Jeem 3:8 - ŊWÀʼ NYÙY

⁸ A bó wìr yòʼ dzə̀ shó feyì gheéy wo dzə̀ wù yèʼéy kiliímé. Kí kù fəəmè vinyo fə́əmen a dzə̀ ve bi ví ve dzə̀ wìr kpù shó mo tè búv.

Jeem 3:8 Referans Kwoze

Ŋwàʼ woó Rom 3:13

Shuu wóví dzə̀ wú wày wír e sày, a kiliímé kév kí kù fer a dzə̀ kimboʼtì. Jí se sí fəə́ fo áwuné kilayláy sí dzə̀ ndzəʼ, ndzəʼ, wo dzə̀ wù yùyrí wír mo tè búv.

Nsùyrì Nyùy 140:3

Jí se sí fəə́ fo áwuné kilayláy sí dzə̀ ji ndzəʼ, ndzəʼ, wo dzə̀ wù yùyrí wír mo tè búv.

Jeem 3:6

A kiliímé ki kù dzə̀ moo və́y vən. Vinyo ve bi veé ndzə vidzə̀m vi tàtí, a tiy a dzə̀ é kiliimé, e nèn ràm fo fo, e bìvír wún wìr e dzə̀m. Dzəʼə̀m wìri lo, yí bìr e dzə̀m mo ŋgaàŋ shwì a dzə̀ é və̀y. A kù sə̀ʼ kiliímé və́y woo shooy, a kí lì a dzə̀ fo Satan kiy.

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

Nsùyrì Nyùy 57:4

M dzə́ bèn, aàŋgàa vibàné gìŋ ne mo, e tàr, aá dzə̀ moo abvərə̀ʼ ve jìŋ yárí, aá taʼ jav wìr. Sóŋ sév sí njím moo njàʼ se kòŋ, njím moo kitú ke mvə̀n. Kiliímé kév kí dzə̀ moo shwàʼ wo á baàyìn.

Nsùyrì Nyùy 59:7

Áwune vísə, mo á nyamnìnè. Á shuʼ vinyo ve beemén ví fó shuù, kwaʼtì jii, «A dzə̀ yù la kinyo ke vèr suuyì?»

Nsùyrì Nyùy 58:4

Áwune dzə̀ ji yó ye yì kér ndzəʼ e shuù. Á dzə̀ ji búv wo wù yòʼ yú kinyo, a bó yòʼ dzə̀ á yèʼéy, e mèrìr.

Ŋgaà Tàrvìnyò 10:11

A wìr kér nsə̀ŋ, e kfə̀n màʼtì yò té wun, é bo wù wáa tàʼ, bo yòʼ dzə̀ yì kfə̀n sə̀ wun.

Remrí 32:33

Meluʼ me á fer fo fo mè dzə̀ ji ndzəʼ búv, e kfə̀n a dzə ji ndzəʼ yò mbàm.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Ŋgàn 17:20

Wìr lóo ker shilív she bi shí, la vikuʼùy ví yòʼ a nəə́ wun. Wìr lóo boʼtí kimboʼtì, wù nə̀ə́ é ŋgeʼ.

Jeem 3:7

A fə̀m dzə̀ kfə́ə nyàm rəné, bo wìr kù kì mo dzə̀ wù yèʼéy, e mèrìr. Aá kù‑uù sí yéʼey bèy sinín, kìn dzə̀ nyam kwaʼ, kìn shinə́n, kìn vifá vee moo yó, kìn sə́.