Jeem 3:5 - ŊWÀʼ NYÙY

⁵ A kù dzə̀ sá mo kiliímé ki dzəə̀n. Dzə̀ shirəʼə̀n she wùn là rooné ben, a kí tàv é ŋàŋ, buʼtì vinyo vinín. Vèn kì sá mo shisásáy she və̀y shí dzə̀ shí tòn kimà ké kòv kifur.

Jeem 3:5 Referans Kwoze

Ŋgàn 18:21

Kisúŋnìn ke wìr ki fó dzəʼə̀m, kìn kpú, é wír ve á súŋnin e ŋàŋé ku nèn a kiíy.

Ŋgàn 12:18

Lám wo bií lémer wír moo nyùy rə̀r ye á baàyìn, a kisúŋnìn ke fiì kí fer wír férin.

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Nsùyrì Nyùy 17:10

Á yòʼ kér mendzən gheéy, á súŋnin, kóʼor a dzə̀ wún.

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

Nsùyrì Nyùy 10:3

Wír ve á méŋ Nyùyi saa wún ji kév kí kù dzə̀ á ke mensə́ mev mè taʼà. Á búri vé bòŋáyimoó, ŋwáy Nyùy Tàr ŋwáyín.

Esiker 28:2

«Wàn wìr msòŋ, yòŋ ŋgaà saʼ woó Taya, e sùúy sho ji ke Nyùy Tàr woo Taà Ndzə suuy ki dzə̀ á jii: « ‹À kér kiŋkoʼòrwùn e wò shiliv, dzəv nsaŋ, yoŋ ji m sì nyùy, sévti ji m dzə́ e kàvàʼ, e ntìntìn rìbà ndzə̀v, a dzə̀ wo anyùy. Wò, aà dzə̀ wír fo wìr, aà yòʼ dzə̀ nyùy wùmòʼ, fə̀m mo à sév ji vifií vé vi dzə̀ á vé anyùy.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

Daniel 4:30

Fòn nèn lò, e njàʼàm jii, «Yímóy, ku yèn búʼú, ŋkàlaʼ ye kuʼùn yee Babilon ye m bàʼrìn ji ntoʼ yem kishìíy. M bàʼrì a dzə̀ e vitaáví vém ve ghaʼán ví, a yì din vikuʼùy vém féyì feyì, din viwìr vém vee ji fon.»

Ŋwàʼ Jov 22:17

Vé‑eè té lám e Nyùy jii, ‹Kíŋrí fo věr ghaŋ,› kfə̀n keŋ jii, ‹A dzə̀ Ŋgaà Vitaàví Vidzə̀m yiì ka e vèr?›

Ŋwàʼ Fəə 15:9

Ŋgaà vibàn dzə̀v nsaŋ jii, ‹M yíi jùm áwune, e koo. M yíi jàv káv wóv, e lì mbìv ye m koŋè. M yíi shoʼ nyùy yem, e laàr áwune e kiwó kém kí.›

Daniel 3:15

Kí nén a dzə̀ jii, vèn dzəə́ yìi yu sóŋ, e yu loŋ, e yu lúŋ, à yé nshìí, e lì yé mbàytìi, é vifá vìn vi laŋsin, é kiléŋléŋ kí wáa koʼ. Vèn kù yòʼ yíi yu, a dzə kibáʼtín fóo tsəm, a ghvəm shibvə̀m she mò‑oò fèrìn á? Yii bèy, a vèn tèn, bo á kù‑úù li ven é nsənnsən, e màʼ e kimbiirìn ke və̀y fo və́yí bo, gheʼèmè, é m yén ó nyùy woo shó wo wù yíi fəə́r ven fó fo.»

Esiker 29:3

Súŋnín, e sùúy ji ke Nyùy Tàr woo Taà Ndzə suuy ki dzə̀ á jii: « ‹Farao, fon woó Ejiv, yuúrí, e yù, m dzə̀ ŋgaà wò vibàn. Wò woo kigàgǎʼsòŋ ke kí néŋ e mvə̀m nshwǎn ndzəv yee Naay, néŋ bèy, sév jii, kér mo ndzə́v yee Naay, mò‑oò fèr ji yém.

Ŋwàʼ Fəə 5:2

Farao bìnèr jii, «Nyùy Tàr dzə̀ la, é bo m yú jí rə, e màʼtì wír veé Isray ji á wáa dù? M yòʼ kì Nyùy Tàr, a bó m yòʼ fə̀m‑éè maʼti wír veé Isray.»

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Ŋgàn 26:20

Meŋkaʼ mè búŋ fo kiy, və́yí ndzə̀mén. Ŋgaà kinsuʼ búŋ fo kirə̀ʼ, kinyam ki mày.

Jeem 3:4

Vèn kfən lì sa mfìʼ fo kikóŋ keé ndzəv kí. Kí kùʼ e ŋàŋ, a shwér wo wú dom, bo kí wáa ghane shaà vitaáví. Yii bèy, a bó mbàŋ ye ŋgaà kikoŋ binèr sho yòʼ dzə̀ e nín. Wù lóo bìnèr, kí kù yòʼ a dù fo wù koŋ ji kí wáa dù.