wun ntaʼ viwìr. Á koŋ, a boʼtí vinyo e wun bàm. Á suuy fo shuù ji bòŋ a vishí və́, yii bèy, kér e meliv ji shòv á lòn wun.

Nsùyrì Nyùy 59:12

Kiŋkoʼòrwùn kév kí ku kfə̀n ji kitám. Kí ku koò áwune mo á koò nyám e kitam, bìʼ vinyo vév ve bi ví, à jí se bi se sí fəə́ fo áwuné shuù si, à roʼ ye á roʼ wíri, à kimboʼtì ke á fəər fo shuù ki.

Kèʼlo 9:6

A wìr yùyrí wír, á yùyrí ŋgaàŋ, bìʼ fo mò‑oò bomen wír a dzə̀ e mǒ nshwìnín.

Lim Aŋgàa Ntum 2:26

Bìʼ bey, m nén a ker kishéʼrì e mǒ shiliv, a leŋ shéʼ. Fə̀m mo m dzəə̀n wír fo wìr, m kù leey a dzə̀ fó mbìy,

2 Samuel 19:21

Abishay wo yè wov‑iì dzəə̀n Tsəruyia nèn gìtì, e sùúy ji Shimey dzə̀ á wír wo á yúyrí á yuyrín, bìʼ fo wù‑uù kuurì a fon wo Nyùy Tàr‑iì yoʼon.

Kèʼlo 5:1

Rám Adame rə̀ne mo vé‑eè saŋen mo yí‑iì dzəə̀n. A kí dzə̀ jii, Nyùy‑iì bòm wír e wun nshwìnín, wù wáa dzə moo wun.

1 Korin 11:7

A bó yòʼ dzə̀ lùmèn wàa bùnrì e táné kitu, bìʼ fo wù dzəə̀n nsə̀nin Nyùy, din a dzə̀ vijuŋ ve wun woo Nyùy. A wiíy nèn din kfə́ vijuŋ a dzə̀ ve dzəə̀n vé lum və.

Ŋwàʼ woó Rom 3:14

Kinyo ke kí fəə́ fo áwuné shuù ki kù dzə̀ ji lòné shóv wír, aá kù fəər a dzə̀ jí se bi sí.

Matio 26:74

Pita nèn a kàn kitú kfə́ lèn, a lìʼtì feyì jii, «M yòʼ kì wír woo shó.» Kù mo wù baʼ fo shuù, kiyuú ki nèn tòŋ.

Matio 5:44

Yii bèy, a m duŋrì kém jii, vèn wáa kòŋ aŋgaà vén vibàn, a bùnrì a fo wír ve á nəʼsì vené.

Aysaya 29:13

Nyùy Tàr woo Tàr wor suuy jii, «Wír vìne wiy ji á cu mo, a kù dzə̀ fó shuù, áwune ghvə́m mo a dzə̀ e shúu. Yii bèy, a melív mev mè dzə̀ a dzə̀ fó səné. Áwune cu mo kisáŋ, bìʼ fo á jumrì nsər a dzə̀ se bomen wír, a yeʼéy.

Ŋgaà Tàrvìnyò 7:22

Wówò kitú ké, à kì ji à kuùrì ne sa wír ámóʼó akàŋ anín.

Nsùyrì Nyùy 108:1

Rúrú, Nyùy, shilív shém shí tùúy ne e wò wùn. Shí kù tùúy ne a dzə̀ e wò wùn. M yíi a yòv, a burí wò. Mo‑óò yimen, a yòv,

Nsùyrì Nyùy 71:24

M yíi a fìʼtì ghán sidzə̀m kinyo ke juŋ ke à yiìn e mò. À màʼ ne wír ve á taʼ, e lemér mo, e yiì, á wáa woomé.

Nsùyrì Nyùy 63:4

M yíi a burí wò, e dù meé mo m wíy kpu. M yíi a nàn wó yém é yuv, a wùʼsì yír yé.

Nsùyrì Nyùy 57:8

Mo‑óò yimen, a yòv, a yìmrì lúŋ sí, a dzə̀ yé nshìí. Mo‑óò yov, e yìmrì shúy, é ndzə rán.

Nsùyrì Nyùy 51:14

Éè Nyùy, wò woo ŋgaà lùŋèr wom, sù njò yem yee bìʼ kinjuyrìwìr, é m boy, a fuŋ yòv, a fìʼtì mo à dzəə̀n e juŋ.

Nsùyrì Nyùy 35:28

Á bèy, é m wáa fìʼtì mo à yii tínen kinyo ké là kiŋkùvrì, a fìʼtì, a koʼór yír yé ghán sidzə̀m.

Nsùyrì Nyùy 34:1

M yíi a beèrì Nyùy Tàr ghán sidzə̀m. Búrí rəə́ kú a dzə e mǒ shuù, e dù, e jòʼsì.

Nsùyrì Nyùy 30:12

m wáa sheʼrí, a burí wò, e làa yòʼ a dzə kisə́sə. Éè Nyùy Tàr, Nyùy wom, m kù yíi a yòv, a beèrì wò, e dù, e jòʼsì.

Nsùyrì Nyùy 16:9

Bìʼ bey, Nyùy Tàr, m kér kishéʼrì e mǒ shiliv, yú vijuŋ. Fə̀m mo m dzəə̀n wír fo wìr, m dzə́ là kinyo ké a fàn,

1 Wòŋ 29:20

Davir nèn sùúy e wìr dzə̀m wo wù‑uù baʼtin jii, «Vèn wáa burí Nyùy Tàr woo Nyùy won.» Wìr dzə̀m wo wù‑uù baʼtin fó nèn a burí Nyùy Tàr woo Nyùy atàr vév. Vé‑eè tsə̀m ndzəə́, e làʼ kitú e nsay, e ghvə̀m Nyùy Tàr, e nèn fò sá ghvə́m e fòn.

1 Wòŋ 29:10

Fòn Davir nèn lò, e tìím e màŋgòŋ wo wù‑uù baʼtín si, a burí Nyùy Tàr, a suúy jii, «Éè Nyùy Tàr woo Nyùy Isray woo tàr à atàr vér, á kú a burí wò, e wìy dù, e mày.

2 Samuel 16:5

Fòn Davir ghán, e dù, e mèé e Bahurim, wìr wùmòʼ fəə́, a wìy, a kuùnìn kuùnìn. Yì‑iì dzə̀ wir kfəə Saul, a yír rəə́ dzə̀ Shimey woo wan Gera.

Atǎr Nsaʼ 9:27

Wáa dzə e ghan fóo fèy, wíri wáa fəə e kwaʼ, a baʼtí báŋ se vitiír vé vayin, a fèr meluʼ sho, e nèn lò, e wìy, a yi ŋkàʼ e nyùy wóv lav. Áwune wáa yinín, a nonín, á nèn lò, a shov Abimelek.

Efesor 1:3

Vèsən kú a burí Nyùy woo Tàr à Taàtá wòsən Jesus Kristu ghán sidzə̀m. Wù tàtí vèsən à Jesus Kristu, e bùʼ e vijuŋ və́ veé yuv ví vidzə̀m.

Nsùyrì Nyùy 145:21

M yíi a burí Nyùy Tàr ghán sidzə̀m. Kifá ke Nyùy‑iì bomen kidzə̀m ki kú a wùʼsì yír rə́ ye ranéné, e kù a wùʼsì, e dù, e jòʼsì.

Nsùyrì Nyùy 145:1

À dzə̀ Nyùy wo m ghvə́mé, à dzə̀ fon wo m lim fo fo, a m yíi a fèr, e wìy dù, e jòʼsì ji à dzə̀ á e gháʼtín.

1 Pita 1:3

Vèsən ku nèn a beèrì Nyùy woo Tàr à Taàtá wòsən Jesus Kristu. Wù‑uù rə̀r ne mendzən fo vèsən é ŋàŋ, e yiì, vèsən wáa dzə wír və́ bìʼ Jesus Kristu. Mo Kristu‑uù kpuun fo vèsən, e kfə̀n fəə̀ fó kpu, vèsən nén a dzə wír ve á dzəə̀n afíy. A vèsən sí dzə́ lèn, njeʼ feyì, leey a dzə̀ fó mbìy ji

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Jeem 3:10

Shuu e mòʼóné nén a fəə́r vinyo vibaà, a fəə́r liy, a fəə́r beerì. A bó kí yoʼ ghèén bèy gheéy, afə̀r vem.