Jeem 3:4 - ŊWÀʼ NYÙY

⁴ Vèn kfən lì sa mfìʼ fo kikóŋ keé ndzəv kí. Kí kùʼ e ŋàŋ, a shwér wo wú dom, bo kí wáa ghane shaà vitaáví. Yii bèy, a bó mbàŋ ye ŋgaà kikoŋ binèr sho yòʼ dzə̀ e nín. Wù lóo bìnèr, kí kù yòʼ a dù fo wù koŋ ji kí wáa dù.

Jeem 3:4 Referans Kwoze

Matio 8:24

Kinsəm ki nèn lò, e sàsìn, a shaà kitávín, a tsəy ndzə́v, mendzə́v mè wáa liy, a nəə́ e kikoŋ, a Jesus kì buúne.

Jona 1:4

Nyùy Tàr nèn fə̀ə́r kinsəm ke tavín kí, kí wáa kàr rìbà ndzə̀v, kikoŋ ki wáa tàʼ kée sàʼkìr.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

Lim Aŋgàa Ntum 27:11

Yii bèy, la kilìmbìy ke rər kí yòʼ yù kinyo ke Por. Wù kú a yu a dzə̀ ké ŋgaà kikoŋ wùn wìr wo wù‑uù səŋ kikóŋ.

Jeem 3:3

Kù dzə̀ réŋréŋ sá mo vèsən yii li shisháŋ là rooné, á wày e nyàmŋkoʼ shuù ji yì fíʼ a yu vèsən. Á nèn a bìnèr wún nyàm sho e dzə̀m, yì wàa dù fo vèsən koŋè.

Jeem 3:5

A kù dzə̀ sá mo kiliímé ki dzəə̀n. Dzə̀ shirəʼə̀n she wùn là rooné ben, a kí tàv é ŋàŋ, buʼtì vinyo vinín. Vèn kì sá mo shisásáy she və̀y shí dzə̀ shí tòn kimà ké kòv kifur.