Jeem 3:3 - ŊWÀʼ NYÙY

³ Kù dzə̀ réŋréŋ sá mo vèsən yii li shisháŋ là rooné, á wày e nyàmŋkoʼ shuù ji yì fíʼ a yu vèsən. Á nèn a bìnèr wún nyàm sho e dzə̀m, yì wàa dù fo vèsən koŋè.

Jeem 3:3 Referans Kwoze

Nsùyrì Nyùy 32:9

Lá à yòʼ a yuŋsí moo nyamŋkoʼ, a yuŋsí moo kimbèʼbìy ké nyàmŋkoʼ, nyám, aá kù danèr a dzə̀ e sháŋ, kan kànèn, é bo yì yúnín, a dù.»

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Jeem 1:26

A wìr yoŋ kitú kfə́ ji wir Nyùy, a bó yòʼ dzə̀ wù mèy kiliímé kfə́, bo ŋgaàŋ bóʼti kitú kfə́, a kinyo ke wù yoŋ kitú kfə́ ji wir Nyùy ki lày kisáŋ.

2 Afòn 19:28

À fàŋ ne mo, kiŋkoʼòrwùn ké ki nəə́ e mǒ kitùʼùr. Bìʼ bey, m yíi way ŋgòvìr yem e wò yuy, wáy sháŋ e wò shuù, é m nèn bìnèr wò, áà wáa kfən, a kfən, a kù dzə̀ fó dzəə ye wò‑oò wìyìn fó fo.»

Aysaya 37:29

À fàŋ ne mo, kiŋkoʼòrwùn ké ki nəə́ e mǒ kitùʼùr. Bìʼ bey, m yíi way ŋgòvìr yem e wò yuy, wáy sháŋ e wò shuù, é m nèn bìnèr wò, áà wáa kfən, a kfən, a kù dzə̀ fó dzəə ye wò‑oò wìyìn fó fo.»

Jeem 3:4

Vèn kfən lì sa mfìʼ fo kikóŋ keé ndzəv kí. Kí kùʼ e ŋàŋ, a shwér wo wú dom, bo kí wáa ghane shaà vitaáví. Yii bèy, a bó mbàŋ ye ŋgaà kikoŋ binèr sho yòʼ dzə̀ e nín. Wù lóo bìnèr, kí kù yòʼ a dù fo wù koŋ ji kí wáa dù.

Ŋwàʼ Jov 41:13

Wìr wo a dzə̀ wù yùv júv rə dzə̀ la? A dzə̀ shùʼ la vibá ve ví vaasin, a kìŋsìn wún və́?