Jeem 3:2 - ŊWÀʼ NYÙY

² Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.

Jeem 3:2 Referans Kwoze

Jeem 1:26

A wìr yoŋ kitú kfə́ ji wir Nyùy, a bó yòʼ dzə̀ wù mèy kiliímé kfə́, bo ŋgaàŋ bóʼti kitú kfə́, a kinyo ke wù yoŋ kitú kfə́ ji wir Nyùy ki lày kisáŋ.

Ŋgàn 13:3

Wìr kim shúu və́, wù kìm kitú kfə́, wìr mvəʼ shuu, lem e rə́, wù màʼày kitú máʼayin.

1 Pita 3:10

A dzə̀ mo vé‑eè saŋen é Ŋwàʼ Nyùy jii: «Wìr wo wù taʼ ji wun wáa dzə e dzə̀ʼə̀m, a yu vijuŋ, ŋgaàŋ kim kiliímé kfə́ fó vinyò ve bi ví, e bèr kimboʼtì.

Matio 12:37

Á kù wíy a lì a dzə̀ vinyo ve ví‑iì fəə́ fo wìr shuù, e bó a saʼ ŋgaàŋ sho, kìn wù gbù nsaʼ, kìn wù ràn.»

Nsùyrì Nyùy 34:13

ŋgaàŋ kim kiliímé kfə́ fó vinyò ve bi ví, e yàr kimboʼtì.

Ŋgàn 20:9

A dzə̀ dzə̀v la nsaŋ jii, «M sù ne shilív shém, a m dzə̀ là jay.»

Ŋgaà Tàrvìnyò 7:20

Rúrú, bó wìr woo là nsem yòʼ dzə̀ shó e kitu ke nsay, wo wù kù yii vinyo a dzə̀ ve réŋ ví, a bó yòʼ dzə̀ wù jày kinyo.

Ŋwàʼ woó Rom 3:10

A dzə̀ kíwun ke vé‑eè saŋen jii: «Wìr wo wù gheenen Nyùy yòʼ dzə̀ shó gheéy fə̀m, e mòʼón.

Jeem 1:4

Vèn ku nèn a tiy kitávín, e wày ji vèn tósín é mvə̀m ŋgeʼ foo fèy, e fíʼ gheén mo dzə̀ wír Nyùyi wàa dzə. Vèn gheen bèy, é la á yòʼ dzə́ə a bvə̀ʼ fo kinyò kímóʼ kí gheéy.

1 Afòn 8:46

«Mo bó wìr woo là jay yòʼ dzəə̀n, a wír vée lòo dzə, e jày e wò, à shwiíy kilòŋ, e màʼtì aŋgàa vibàn véví koórí áwune ji akwàn, e dù sho aáwuné wòŋ kwaʼda, kìn fó mentsə̀m,

Jeem 2:10

Vèn kì sá jii, a wìr fə̀m lò, a lèm nsər sidzə̀m, e shòʼór yee mòʼón, bo wù gbù ne fo nsər se Nyùy sidzə̀m.

Aysaya 64:6

Vèr kfə̀n ne ji vé *kifàné adzə̀m, fə̀m vinyo ve juŋ ve vèr yiìn ví kù kóʼoy kòʼòyín, kóʼoy, kù moo kinsàr ke ndzə̀y ke mensə́ mè lorin ne. Vinyo vér ve bi ví yiì ne, vèr soóy moo vav se vici, vav se shwéri feer, du sho.

1 Korin 9:27

M nyavrì e wún wómé, merìr, é wú fiʼ biìmé ŋgeʼ sidzə̀m, fo Nyùy wìy yèn ji bó m yoʼ ghèén, e tsə̀ʼ mo fo aŋgaà və́ lìmé ŋgoo. A kfə̀n dzə̀ mo wo mò‑oò yéʼey aŋgaà və́ lìm vee shooy.

Hibru 13:21

Nyùy ku fò ven vifá ve juŋ vi vidzə̀m, é vèn wáa yiì vinyo və́ shó. Wù ku yiì, é Jesus Kristu wáa sə ven, é vèn wáa yiì a dzə̀ vinyo ve ví boŋ wun woo Nyùy. Á kú a burí Kristu ghán sidzə̀m, là may. Amen.

Kolosia 4:12

Epafar wo dzəə̀n wír woo věn kintatì, shaʼtì sa ven. Wù lim sa kitávín fo Jesus Kristu. A wù yii kuúme ven ghán sidzə̀m, bunrì ji Nyùy ku yiì, é vèn wáa tiy kitávín vèn à Nyùy, e màysì a dzə ji wír və́, a kiíy kinyo ke wù taʼ ji vèn wáa yiì, a tiy a dzə̀ shó.

Kolosia 1:28

Vèr ku nèn a fìʼtì wun woo Kristu e wìr dzə̀m, a tir áwune, fo á rán vijuŋ vee shooy, a lì vifií vér, a yeʼéy wir mòʼón mòʼón, aá maysi, e tàtí wùn à Kristu, e ghèén mo dzə̀ wír Nyùyi wàa dzə.

Galatia 3:22

Yii bèy, ke Ŋwàʼ Nyùyi din ki dzə̀ jii, wìr dzə̀m sí reŋ a vikwàn fó vinyò ve bi ví. A wú din bèy ji wíri fiʼ kìíy a ji kù mày wír ve á wáy shilív e Jesus Kristu wùn ve á wíy a ker ŋkàʼmé wo Nyùy‑iì kàʼàn, bìʼ fo wù‑uù kàʼàn a dzə̀ wír vee bey sho.

Ŋwàʼ woó Rom 7:21

M nén a yen vinyo vìn vidzə̀m ji kù sì nsər yem á jii, m lo ji m yii kinyo ke dzəə̀n ke juŋ ki, kù nèn fəə̀ ke bi kí.

2 Wòŋ 6:36

«Mo bó wìr woo là jay yòʼ dzəə̀n, a wír vée lòo dzə, e jày e wò, à shwiíy kilòŋ, e màʼtì aŋgàa vibàn véví koórí áwune ji akwàn, e dù sho e wòŋ wúmóʼó kwaʼda, kìn woo fó mentsə̀m,

1 Pita 5:10

Vèn wáa kiíy ji vèn kù yén ŋgeʼ rə̀n a dzə̀ fó shintàm, é Nyùy wo wù rə́si shám ven ku nèn fə̀ə́r ven fó fo. Wù‑uù lì ven, e tàtí vèn à Kristu ji vèn fíʼ wìy nə̀ə́ e wùn mvə̀m vijùŋ vee là may, a wù kù wíy a leéy fo vèn, a tom ven, é vèn wáa tiy kitávín, é la wìr yòʼ a sə̀ʼ.

Galatia 5:17

Kinyo ke mensə́ mè koŋ ki yòʼ dzə̀ ke Kiyoy ke Ranén kí tíy sho. Ke Kiyoy ke Ranén kí tíy sho ki nén a dzə ke bó mensə́ mè yòʼ koŋè. Mo bó yòʼ dzə̀ vinyo vìn vi shèmsín, bo bó yòʼ dzə̀ vèn wàa yiì vinyo ve vèn koŋ a yiì.

Nsùyrì Nyùy 39:1

Mò‑oò shìvìr jii, «M yíi a tiír kiwúu kém, a fìʼ, ji lá m yòʼ a suúy kinyo ke dzə̀ kí wày mo é jay. Mo wír ve á méŋ wòo dzə̀ə́ e mǒ si, m yíi sətí shuu wóm.»

Ŋgàn 10:19

Wìr lóo yàv jí, wù wàa jay vinyo. Mey lám, bo á fií lèn.

Ŋgàn 21:23

Wìr kim shuu və́, wù bòy fó melaà.

Matio 12:34

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.

Cù 13:39

bo taà cù yíi kàʼày ŋgaàŋ, yén, a vishim vee shooy vi fəə́si fo tèr, bo dzə̀ kinsaàsì mo kí fəən é wùn wó, a ŋgaàŋ dzə̀ là kifàn.

Ŋwàʼ Jov 15:13

e bó a shwiíy kilòŋ vèn Nyùy, a fam vinyo, é kfə́ə ji see bey si wáa fəə fo wò shuù?